عشق الوحوش والشياطين

الفصل 48

الفصل 48
صلي على نبي الرحمه 💜
كانت تسير بغير هدى تشعر فقد بالضياع الشديد وتمنع دموعها من النزول حتى لا يرى احد ضعفها شعرت بيد تشدها وتدخلها احد المكاتب علمته فورا من رائحته
" عيطي طلعي اللي جواكي يا جين"
ما قال هذا إلا وانفجرت في بكاء شديد وهي تدفن وجهها في صدره تبكي وتبكي تشعر أن حضنه هو مكان أمانها الوحيد والذي بقى لها في هذه الدنيا
اما هو ادمعت عيونه حزنا عليها وملس على شعرها بحنان شديد لتنتهي هي من نوبه البكاء هذه وتغفو بين أحضانه من التعب
شعر هو أن جسدها ثقل عليه علم انها نامت حملها بين يديه ليعيدها إلى المنزل
..........................................
اما في مكان آخر دخلت هذا القصر الكبير لكنه هادي على غير العاده كانت ستصعد إلى السلم لكن اوقفها صوتها الذي أصبحت تكرهه بشده
'' عندك رايحه فين انتي فاكره نفسك في فندق تدخلي وقت ما تحبي وتخرجي وقت ما تحبي لا يا دكتوره البيت ده ليه نظام ''
فضلت شغف تسمعها ببرود شديد
'' خلصتي ''
زينات بتكبر: ايوه هتدافعي عن نفسك بايه دلوقتي
نظرت لها شغف وبعدها صعدت السلم ببطء تقول ببرود
'' معلش يا حماتي محتاجه ارتاح حامل بقى وكده ''
نظرت لها زينات بصدمه من تجاهلها وكانت ستصرخ بها لكن اوقفها صوت طارق الحاد
'' زيــــنــــات سيبيها هي تعبانه أجلي محاضرتك دي وشوفي انتي رايحه فين ''
نظرت له زينات بغضب وذهبت
اما طارق وضع يده بألم قليلا على قلبه ثم ذهب للمكتب ولاحظت هذا شغف التي كانت تراقب بهدوء شديد من فوق وبعدها ذهبت
'' وربنا العيله دي مجنونه ''
..........................................
اما عند رسيل كانت داخله البيت وكانت الساعه 11 بالليل بس حست بالجوع فدخلت المطبخ وكان الكل نايم فقدت تاكل من اللي في التلاجه وعدت ساعه وسمعت صوت من برا فخرجت ووقفت جنب باب المطبخ لما شافت حسين وصفا
حسين بغضب: لسه بدري يا هانم جايه في نص الليل كنتي استنى الفجر
صفا بتعب: عايز ايه يا حسين دلوقتي انا عايزه انام
حسين ربع ايديه: وطالما انتي عايزه تنامي وتعبانه راجعه ليه متأخر
صفا بصوت عالي نسبيا: يا حسين لو سمحت عايزه أنام أجل الخناق بعدين
حسين: انا مش فاهم انتي عايزه ايه
صفا بصراخ وبكاء: وده عيبك يا حسين عمرك ما عرفت انا عايزه عمرك ما اهتميت بيا دايما بعيد عني عارف بسهر لنص الليل وبسافر كتير ليه علشان تحس باللي انا كنت بحس به جاي دلوقتي تحاسبني دايما فاكر اني السبب في موت حلا مع اني لما عرفت كنت منهاره وانت عملت ايه زدت الموضوع عليا
صفا طلعت لفوق وهي بتجري اما حسين فضل واقف للدرجه دى كان مقصر معاها ودايما كان بيجيب اللوم عليها سمع صوت رسيل من وراه بتقول
'' اطلع ليها يا عمي الست دايما بتبقي عايزه حضن وحنان واهتمام صدقني انت لو عملت كده هترجع زي الاول تصبح على خير ''
رسيل طلعت ودخلت اوضه يحيى وقعدت جمبه على السرير
'' عارفه انك صاحي قوم يلا ''
يحيى اتعدل وقال: اتاخرتي ليه
رسيل: كنت باكل تحت المهم بعد بكره هنروح نجيب أدوات الدراسه المدارس هتبدا الأسبوع اللي جاي
يحيى بتوتر: بس يعني انا مش عايز اروح المدرسه
رسيل كشرت: ليه
يحيى: مش عايز انا يعني مش عندي صحاب وببقي وحيد مش عايز اروح
نظرت له رسيل طويلا وعلمت انه يكذب فقررت التماشي معه حتى تعرف لما لا يريد الذهاب إلى المدرسه
'' نروح نجيب الأدوات بكره والبنات جايين معانا هو هيثم معاك في المدرسه صح ''
يحيى: ايوه هيثم معايا بس في فصل مختلف اما زينه أصغر مننا بس في نفس المدرسه
رسيل قامت وقالت: طب يلا نام الوقت اتأخر
رسيل دخلت اوضتها وغمضت عيونها بتعب من الأحداث اللي حصلت
..........................................
في اليوم التالي
كان الشباب يجلسون في غرفه الاجتماعات ومعهم عدنان وأكمل وقد أتوا بهارلي الذي نظر للشباب وقال
'' لما اتيتم بي إلى هنا انا لا اعلم ''
عدي ببرود: سناخذ منك بعض المعلومات
هارلي: ولما تأخرتم هكذا انتم لم تسألوني سؤالا واحدا حتى
اتفتح الباب بدون طرق وكانوا البنات لابسين الزي الطبي وقالت رسيل
'' معلش على التأخير كان فيه عمليه المهم هو فين ''
هارلي: اوه يا إلهي لما لم تقولوا أن تلك الجميلات اتيات إلى هنا كنت لأعدل من هيئتي لاستقبالهن
ديانا ببرود وابتسامه مخيفه
'' انت ستعدلها فعلا فسوف نشوه وجههك الجميل هذا كما شوه ماكس ذراعك ''
جين: يا رجل لا أعلم لما لما تقتلك ذالك اليوم لكن الآن علمت أن تظل بتلك العلامه وتتذكرنا خير لك من تتذكرنا في قبرك العفن
هارلي بغضب: لازلتن كما رايتكن آخر مره لكن قد اصبحتن أكثر قوه من ذي قبل وأكثر استفزازا
شغف: امممم هذه شهاده نعتز بها يا ليت عشق وملك كانوا هنا سوف تفوتهن متعه كبيره
مالك : طب نقطع النقاش ده وابداو
رسيل: احم احم مبدأيا كده اي دم صريخ تكسير محدش يدخل انتوا ليكم نطلع المعلومات منه
جين بابتسامه مرعبه: اما ازاي دي فلينا احنا
سليم بهمس: مش مطمن
عدنان بنفس الصوت: لازم هما دول اي حد اتفرجوا على اللي هيحصل
ديانا: حسنا هارلي هل نبدأ بالطريقه السهله أم الصعبه
هارلي: اممم ماذا تفضلون
شغف بنبره مختله: الصعبه بالتأكيد انا اعشقها يا رجل وانا من ستبدأ
جين باعتراض: ولما انتي الدور عليا انا
شغف: لا ليس عليكِ انت قد قومتي بقتل ذالك الوغد مدحت الاباصيري بمفردك ونحن لم ندخل جاء دوري انا
فهد : هما ليه محسسني انه سندويتش بيتخانقوا مين ياخد القطمه الأولى
اكمل: بالنسبه للشياطين ده احسن بالنسبه للعصابه السندويتش احسن
خرجت شغف من شنطتها حقنه
هارلي بسخريه: ماذا اسوف تحقينيني بسم
شغف' ماذا لا يا رجل هل انا شريره لدرجه ان احقنك بسم واجعلك تموت بدون ذره عذاب حقا عار عليك
شغف قربت منه وحقنتها في رقبته وقالت جين بغيظ لما لقيته كويس
'' ماذا ضيعتِ لذه العذاب الأولى من أجل ابره فيتامينات ''
شغف: لا يا فتاه انتظري وسوف تسمعي أجمل سنفونيه صراخ
وما هي إلا ثواني إلا وصوت صراخ هارلي ملأ المكان
شغف: ارأيتي أخبرتك
هارلي بصراخ: أيتها اللعينه ما الذي حقنتيني به
شغف نزلت لمستواه على الأرض
'' امممم كيف اقولها لك حسنا اسمها بالعربيه عندنا هههههه دمك بيتحرق ''
جين: دوري انا
شغف: لن يصرخ معكِ كما صرخ معي
جين بتحدى: إن فعل سوف تأتي لي بشاورما
شغف: حسنا وانتي كذالك
جين قربت من هارلي ولفت حواليه بعد ما انتهى مفعول الحقنه وهدأ قليلا
'' حسنا يا رجل اريد هذا المبنى أن يسمع صوت صراخك ''
جين مسكته من عضمه حساسه في مكان محدد وضغطت عليها بقوه ليصرخ هارلي مجددا بنفس الطريقة لكن أقوى إلى أن شعر أن حباله الصوتيه قد انقطعت
'' حسنا حسنا سوف اتكلم اتركيني سأموت ''
سابته جين ليقع على الأرض من شده الألم
جين بانتصار: انا فوزت تجيبي الشاورما بكره يا بنت السيوفي
شغف بتذمر: كان ليصرخ أقل أن لم أكن حقنته في البدايه
رسيل زقتهم وقالت: الاتنين عذاب اوعوا بقى
رسيل قعدت على الكرسي وطلعت دفتر رسم كبير واقلام رصاص
'' حسنا سوف تصف ذالك الشخص لي وحذاري أن تكذب علي فأنا لا أحب الكاذبين ''
اكمل وعدنان عدلوا هارلي على الكرسي وكان لسه مربوط والبنات قعدوا برضو وبدأ هارلي وصف الراجل ده لكن في نص الكلام رفعت رسيل نظرها له واحمرت عيونها وكسرت القلم في يدها ولم يكن أحد يتحدث إلا ووقع هارلي على الأرض يصرخ ويتلوي من الألم بعد أن ضربته ديانا رصاصة في كتفه
وقع اكمل على الأرض من الخضه
'' الله يخربيتك يا شيخه قطعتي خلفي ''
رسيل بصراخ: اللعنه عليكِ يا ديانا افسدتي ملابسي
ديانا: سوف تغسل
مسكتها رسيل من شعرها
'' الدم مش بيطلع من الهدوم البيضه يا حيوانه ''
فهد بذهول: ده كله علشان نقط الدم اللي جات عليها يا لهوي على الجنان
اكمل قعد مكانه: هو انتوا لسه شوفتوا جنان صبرا ده انتوا هتشدوا في شعركم منهم
نظرت رسيل لهارلي وداست على مكان الرصاصه بايدها بقوه قائله ببرود
'' أخبرتك إلا تكذب وهذا جزاء الكاذبين ''
شغف: تؤ تؤ تؤ انت جاي تكدب على رسيل ده رسيل وملك بيكشفوا الكدابين في ثانيه غبي والله
رسيل قعدت مكانها ومسكت الدفتر تاني قائله بنبره مرعبه
'' حذاري أن تكذب مجددا فلا اضمن اي مكان في جسدك قد يغرز فيه سكينِ قد تكون رقبتك هذه ''
هارلي وصف الراجل بصعوبه من الألم وبعد ما خلص نظرت رسيل للرسمه في ايدها وقالت
'' عندي شعور اني شوفته بس فين مش فاكره ''
اخدت الرسمه جين وقالت
'' صدقا وانا برضو ''
الشباب اخدوا الرسمه وقال فهد
'' انا شوفته قبل كده ''
رسيل: فين؟؟!!
فهد بص ليها: لما كنا بنجري من الناس لما توهنا انا شوفته
رسيل بتذكر: تصدق ممكن
سليم : وده الشخص اللي صعق جين برضو يمكن انتي مش فاكره شكله علشان غيبتي عن الوعي وقتها
جين: ممكن
عدنان بسرعه: انا شوفته
سيف : شوفته فين
عدنان طلع اللاب بتاعه
'' لما تسنيم اتخطفت و3 العملاقة دول ظهروا Que وقتها كانت بتصور والشخص ده ظهر انا شوفته ''
البنات قعدوا جمبه وقالت ديانا
'' ظهر امتا بالظبط ''
عدنان داس على الزرار وشغل الفيديو وقدموا
'' في الوقت ده ''
Flash
رسيل بغضب: لا بقى مابدهاش
رسيل جريت على العملاق ده هي والبنات رسيل وملك جرحوا رجليه جامد بالسكينه فوقع على ركبه وديانا وشمس مسكوا دراعاته ولفوا عكس بعض بسرعه فاتكسرت عشق مسكت رقبته ولفتها اتكسرت في ايديها ووقع ميت وشغف ضربته رصاصه في ضهره
'' علشان ميقومش تاني اتوقعها منه وهو زي الجاموسه كده ''
ياسين بذهول: عملتوها ازاي دي
شمس : ما يجيبها إلا ستاتها صحيح
ياسين: اتنيلوا على جمب
سراج: فين تسنيم ؟؟!!
سمع الجميع صراخ تسنيم من وراء وكان في شخص ماسكها ومثبت المسدس على رأسها وقال بصوت عالي
'' اللي هيقرب هفرتك دماغها ''
الكل رفع المسدسات عليه وهو سحب الزيناد
نزلوا المسدسات هضربها
مراد: نزلوها بسرعه
تسنيم كانت بتبكي فقالت شغف بصوت عالي
'' تـــسـنيــــم فاكره بيت الورق ''
تسنيم بصتلها وهي عملت حركه بيديها وهي بسرعه فهمتها وداست على رجل الراجل ده وعضت ايده فهو سابها ومروان رفع المسدس وصدح صوت رصاصه من المكان
مروان باستغراب: انا مضغطش على المسدس
وقع الراجل ده على وشه وكان في دم خارج من راسه من وراء رفعت تسنيم رأسها وكانت جين هي اللي ضربته
'' انا وانت واحد يا بلاك ''
جون: الله عليكي يا صقر يا فخر الشله دايما بتنقذي الموقفين في النهايه
جين بغرور: I know
تسنيم حضنت شغف بسرعه وقال علي
'' يا اوزعه كنت خايف عليكي والله ''
تسنيم : عيب يا باشا هو انا اي حد ده انا متربيه على أيديهم
سراج بحنان لأخته الصغيره
'' حد عملك حاجه يا قلبي ''
هزت تسنيم رأسها بمعنى لا
'' كنت عارفه انكم هتلاقوني علشان كده مكنتش خايفه ''
معتز: أكاد من فرط الكياته اذوب
رماح : هنعمل ايه في الجثث دي كلها
شمس : شيلوها وحطوها جنب العربيات
الشباب استغربوا بس عملوا كده
الياس: عملنا كده وبعدين
عشق: ارجعوا لوراء
الكل رجع لوراء وشمس قالت ببرود وهي حاطه ايديها في جيبوها
'' فجروهم ''
الكل ماعدا البنات بذهول: نعم
جين وديانا وملك رفعوا مسدساتهم وصوبوا على مكان البنزين وانفجرت العربيات كلها في انفجار شديد أدى إلى صوت عالي جدا ونار شديده
نظرت البنات الي النار بنظرات خاويه من أي مشاعر وبكل قوه وجبروت والجميع ينظر بحزن إلى حالهم اما سراج كان يحتضن اخته حتى لا ترى هذا
وبعد دقائق شمس قالت بجديه
'' جون الياس تعالوا معايا يلا ''
ياسين: على فين
شمس ركبت العربيه قائله ببرود على الاجتماع
وانطلقت بأقصى سرعة والبنات قعدوا على العربيات من قدام وحطوا أيديهم ما بين رأسهم
ياسين قرب منهم
'' كل حاجه هتكون كويسه بإذن الله ''
عشق رفعت رأسها وكانت عيونه كالدم
'' يا تري الدور جاي على مين ''
ملك بجمود: في الأول تماره
شغف: وبعدها تسنيم
رسيل: يا ترى اللي بعده مين
جين: بيعيدوا اللي حصل زمان بسببنا ده كله بيحصل
مروان وقف أمامها قائله بحنان
'' مش انتوا السبب لا زمان ولا دلوقتي ''
نظرت جين للنار وقالت
'' شايف النار دي يا مروان اهو احنا زيها بتحرق كل اللي حواليها وتحرق نفسها وفي النهايه بتموت بس الموت لسه لحد دلوقتي بعيد ''
مراد: بلاش الكلام ده وانتوا مش ضعاف يلا قوموا خلونا نمشي
Back
عدنان وقف الفيديو وكبر مكان وقال
'' اهو هنا ''
عدنان لف اللاب للشباب وقال
'' هو ده صح ''
نظر الشباب كان شخص يختبأ خلف الصخور بعيدا عنهم وهو يتحدث في الهاتف
شغف: ازاي مأخدتش بالي منه ازاي
مالك بتركيز: هارلي ما اسم هذا الرجل
هارلي بتعب واستفزاز
'' هههههه لن أقول لتعرفوا بأنفسكم ''
سيف مسكه من رقبته بقوه
'' هو انت لسه فيك نفس تقاوح ''
رسيل بابتسامه مختله: حسنا دوري الآن ستحب سكاكيني أعدك بهذا
هارلي: كح كح حسنا حسنا سأتكلم اسمه البرتو خوديان وهو الآن بأمريكا سوف تجدونه في حانه........ في لاس فيغاس هو يسهر هناك
أدهم أمر العساكر يرجعوا مكانه
رسيل بتذمر: ده ظلم على فكره انا لحد دلوقتي مأخدتش دوري
فهد : معلش ابقى خديه المره اللي جايه
رسيل: ماهو ده اللي هيحصل واللي هتعترض فيكم هعملها لحمه متقطعه
ضرب فهد كف على كف من تلك المجنونه التي أحبها والتي أصبحت الآن في نظره دمويه ولا زالت مجنونه
سيف بهدوء: ممكن اعرف انتوا تعرفوا ازاي هارلي وامتا
ديانا: نعرفه ازاي فهو هجم على الغابه في روسيا هو ورجالته وقت ما احنا كنا بنجري
شغف: اما امتا فده من حوالي سنتين
أدهم: طب مين ماكس
جين: ماكس ده الحيوان بتاع اختك شمس
نظر سليم لجين طويلا وبعدها قال
'' هو انتي فعلا اللي قتلتي مدحت الاباصيري ''
جين بجمود: ايوه تار واخدته
نظر لها سليم بغموض قليلا وقالت رسيل
'' هو انتوا هتعرفوا تجيبوا البرتو ده ''
سيف : ايوه متشلوش هم تقدروا ترجعوا المستشفى تاني
البنات قاموا ونظروا نظره اخيره على الشباب وخرجوا وقال أدهم بخبث
'' عدنان طلع الصوره دي وابعتهالي ''
عدنان: تمام يلا يا أكمل
عدي : امممم اعتقد إيفان هيحب انه يجيب الشخص ده
فهد : واخيرا بقى ده الجيش ده اخد ثمره شبابي
مالك بسخريه: ثمره ايه يا ابو ثمره هو انت فاكر نفسك في 60 ياض ولا ايه
فهد : يا عم دول 4 سنين وربنا طلعت عيني فيهم
..........................................
تاني يوم في مول كان البنات بشتروا الأدوات المدرسيه اللازمه لاني الدراسه على أبواب وكانت رسيل معاها يحيى وجين معاها أنس وديانا معاها هيثم وشغف معاها زينه وبعد ما خلصوا مشتريات قعدوا في مطعم في المول والأولاد راحوا يغسلوا أيديهم وزينه اخدت أنس تغسل ايديه هو كمان
رسيل للبنات: بقولكم ايه يحيى مش عايز يروح المدرسه ولما سألتوا كذب عليا
ديانا: وهيثم برضو
شغف: يبقى فيه حاجه مخفيه واحنا العصابه لازم نعرفها
جين: طب هندخل المدرسه معاهم ازاي
رسيل: لا دي سيبوها عليا انا دي لعبتي
شغف: طب ده التنكر وده عليكي برضو الطريقه هندخل ازاي المدرسه
ديانا بمكر: دي بقي عليا خلوها بعد ما الشباب يسافروا علشان نروح مطمنين
شغف سقفت: والله وهنرجع لأيام الشقاوه يا ولاد العب
أنس جيه وقال لجين
'' انا غسلت ايدي يا جين ''
جين شالته وقعدته على رجلها ولعبت في شعره الأشقر
'' قلب جين من جوا يا ناس ''
ديانا: الواد ده ةعنده سهم الكياته وصل للسماء
هيثم : بقولكم ايه انا جعان
زينه: يا ابني انت لسه أكل من 5 دقايق بس
رسيل: معاه حق الواد ده انا نفسي آكل كشري واكل المطاعم ده مش داخل نفوخي
شغف: ايه رايكم نروح عند عم أيوب
هيثم : مين ده؟؟!!
ديانا: ده عندنا في الحاره احسن واحد بيعمل كشري وربنا
زينه بفرحه: يعني هنروح هناك اشطا
رسيل شدت يحيى وقالت
'' طب يلا على العربيات كلنا كده ''
شغف: زينه اتصلي على زين يجي بدال ما هو قاعد لوحده في العياده
أنس شد هدوم جين وقال
'' هو احنا رايحين فين ''
جين رايحين ناكل كشري ايه رايك
أنس: يعنى ايه
جين ضحكت وشالته
'' لما نوصل هناك هتبقى تعرفه ''
هيثم : بقولك ايه
ديانا: قول
هيثم : نسمه بتموت في الكشري ما نتصل عليها تيجي
ديانا: تصدق فكره تمام هتصل عليها تيجي هنا عشان مش هتعرف الطريق
رسيل: طب ايه ناكلوا حاجه لحد ما يجوا
زينه: في محل آيس كريم عدينا عليه
رسيل: هاروح انا ويحيى نجيب منه خليكم انتوا هنا
رسيل راحت ويحيى قال باحراج
'' هو انا ممكن اسالك سؤال ''
رسيل: اممم اسأل
يحيى: هو انتي قولتي ايه لبابا امبارح قبل ما تتطلعي
رسيل: والله كان عندي احساس انك بتسمعهم
يحيى بحزن: أتعودت على اني اصحى من النوم على صوت خناقهم المهم بس النهارده الصبح كانوا اول مره اشوفهم كده كانوا بيضحكوا تصدقي اول مره امي تنزل متأخر دي دايما كانت أول واحده تنزل
رسيل بضحك: هههههه تلاقي ابوك سهرها
يحيى بعدم فهم: يعني ايه
رسيل: لا متاخدش في بالك احم امك يا يحيي كانت محتاجه حد يفهمها بس ابوك كان مشغول عنها فهو لما فهم رجع تاني الحب ما بينهم اساس اى علاقه قبل ما يبقي الحب هو التفاهم هي الموده مش شرط اي اتنين متجوزين يبقى عن حب ممكن بعد كده يجي حب العشره بس الإهمال في أي علاقه بيخليها زي الورده لو ساقتها اهتمام هتبقى طول عمرها ملونه وفيها الحياه ولو لأ هتدبل فهمت
يحيى بابتسامة: تعرفي انتي عاقله اوي مش زي ما سمعت عنك بس أسألك سؤال تاني
رسيل اخدت الايس كريم من الراجل وأدت يحيى واحد وقالت
'' انت كده مستغل على فكره قول ''
يحيى: هو انتي بتحبي فهد
رسيل نظرت أمامها قليلا وقالت
'' انت صغير يا يحيى على انك تفهم ده ''
يحيى: على فكره فهد ده أطيب واحد ممكن تشوفيه اه هو لما بيتعصب بيبقى حاجه تاني بس بجد طيب أوي وانا متأكد انكم هترجعوا لبعض تاني ارجوكي متمشيش انتي رجعتي العيله تاني زي ما كانت مش عايز كل ده يروح
رسيل ملست على شعره قائله بحنان
'' سيبك من الكلام ده دلوقتي خليها للأيام يلا بقى نلحق القوم دول ''
رسيل وصلت ليهم وأدت كل واحد آيس كريم وبعد شويه زين ونسمه وكان معاها ايان وصلوا وقال زين
'' ها بقى نتحرك ''
ديانا: يلا بينا
جين بخبث: بقولكم ايه رايكم نعمل سباق
ديانا ضربتها على قفاها
'' معانا ناس يا هبله ''
زينه: انتوا بتعرفوا تسوقوا
شغف: ايوه
زين: طب يلا سوقوا انتوا 4 عايزين نشوف
البنات: ما بلاش
نسمه: بلاش ليه يلا يلا
رسيل: قد اعذر من أنذر
وبعد ربع ساعة
زين بصريخ: يا لهوووي وقفي وقفي هنموت الله يخربييييتك
البنات كانوا بيسوقوا على سرعه عاليه جدا كأنهم فعلا في سباق
أنس عمال يسقف بفرحه وجين بتضحك وقالت
'' شدي يا ديانا أخص عليكي شكلك كبرتي ولا ايه يا برق ''
نسمه وهي تكاد تبكى
'' بالله عليكي ما تسمعي كلامها هنموت والله ''
ديانا زودت السرعه
هيثم بصراخ: الله يخربيتكم وانا اللي كنت فاكر اني عدي بيسوق بسرعه اتاري في الأسرع
يحيى: هدى السرعه يا رسيل هنموت يا ناس
العربيات وقف مره واحده وزين نزل جرى وقعد على أقرب رصيف ونزل عليهم شتايم
'' منكم لله أشوف فيكم يوم انا اللي جابني هنا حسبي الله ونعم الوكيل ''
شغف نزلت 
'' خلاص يا عم كفايه ولوله ادينا وصلنا اهو واه اوعوا حد ينادينا بأسمائنا الحقيقه علشان محدش يعرف حاجه هنا ''
نسمه مسكت بطنها: تمام تمام انا عايزه بس اروح الحمام
ديانا: طب يلا نروح بيتنا
هيثم : طب وأهلك طيب احنا كتير
ديانا: لا ما الكل رجع لحياته اصل احنا مش ساكنين هنا اساسا يلا يلا ويارب استرها
نسمه راحت الحمام والبنات نزلوا وهي قالت هتظبط نفسها وتنزل بس قابلها كام واحد كده عاكسوها
& هو القمر بيطلع الصبح ولا ايه
# ولاه يا حماصه انا اول مره يلا اشوف الحته دي هنا هما فتحوا مستورد ولا ايه
نسمه بغضب: لو سمحت عيب كده وكفايه
$ الله دي طلع ليها ضوافر
حبيبه مسكت راسه وادته روسيه محترمه
'' ضوافر ودماغ يا روح أمك ''
البنات مسكوا الولدين التانين فرموهم
زين بزهول: ده حتى ملحقتش افتح زرار الكم علشان ارفعه وأضرب لا ظباط ظباط يعني
أمل ضربته على قفاه
'' يا حيوان احنا قولنا ايه ''
الناس اتلمت وواحده منهم قالت بفرحه
'' العصابه رجعت لولووووي ''
الناس اتلمت كلها وبدأ يسلموا عليهم بفرحه ويحيى استغرب: ده تقريبا الحاره كلها جات
زينه: يا لهوي دي كلها ناس
حبيبه بضحك: حب الناس بقى
أمل بحزن: عندنا من حب الناس كتير اما من القرايب فهو فاضي
زين: يعني ايه مش فاهم الجمله دي
أمل : لا متاخدش في بالك
& يا نهار ابيض رجعتوا يا بنات يا نهار ابيض
آيات وهي تكاد تبكي
'' لا والنبي كله إلا ام احمد ''
ام احمد كانت بتحضن فيهم جامد ولما وصلت لروان شهقت وضربت على صدرها
'' يا لهوي انتي خلفتي امتا يا روان يا بنتي ده الواد شبه ابوه ''
روان : لا د...
ام احمد: لا وخلفه اجانب شعر ايه وعيون ايه ووش ايه
أنس استخبي وراء روان
'' جين انا خايف من الست دي ''
ام احمد: خايف من أيه بس ده انا خالتك ام احمد تعالي بس في حضني وأنت مسمسم كده يا حلاوتك
روان بصراخ: الله يخربيتك ويخربيت قرك الواد هيموت من كتر القر
ام احمد كشرت: يووه هو انا هحسده
نسمه: ده كله ومش هتحسديه ده الواد قرب يفرفط منك يا شيخه
ام احمد بصتلها وبرقت: الله الله مين القمرايه دي سلفتك يا حبيبه يا بنتي لا بس قمر 14 وشعرها ايه يا لهوي خيوط حرير
نسمه مسكت رأسها وهي تبكي
'' يا لهوي شعري هيقع ''
حبيبه صرخت فيها: يا وليه اخرسي شويه منك لله هتموتي الناس
أم أحمد: هو انا قولت حاجه ده انا بمدح فيها
يحيى بصوت منخفض سمعته أم أحمد
'' ده مدح ده اومال الحسد يبقى ايه ''
ام احمد بصتله وهو استخبي وراء آيات بسرعه
آيات بشر: عارفه لو فتحتي بوقك هكسرهولك
زين: الله يخربيتك سيبي الواد هو ناقص اصلا كفايه اللي فيه
ام احمد بصتله: ايه الحلاوه دي هي دي الرجاله مش زي الموكوس ابو احمد
هيثم : مين ده طليقك اعتقد محدش هيستحمل يقعد معاكي
ام احمد عوجت بوقها
'' لا والله جوزي قطيعه هي دي الرجاله تفتح النفس كده ايشي عيون ملونه وشعر ملون وعضلات ايه يشيلك بيها ''
زين مسك دراعه بألم
'' اااااااااه دراعي منك لله شيلوها من هنا ''
أمل مسكتها من هدومها وهزتها
'' انتي ايه يا وليه لسانك ده مش بينقط غير حسد في قر ايه ارحمينا شويه ده الحاجه الوحيده العدله اللي عملتيها اللبن يوم ما كنا تعبانين وبسببك كرهناه منك لله يا وليه بقى حد يحط في اللبن ملح ليمون عملنا غسيل معده بسببك ده مفيش بيت في الحاره اما داق من لسانك اللي عايز قطعه ده ''
ام احمد: الله ده جزاتي اني برحب بضيوفكم
زينه: لو أنتي ترحيبك كده مش عايزينه شكرا
ام احمد بصتلها وابتسمت ابتسامه عريضه ولسه هتتكلم آيات مسكتها وزقتها وقالت
'' يلا روحي يا ام احمد تلاقي ابو احمد رجع من شغل النصب بتاعه جعان وهفتان اعمليله لقمه يأكلها جاتك الهم وليه فقر ''
ام احمد: الله مالهم دول هو انا عملت حاجه فعلا خيرا تعمل شرا تلقى
(هو كده خير يلهوي الوليه دي شبه جارتنا ام أشرف تحسد وتنكر الحسد جاتكم البلا مليتوا البلد 😾)
..........................................
في مكان آخر في مبنى المخابرات
كان الشباب قاعدين بعد مكالمه إيفان وأكمل وعدنان كانوا بيشتغلوا فقال أدهم فجأه
'' اكمل هو جد عشق يعرف انها عايشه ''
اكمل بصله: ايوه يا أدهم يعرف
سيف : لحظه بس جد عشق هو مش جدك على وعثمان دول ماتوا
عدنان رفع رأسه وقال
'' لا ما هي عشق مش توأم شمس وملك '
(ايه رايكم مفاجأه مش حده 😉)
عدي : انا مش فاهم حاجه اومال ازاي قولت انها اختك
أدهم بشرح
'' لا ما اصل ام عشق طنط دانه تبقي بنت خاله امي اما ابوها عمي أحمد يبقى صاحب بابا وعشق اتولدت في نفس اليوم اللي اتولدت فيه مليكه وملك وهي رضعت معاهم فبقيت اختنا وهما من يوم ما اتولدوا وهما شبه بعض في التصرفات وفي الدماغ فالكل بيشوفهم توأم حتى اني هما 3 ما بينهم رابط قوي لدرجه اني 3 بيحسوا ببعض لو حد حصله حاجه ''
اكمل بابتسامه: فعلا برغم إني عشق مش توامهم الحقيقي الا انهم بيحسوا ببعض دايما
فهد : طب ليه عنان لما قالت نبدأ بالسن بدأت بشمس وبعدها عشق وبعدها ملك
أدهم فضل يضحك جامد وقال
'' دي بقي قصه تضحك لما اتولدوا هما التلاته اتولدوا في نفس اليوم في نفس الساعه بس المشكله ايه مليكه اتولدت الأولى وبعدها بـ 3 دقايق اتولدت عشق وبعدها بـ 4 دقايق اتولدت ملك ومن يوم ما عرفوا عشق تذل ملك بـ 4 دقايق وشمس تذل الاتنين بـ 7 دقايق ''
سليم بضحك: عادي عادي ما انا ياما ذليت غيث بالدقيقتين اللي بينا
مالك : طب هو ابوها وامها فين
أدهم بحزن: ماتوا لما كان عندها 5 سنين جدها كان عايز ياخدها بس ماما كانت عايزه تربيها هي خوفا يعني من أزواج عمها لاني خالتي دانه كانت تركيه اما عمي أحمد كان من أصول صعيديه
حزن سليم بشده فهو مر بنفس الموقف
أدهم: ها يا أكمل هو يعرف
اكمل وعدنان انفجروا في الضحك واستغرب الشباب وقال مالك بحذر
'' اكيد العصابه سر الضحك ده ''
عدنان بضحك: هو في غيرهم
اكمل: ايوه يعرف يا أدهم وهو بيحبها اوي اما جدتها فبتعشقها لاني أحمد كان أصغر واحد في أولادها وزي ما بيقولوا آخر العنقود محبوب الوالدين وبعد موته مبقاش ليهم من ذكراه غير عشق وهي بتحبهم جدا ولولا الظروف وهي خايفه عليهم كانت زارتهم كتير بس هي بتزورهم مره او اتنين في السنه تروح وحدها بقى
عدنان: لا طبعا العصابه كلها تروح ومعاهم الواد مصطفى وكل سنه يعملوا كارثه هناك والله ما اعرف الراجل ده بيستحملهم ازاي ده السنه اللي فاتت خرجوا قال ايه يتمشوا وفضلوا يوم كامل وتليفوناتهم مقفوله وكان الوقت ده فيه تهديد عليهم فاحنا خوفنا عليهم وطلعنا كلنا على قنا وقلبنا البلد عليهم ومن Que عرفنا مكانهم وروحنا هناك لقيناهم قاعدين وسط الزرع على شويه كنب بياكلوا قصب والله ياسين كان هيضربهم كلهم بالنار لولا ماجد ويامن مسكوه
عدي ضحك: يعملوها والله في عز ما احنا مش عارفين فين هي كانت بتاكل قصب
سيف : طب هي اسمها الكامل ايه
أدهم: عشق أحمد ريان القناوي
مالك بصله: حفيده ريان القناوي ده أشهر شخصيه في قنا كلها ومن أشهر رجال الصعيد
عدنان: هو انت تعرفه
مالك : لا بس جدي ليه تعامل معاه بحكم انه عنده مزرعه في الشرقيه بينقلوا من بعض خضار وفاكهه وكده
وصلت رساله لادهم فقال
'' دي من إيفان بيقول انه لقي البرتو وهيعرف ندخل ازاي ''
اكمل باستغراب: هو مين إيفان ده اللي بيساعدكم كده واحد من المخابرات العالميه
فهد : لا بعدين هتبقى تعرفه المهم جهزوا نفسكم علشان هتيجوا معانا قولتوا لزميلتكم دي مع اني مش حابب فكره واحده مع 11 راجل
اكمل: موده لا متخافش دي بنت عم شغف وتربيه ملك وعشق يعني اطمن لا خوف عليها
أدهم برجاء: اكمل انا عايز اشوف صوره ملك وعشق
نظر له اكمل: والله يا أدهم في الحاجات ده مش هتلاقي معانا صور ممكن مع البنات اكيد هتلاقى في كل الأوضاع لاني Que دايما معاهم
شعر أدهم بإحباط وقال عدنان بسرعه
'' أدهم انا عندي فيديو ليهم بس ممكن مش تشوف ملامحهم لأنهم كانوا لابسين كاب كلهم
أدهم: مش مهم يمكن تبان ولا حاجه بس عايز اشوفهم''
اكمل: امتا ده؟؟!!
عدنان: لما كانوا في روسيا عند يوسف موده اخدت تسجيلات الكاميرا وقتها وانا اخدتهم منها كذكريات
الشباب ببرود: طب بعد ما أدهم يتفرج عليه تمسحه
عدنان بخوف: حاضر
شغل الفيديو ولف اللاب وبقي مواجه للشباب
Flash
كان يوسف قاعد بيشتغل على الكنبه في الصاله وكانت ولاء في المطبخ لتظهر فجأه شغف وهي بتغني بصوت عالي
🎶رايق لو من عليا لو حرب جايه والله ما ادايق 🎶
ملك🎶 هتعايق مزاجي حلو وشكلي الحلو عليا كده لايق 🎶
شمس 🎶 مترستق والانبساط لازقلي لازقه ده ما صدق ليه مزمزق جايين نحلي لو حتى كل ده الدنيا بتحدق 🎶
جين🎶 أيه اليوم الحلو ده ااااااااا 🎶
شغف قربت من يوسف
🎶ايه الناس الحلوه دي ااااااااا 🎶
ملك🎶 ايه يا اليوم الحلوه ده ااااااا وايه الناس الحلوه دي 🎶
يوسف قفل الملف وهو بيبص ليهم بريبه
'' استر يارب ''
ديانا🎶 يا ملعلع الليله جاي نحلو لوحدي مدلع🎶
عشق🎶 هنولع الليله رقص ما خلاص يا نحس بتودع 🎶
رسيل🎶 بشياكه في أدائي راسي والوش بتناكه 🎶
ديانا🎶 تلاجه اعصابي بارده ومش شاغلني ولا حاجه اااااا🎶
مصطفي طلع من المطبخ وهو ماسك طبق فشار كبير وبيرقص به
🎶ايه اليوم الحلو ده اااااااااا🎶
موده نزلت من فوق وهي بتسقف
🎶ايه الناس الحلوه دي ااااااااا 🎶
البنات قربوا منه وقالت عشق
🎶ايه اليوم الحلو ده ااااااااا 🎶
رسيل🎶 وايه الناس الحلوه دي ااااااااااااااا 🎶
شمس 🎶 رايق 🎶
ملك🎶 هتعايق 🎶
ديانا🎶 مترستق والانبساط لازقلي لازقه ده ما صدق 🎶
مصطفي🎶 ليه مزمزق جايين نحلي لو حتى كل الدنيا بتحدق 🎶
البنات في صوت واحد
🎶اليوم الحلو ده ااااااااا..... وايه الناس الحلوه دي ااااااااا 🎶
البنات نطوا على كنب الانتريه وهو فط بسرعه وطلع يجري بخوف
'' الحقيني يا ولاء من ولاد المجانين دول''
شمس بتذمر: ايه يا يوسف بس هو احنا نخوف للدرجه دي
يوسف: اه يا اختي تخوفوا انتوا لما تغنوا سوا بتعملوا مصيبه بعدها انتوا اصلا لما تتجمعوا انتوا 7 لازم يحصل كارثه وبسم الله مشاء الله انتوا 8 متجمعين
مصطفى نط على الكنبه وسط شمس ورسيل وشغل التليفزيون وهو حاطط الفشار على رجله وقال
'' شكرا والله يا جو على الاستضافة دي ''
ملك: والله يا يوسف احنا ما بنخوف ده احنا حتى كيوت اوي والله
يوسف بسخريه: اه حصل كيوت جدا وعلى يديا هاتين ما بلاش انتي ده انتي ابوكي حسن وامك حياه ده انتي امك اول مره شافت ابوكي كانت هتتضربه بالنار
البنات شهقوا وقالت عشق
'' يا راجل وابو علي خاف ''
يوسف: ولا الهوا حتى
ديانا: طب هي عملت كده ليه طيب
يوسف: استفزها هو من يومه حسن مستفز
شمس : ايه يا جو ده ابويا
يوسف: يا اختي ما انتي زيه في كل حاجه نفس الاستفزاز نفس الغرور نفس القوه نفس الجبروت نفس العند انتي نسخه منه في الشخصيه أدهم ورث الشكل بس في الطباع انتي وهو واحد
شمس : وليا الفخر اني ابقى شبه السكر
يوسف قعد على السلم
'' يا اختي اتنيلي حتى امك ملك وارثه منها شخصيتها العصبيه بس التهور ده شئ في شخصية ملك مش في حياه.... حياه كانت ذكيه ذكاء شديد وده هي ورثته من عثمان ابوها يمكن اكتر من زين ومراد أدهم ورث شخصيه جده عثمان الذكاء والدهاء يفكر الأول كويس وبعدين ياخد الخطوه ياسين بقى زي زين في كل حاجه حتى الشكل ''
جين بضحك: حصل ياسين صبور جدا هو وزين علشان متحمل مصايبنا دايما طب تصدق بيصعب عليا
شغف رفعت ايدها: طب وانا يا عمي يا حبيبي طالعه لمين
موده بضحك وهي بتاكل فشار
'' طالعه ليه هو يا اختي علطول جدي بيقول شغف طالعه ليوسف ومنصور ''
يوسف: ماشى يا فضيحه
عشق رفعت ايدها: وانا وانا يا يوسف
يوسف: انتي كوكتيل ما بين ابوكي وامك حتى في لون عيونك اخدتي منها ومنه مع اني ملامحك كلها دانه حتى لون شعرك ومجنونه زيها بس انتي نفس شخصيه أحمد في كل حاجه.... كمل بغيظ خبيثه زيه
عشق بخجل مصطنع: يوه كسفتني
يوسف حط ايده في وسطه
'' اكسفك من امتا يا بت أحمد ده انتي اكتر واحده فيهم مش بتتكسفي انتي واللي عيونها عسلي دي ''
رسيل بصت يمين وشمال وشاورت على نفسها
'' انا يا جو ''
يوسف: ايوه انتي يا اختي ده انتي الفوكس طبيعي متتكسفيش انتوا على بعض كده نو خجل
مصطفى: حصل وانا اشهد يا عم ده عندهم كميه جرئه ولا اكنهم متربيين برا
ديانا بتذمر: شغلنا بيتطلب منا كده على فكره يعني احنا المفروض بنتعامل مع رجال مافيا وعصابات وحانات يعني لازم يبقى مفيش خجل
يوسف: بس انتوا عدتوا دي ملك مره قالت ليا لما كنت بتغزل في ولاء خدها فوق وكمل عملي جبتولي صداع بمحنوكم ده
ملك: ما انا مكنتش عارفه اركز في الفيلم وانتوا قاعدين جنبي انت تتكلم وهي تحمر معرفش على ايه اصلا
مصطفى بضحك: بيهمس ليها بكلام 🔞
يوسف شاور على مصطفى
'' أدى تربيتكم اهي ''
قطع الكلام صوت فتح الباب بقوه وكان معتز وما كان يتحدث حتى رفعت البنات بسرعه شديده مسدساتهم على معتز وشدوا الزناد في وقت واحد
موده وقعت على الأرض من الخوف ومعتز من الخضه لزق في الحيطه وقال برعب
'' وربنا انا معتز هي الساعه 12 ولا ايه ''
مصطفي بص على الساعه وقال بلامباله وهو بيكمل الفيلم وبياكل فشار
'' لا الساعه لسه 10 ''
موده بذهول: هو أنت متخضتش منهم ده انا قلبي وقع في رجليا منهم هما مش من الباب
مصطفى بعدم اهتمام: لا عادي اتعودت ما هو ده الطبيعي عندهم
معتز: ما بيقول الساعه لسه 10 ايه يا جدعان رافعين 8 مسدسات عليا مش مكفيكي يا ديانا واحد رافعه عليا 2 رشاش هتغربلوني
شمس بغيظ: انت يا حيوان حد يدخل كده كنا فاكرينه هجوم
معتز: وانا مالي كنت بفتحه عادي بس الهوا شديد برا فاتفتح كده وبعدين هجوم ايه ده احنا في آخر الدنيا
البنات نزلوا المسدسات وقالت جين
'' والله حتى لو كنا في أنتارتيكا طالما اتجمعنا لازم هتحصل حاجه ''
معتز لما نزلوا المسدسات طلع يجري لفوق
يوسف: هو انتوا لابسين الكابات ليه مش مطمن للبس الأسود ده
شمس : اصل عقبال عندك خارجين
يوسف بشك: اممم على فين هتجروا في الغابه
ديانا مسكت تفاحه
'' لا نازلين البلد اصل البت ملك بتقول اني الخناقات كترت شكلهم نسيونا رايحين نفكرهم بس ''
يوسف: اااااااه قولوا كده رايحين كباريه
معتز سند على الدرابزين من فوق وكان لابس بدله حماله سوده
'' لا يا يوسف كباريه دي في شارع الهرم اما هنا اسمها ديسكو''
يوسف رفع رأسه وقال
'' وصلت لشارع الهرم يا فالح بكره اجيبك منه والله اللي كنت بعمله في ابويا زمان بيترد دلوقتي من خلال الواد ده وانتوا''
معتز: بنتي عمي احيات عيالك يا شيخه ارميلي تفاحه 🍎
شغف بصتله وبعدها بصت لجين ورمت تفاحه بس عالي ولسه هيمسكها معتز لقى سكينه بقيت في نص التفاحه في الحيطه
معتز: ايه جين صوابعي كانوا هيروحوا انتي جايه تتعلمي عليا
جين: لو مش عاجبك
مصطفى حرك كتافه بحركه رقاصات وقال بصوت انثوي
'' انتف في حواجبك ''
ملك بضحك: الواد ده تربيتي
يوسف: وفرحانه اوي مفيش طلوع من هنا
شمس : ايه يا يوسف هو احنا رايحين نشرب ده احنا هنتخانق ونرجع وبعدين متحسسنيش انك عمرك ما روحت الأماكن دي وشربت
يوسف بضيق: هي مره واحده
موده شهقت: وكمان معترف
رسيل: ههههههه ده بجد امتا ده
يوسف: من زمان قبل ما نعرف البنات روحنا كلنا وابهاتنا عرفوا واتعاقبنا ماعدا وليم ابن الايه فلت هو وإبراهيم ما بنت اخوه طالعه ليه
ديانا: عمي الغالي والله
معتز: كان طعمه حلو على كده يا يوسف
يوسف: امممم ريحته كانت وحشه بصراحه
جين: حكمه مهمه اتعلمناها من امهاتنا واحنا اطفال لا تحكم على الشي قبل أن تجربه
يوسف: اه عايزين تجربوا يعني
يوسف قلع جذمته والبنات نطوا من مكانهم وطلعوا يجروا ووراهم يوسف
'' ده انتوا مجانين خلقه وانتوا كده اومال لو سكرتوا هيحصل أيه دي المره الوحيده اللي شربتوا فيها خربتوا لندن كلها ''
شمس : عيب يا جو الناس تقول ايه لما يعرفوا أن لواء في المخابرات بيجري وراء شويه عيال زينا بالجذمه
يوسف رمي عليها الجذمه وقال
'' هيقولوا راجل مستحمل في بيته 10 مجانين ليه الحق ''
رسيل: ااااااااه يا يوسف بتوجع
يوسف سند على السلم وقال بصوت عالي
'' تعالى ياأبا شوف حفيدتك عايزه تسكر تعالى يا حسن شوف بناتك عايزين يشربوا الله يرحمك يا احمد معرفتش تربى بنتك عايزه تروح كباريه تعالى شوف يا زين الوكسه اللي انا فيها ''
مصطفى بصله بشفقه
'' عيني عليك يا جو يا ضنايا''
موده: منكم لله جننتوا الراجل
شمس قربت منه وسندت بايدها على كتفه
'' اهدي بس كده يا جو وروق اعصابك كده اعملك لمون ''
نظر لها يوسف وقال بتوعد
'' عارفه يا بت حسن انتي لو مختفتيش من وشي ''
شمس بتذمر: الله ما احنا لازم نخرج اومال احنا مزوغين من أهالينا وجايين روسيا نعمل ايه
معتز بصوت انثوي
'' هيهيهيهيهيهي رايحين كباريه ''
مصطفى وموده والبنات سقفوا
'' العب ''
يوسف بصوت عالي: يـــــــــارب ارفع غضبك عنا
شمس : عارف يا جو لو مخرجناش هنعمل ايه
يوسف بعند: هتعملوا ايه احب اشوف
شمس ابتسمت بتحدى وبعدها صرخت
'' يــــــا ولاااااااء ''
يوسف كتم بوقها: الله يخربيتك هتعملي ايه
شغف بصوت عالي
'' يا ولاء انتي يا وليه الحقي جوزك قبل ما تلاقي ضره داخله عليكي ''
معتز شهق: هااااااا ضره هيبقى عندي مرات اب في السن ده
خرجت من المطبخ سيده جميله جدا شعرها أشقر غجري تعكصه على شكل كعكة مبعثره تمسح يدها في فوطه صغيره وترتدي مريول المطبخ قائله بتساول
'' أيه بتنادوا ليه وبتصرخوا ليه من الصبح ''
ديانا: أخص عليكي يا ولاء اتشغلتي في المطبخ وسيبتي جوزك يبص لبرا جوزك بيضيع يا اختي
نظرت ولاء بشرار ليوسف وهو قال
'' وربنا ما حصل هو انا فقلبي غيرك انتي ''
جين: اوعي تسمعي كلامه ده بيثبتك
يوسف بغيظ: وهو فين الدليل
عشق حركت حواجبها: بس كده عينيا الجوز يا جو هو احنا عندنا كام جو
عشق طلعت صور وادتهم لولاء
'' علشان تعرفي تتشغلي تاني في المطبخ ''
ولاء نظرت ليوسف بدموع
'' انت بتخوني يا يوسف''
يوسف بلطم: وربنا ما حصل ده اكيد شمس مفبركاهم
ولاء: انا هاكر يا يوسف ولا انت ناسي ودول اصليين
مصطفى: تؤ تؤ تؤ عارٌ عليك يا رجل
يوسف اخد الصور منها ولما شافها طلع يجري وراء ملك
'' يا بنت ال مش دي العميله اللي كانت بتتلزق فيا وانا بعتلك رساله تيجي تتصرفي وانتي ضربتيها لحقتي امتا تصورينا ''
ملك كانت بتنط من كنبه لكنبه
'' اومال اسيب فرصه زي دي تعرفي عن العصابه كده ''
نظرت موده للصور وقالت
'' اه معاه حق البت دي كانت بتتلزق فيه فعلا ''
معتز: طب ما انا فاضي وسنجل كانت جات ليا
شمس : شايف ابنك النسوانجي بيقول ايه
معتز شهق : هااااااا نسوانجي مين ده ولا راجل في ام الشله دي عارف يعمل حاجه انتوا بتظهروا من حيث لا ندري تقلوش حاطين جهاز تسنط فينا ولا عاتقين سناجل ولا حتى متجوزين بتقطعوا عليهم اللحظه حتى الكبار
عشق: هههههههه ما هي المتعه هنا
ولاء بصت ليوسف
'' ظلمتك يا يوسف ''
يوسف بغيظ: صدقتيهم ازاي يا ولاء بالسرعة دي دول من اسبوعين كانوا هيطلقوا ماهر وهاجر لما رسيل غيرت شكلها وصوتها وجات لهاجر وقالتلها انها مراته التانيه وباقي الجزم دول شهدوا انهم شافوا كذا مره معاها
رسيل: شوفت ملامح ماهر كانت عامله ازاي وقتها
شغف: وبعدين الشهاده مش باطله واحنا كنا زهقانين قلنا نلعب شويه
يوسف: انتوا عايزين ايه دلوقتي
البنات: عايزين نخرج
يوسف بغيظ: غوروا في داهيه الله يحرقكم رفعتوا ضغطي
جين: الحمد لله يلا ياض يا درش
ولاء: استنوا استنوا انتوا هتاخدوه معاكم
شمس بصدمه مصطنعه : اومال نروح من غير راجل واحنا 7 بنات كده
معتز: تصدقوا صدقتكم ده انتوا 70 راجل في بعض
مصطفى لبس الكاب ويوسف قال
'' خلوا بالكم من نفسكم وبلاش تعملوا مصايب كتير ''
شغف بغمزه: ماشي يا عم حط منوم لعيالك دول واحنا هنتاخر واسهر انت والمزه اللي جنبك دي
يوسف ضحك: مفيش فايده فيكم يعني
البنات: تعرف عن العصابه كده
يوسف: ولا الشياطين وحياتك
Back
.

.........................................
Sabreen💜