عشق الوحوش والشياطين

الفصل 42

بصوا يا جماعه علشان انتوا تقريبا توهتوا في النص اولاد الـ10 أصدقاء مش هيكون ليهم دور في روايتنا زي ضيوف شرف كده اما بالنسبه للبنات فاسمائهم الحقيقه والكابل بتاعهم
سيف وشمس (مليكه)
عدي وحبيبه (ديانا)
سليم وروان (جين)
مالك وأمل (شغف)
فهد وآيات (رسيل)
ملك (روز) وعشق (آش) ومروان ومراد بقى دول أبطال رئيسيه زي اللي الوحوش والعصابه وكمان فيه كابل تاني مش هيظهروا دلوقتي الأسماء كتير شويه بس انتوا هتحفظوهم ما انا كنت زيكم تايهه في روايات كتير زي أحفاد أليخاندرو كانت الشخصيات كتير بس اتحفظوا اتمنى اكون وضحت شويه
الفصل 42
صلي على محمد 🤍
عدي 5 ايام وشمس قالت للكل ومن ضمنهم الشباب على الرساله إللي وصلت بس مقالتش انها اتبعتت لامل قالت إنها اتبعتت لصحبتها شغف وفي النهايه امل وشغف نفس الشخصيه
في شقه عدي وحبببه كانوا قاعدين بيفطروا عادي فقال عدي بتساؤل
'' النهارده عندك حالات كتير ''
حبيبه : مش عارفه اما اروح ابق......
شعرت بعدم اتزان وتشوشت الرؤيه فسقطت مغمى عليها قام عدي بفزع وحاول يفوقها بس مش بتفوق فشالها بين ايديه ودخل الاوضه وكان هيتصل على دكتوره بس لقى شمس بتتصل فرد وقال بسرعه
'' الو يا شمس حبيبه اغمى عليها ومش راضيه تفوق ''
شمس بتهدأه: طب اهدي وافتحلي الباب انا قدام بيتكم
عدي قام بسرعه وفتح ليها الباب وشمس دخلت ليها علشان تكشف عليها وكان عدي مستني برا
وبعد ربع ساعة
كانت حبيبه ابتدأت تفوق ولقيت شمس قاعده قدامها وبتبص ليها بنظرات غريبه
'' ايه بتبصي كده ليه وربنا ما عملت حاجه احنا لسه في أول النهار ''
شمس : بصراحه مش عارفه اقولك ايه الخبر المفروضة يبقى يفرح بس بصراحه لا هي حاليا في الوقت ده كارثه
حبيبه : لا متقوليش طلع عندي السرطان انا كنت حاسه اني هموت بمرض خبيث
شمس بابتسامه عريضه: لا يا اختي انتي حامل
'' ايـــــــــــــــه ''
شمس  كتمت بقها وقالت: بس الله يخربيتك عدي برا
حبيبه : ااه يا مصيبتك يا ديانا يا حظك الهباب في الدنيا دي
شمس : ولولي يا اختي ولولي
حبيبه : انتي بتضحكي بقى انا مطلعه عينه ومش مخليه يقرب مني علشان في الاخر برضو ابقى حامل انا استاهل ضرب الجزمه اني خليته يقرب مني من الاول
شمس : لا ده الواضح بقى اني جوزك أسد
حبيبه ضربتها وقالت بغيظ
'' ده وقته يا بت حسن شوفي حل"
شمس بتحذير: ديانا اياكي تعملي حاجه في البيبي أو في نفسك عارف انك مجنونه
حبيبه : انا اه مجنونه احيانا بس مش متهوره وبعدين اعترف اني احنا دمويين ومعندناش قلب احيانا بس مش لدرجه اني اقتل روح بريئه احنا عمرنا ما قتلنا حد برئ يا شمس فما بالك لو كان حته مني
شمس اخدت نفس بعمق
'' سيبي الموضوع ده للأيام ''
حبيبه بخوف: خايفه الايام تعدي وألقى نفسي محرومه منه وابوه بيكرهني
شمس طبطبت عليها بحنان وقالت
'' متخافيش يا ديانا أن شاء الله لو عرف الحقيقه كلها هيفهمك وهو فعلا زي ما قال أبو علي باين بيحبك أوي ''
حبيبه : قوليله انتي الخبر وقوليله اني لسه نايمه لحد ما اجمع شتات نفسي شويه
شمس : ماشي نامي وخدي النهارده اجازه وانا هقول لزين على الموضوع لأنه لازم يعرف وأجل السفر لبكره
حبيبه : متسافريش لوحدك احنا مش في امان دلوقتي
شمس : عمرهم ما هيقدروا يقربوا مننا احنا 7 ومتخافيش عليا
حبيبه : مليكه بلاش تسافري لوحدك
شمس : خلاص يا عمه يخربيت الزن
شمس خرجت وكان عدي قاعد في الصاله ولما شافها خارجه وقف بسرعه
'' ها هي كويسه ليه اغمي عليها ''
شمس بهدوء: مبروك يا حضرت المقدم هتبقى اب
..........................................
تاني يوم
كانت شمس طلبت من الشباب انهم يتجمعوا في الصبح وهي هتوصل فكانوا قاعدين مستنينها وأكمل كان قاعد بيشتغل على اللابتوب فقال سليم باستغراب
'' انتي بتعمل أيه يا أكمل من الصبح ''
اكمل: بتركيز بشتغل في شغل شمس طلبته مني وبخلصه
مالك: هي أتأخرت ليه
اكمل' يارب تتأخر اكتر علشان اللحق اخلص 
فهد: ليه؟!؟
اكمل' طلبت مني الشغل ده امبارح وانا نمت ونسيت ولو عرفت اني مخلصتش هعملني كفته هي وياسين والاتنين أيديهم جامده
أدهم: وايه علاقه ياسين بالشغل
اكمل: لا ده شغل في الشركات مش في القضيه وانا اللي لسه متنيلتش خلصته
أدهم: هي شمس وياسين ليهم في شركات الألفي
اكمل بصله وقال: ايوه ده نصيب عمي حسن في الشركات وشمس وياسين وملك ده حتى عشق بيشتغلوا فيه وكمان انت ليك نصيب وعشق هي اللي ماسكه
أدهم بضيق: وهو مش علي بيه حرمه من كل حاجه
اكمل رجع ركز تاني وقال
'' زي ما قالت شمس يا أدهم انت لسه متعرفش غير نص الحقيقه ''
أدهم سكت وقال فهد عندما لاحظ رن تليفون اكمل كثيرا
'' يا أكمل التليفون بتاعك بيرن من بدري ''
اكمل: مش فاضي وربنا ما فاضي
عدي : يا ابني رد ممكن تكون حاجه مهمه
اكمل: بالله ما فاضي اقولك رد انت يا أدهم التليفون في الشنطه قدامك
أدهم مسك تليفونه وقال
'' يعني انت مش فاضي 5 دقايق ترد ''
اكمل: ولا حتى دقيقه
& اكـــمـــل يا حــــيـــــوان
اكمل انتفض وقال بخوف: ايه يا شمس فيه ايه مين مات
شمس بسخريه: لا وحياه امك انا اللي هموت دلوقتي
سيف : انتي فين وايه الصوت العالي ده
شمس : انا فين انا في مطارده
اكمل: طب ما ده طبيعي وبيحصل مش اقل من 3 مرات في الشهر عندكم انتوا 7
شمس : لا هو انت معرفتش مش نزل جزء جديد وكملت بصراخ: العربيه فيها قنبله وانا مش بفهم في القنابل
الشباب وقفوا بفزع وقال أدهم بخوف
'' انتي فين واحنا جايين ''
شمس بغضب: إياكم حد ينزل ممكن يبقى في خطر عليكم انتوا كمان
سيف : طب اهدي واقفى واحنا هنقولك توقفيها ازاي احنا بنفهم في القنابل
شمس : يا سلام أقف والعشر عربيات اللي بيجروا ورايا دول اعمل فيهم ايه مينفعش أقف ومينفعش اسوق بأيد واحده ولا حتى ينفع ارميها انا في نص البلد
شد سيف على شعره بغضب وقال: طب ايه الحل مفيش غير اني احنا نجيلك
شمس : محدش يخرج من المبنى قولت وانا هتصرف اكمل انا هخرج Que وانت اتصل بيها عايزه اعرف فيه كام عربيه ورايا
اكمل: حاضر حاضر
شمس خرجت حاجه من شنطتها وفتحت شباك العربيه وقالت '' Que إلى السماء ''
طارت Que للسماء وأكمل فتح نظام Que وظهرت عربيه شمس وكان وراها 8 عربيات ومكه كانت بتسوق على سرعه عاليه جدا
الشباب وقفوا وراء اكمل وقال مالك باستغراب
'' هي Que دي كاميرا ''
أكمل بيشتغل بتركيز
'' اه حاجه زي كده.... شمس وراكي 8 عربيات وحاولي تخففي السرعه شويه ''
عدي : الضربه المره اللي جايا هتوجع ممكن يكونوا قصدهم المره دي عليكي انتي
شمس : لا توجع معناها حد يموت ونتوجع عليه وهما مستحيل يقتلوني مش هيكسبوا بموتي بالعكس دول هيخسروا اكمل في اشاره قدام حاول توقفها بعد ما اعدي انا عليها
اكمل: ماشي
شمس زادت سرعتها وفعلا لما عدت الاشاره بقيت باللون الأخضر
فالعربيات وقفت وحصلت دربكه وشمس وقفت
سليم : وقفتي ليه فيه حد بيقرب من العربيه
اكمل بدهشه: ده رماح
رماح ركب وقال: القنبله فين
شمس : في شنطه العربيه من وراه هتعرف توقفها
رماح : عيب عليكي ده انا تربيه آش
سيف : ازاي حطوا ليكي قنبله في العربيه من جوا انتي سيبتيها مفتوحه
شمس : كان فيه طفل هيقع في المياه من على الكورنيش فخرجت الحقه ودي اول مره اسيب العربيه مفتوحه وانزل
رماح : شمس القنبله مش بتقف
شمس بغضب: يعني ايه مش بتقف
رماح : ده نوع أسلاكه محتاجه خبير مش اقل من 40 سنه وبيقف إلكتروني بس.... يعني يا بالريموت يا نجيب آش هي ااه لسه عندها 22 بس عندها خبره اكتر مني ومن المصمم ذات نفسه
اكمل: شمس العربيات بتتحرك
شمس وهي تنظر أمامها
'' رماح انزل ''
رماح : لا طبعا مش هسيبك وانزل
شمس بغضب وصوت عالي
'' انـــزل يا رمـــــاح ''
رماح : والله لو صرختي من هنا للصبح مش نازل
اكمل: شمس اطلعي هيوصلولك
شمس : تمام
وفجأه ساقت بأقصى سرعه بضهرها
رماح بصراخ: يا بت المجنونه انتي بتسوقي بضهرك هنموت
شمس لفت العربيه وزادت السرعه اكتر
أدهم: شمس خففي السرعه انتوا كده هتموتوا
شمس داست بنزين اكتر
رماح بلطم وصراخ: يا لهوي مش هنموت بالقنبله ولا العربيات دي هنموت بسببك انتي هدى السرعه
سيف بغضب: هدى السرعه شويه هما اصلا بعيد عنك
شمس زادت اكتر في السرعه
رماح بصويت: محدش يتكلم هتزيد اكتر دي مجنونه والعند ماشي في دمها هتعند اكتر
اكمل: شمس انتي طالع على الصحراوي ليه
شمس : الناس دي ملهاش ذنب ممكن يدوسوا حد فيهم
رماح : وانا مليش ذنب اموت موته زي دي نزليني انا غلطان اني قولت أفضل
شمس حودت يمين بسرعه راح رماح مال عليها
شمس بعدت بغيظ
'' اوعي يا عم انت ايه هتنام عليا ''
رماح : وانا مال امي انتي اللي حودتي يمين فجأه
مالك : هو ده وقت خناق معاكم قنبله على فكره
شمس : اكمل فاضل كام عربيه
اكمل: انتي هربتي من 2 وكمان 4 ميعرفوش يطلعوا من الزحمه فاضل 2.... شمس في 2 جايين من قدام
شمس هدت السرعه شويه فقال عدي
'' انتي بتعملي انتي هتبقى في النص ''
شمس مستمعتش ليهم وفعلا بقى وراها 2 و 2 التانين جايين بسرعه من قدام وقربوا عليها
رماح بلطم: احـــيــه هنموت مفرومين في النص
شمس انتظرت لحظه محدده وفجأه حودت بكل سرعتها شمال فدخلت على الرمله وزادت سرعتها على الآخر و4 عربيات دخلوا في بعض وعملوا انفجار كبير
تنفس الجميع وقال فهد: طب والقنبله
رماح : فاضل 5 ثواني
سيف بهدوء مريب: هتوقف
وفعلا وقفت قبل الثانيه الاخيره
رماح : دي وقفت ايه ده هو انت معاك الريموت
اكمل بص سيف وقال
'' اوعي تكون خاين وكنت عايز تقتلها فحطت القنبله ''
سيف ضربه على دماغه بغيظ
'' انت غبي يلاه طالما هما مش عايزين يقتلوها وحاطين ليها قنبله توقف بريموت بس يبقى تهديد ''
أدهم: بس السؤال هنا ليه التهديد
رماح بص لشمس ولاحظ انها هدت السرعه على الآخر وكمان بقى وشها اصفر
'' شمس مالك اصفريتي كده ليه لتكوني كنتي خايفه ولا حاجه ''
شمس بدوخه: اانا ااا.....
واغمي عليها والدركسيون حود لوحده فرماح بسرعه مسكه واخد فرامل
'' يا شمس شمس انتي اغمي عليكي ولا ايه ''
سيف حس بخوف شديد عليها لأنه وشها اصفر واغمي عليها يبقى ده معناه السكر عندها مش مظبوط
أدهم بقلق: مالها
رماح : تقريبا السكر على عليها فاغمي عليها انا هاخدها لفوز
سيف بغضب: نـعــم تأخذها فين
رماح خاف من صوته وقال: يا فندم فوز تبقى امي وهي دكتوره وبعدين بيتنا أقرب حاجه وكمان ابويا واخواتي هناك
أدهم بص لسيف الذي كانت الغيره تنهش فيه
'' خلاص وديها بسرعه قبل ما يحصل حاجة ''
رماح طلع من العربيه وبعد شمس للكرسي التاني وقعد قدام الدركسيون
'' هتفضل طول عمرها مهمله في صحتها وتفطر من غير ما تاخد الدواء بتاعها وهيحصلها حاجه بسبب عنادها ده ''
اكمل: معاك حق والله يا ابني
رماح طلع بالعربيه وبص عليها
'' نايمه زي الملاك ولا أكنها قطعت خلفي من شويه بسرعتها دي ''
اكمل بضحك: علشان تعرفوا انا بعاني قد ايه
رماح : ده انا حاسس اني هجيب كل اللي بطني كان الله في عونك يا ابني ومعتز اكتر اذا كانت هي مجنونه في السواقه فعشق وملك اجن منها اكتر 2 مجانين في السواقه فيهم هما 7 وربنا معتز بيصعب عليا اااه صح انتوا شايفنا ولا ايه
اكمل: ايوه Que فوقك
رماح وصل لفيلا اللواء إبراهيم البحيري ووقف قدام باب الفيلا وكان ابراهيم وفوز وشهاب وتميم واقفين فنزل رماح وقالت فوز بسرعه
'' ها يا رماح حصل ايه ''
رماح : السكر عالي عليها أو بقى واطي مش عارف هي اغمي عليها
فوز قربت منها وقالت: طب تعالى شيلها وطلعها اكشف عليها
اشتعلت عيون سيف بغضب جحيمي فكيف لجنس رجل أن يقترب منها فهي ملكه هو أرنبه هو فقد لايحق لأحد النظر له حتى فما بالك ان يحملها لكن هدئ قليلا كلام رماح  من ناره
رماح بفزع: مين انا انتي مستغنيه عني ولا ايه يا فوز ده شمس تتطير رقبتي
فوز: شيلها انت يا شهاب 
انتفض بخوف وقال
'' نفس كلام رماح  انتي مستغنيه عني ولا ايه دي شمس لو عرفت اني حد شالها مننا واحنا مش من محارمها هتتطحن عضمه ''
تميم قعد يضحك: عيني على الرجاله.... الرجاله ماتت في الحرب
إبراهيم: طب شيل انت يا خفيف
جرى تميم للداخل وقال بخوف
'' لا انا لسه صغير وشمس بصراحه بتتضرب بضمير اوي ''
فوز: شيلها انت يا ابراهيم ولادك خايفين منها
إبراهيم: معاهم حق بصراحه ما انا احيانا بخاف منها جبروت زي ابوها
شمس بضعف: انتوا بتتعازموا مين هيشيلني هو حد قالكم اني جربانه ولا حاجه
شهاب : انتي فايقه اهو يعني تقدري تتدخلي لوحدك
شمس حاولت تقف بس وقعت تاني ومسكتها فوز
'' يا بنتي كفايه عِند انتي دايخه علشان السكر عندك نازل تعالى يا أبراهيم شيلها ''
شمس بصت لفوق وقالت: Que اهبطي
نزلت Que ودخلت العربيه وقالت شمس
'' اكمل قول لياسين يجي ياخدني من عند إبراهيم ''
اكمل: ماشي يا شمس 
شمس نامت بتعب وإبراهيم شالها
'' عنيده زي ابوها والله ''
اما شمس فهي ذهبت لعالم الأحلام الوردي للتذكر كلامته الحنونه
                 ..............................
سيف بحنان: ايه اخبارك يا ملاكي
مليكه كشرت وهو استغرب
'' فيه ايه ''
مليكه كتبت
'' متقوليش ملاكي دي تاني ''
سيف : ليه يا ام شعر احمر
مليكه كتبت
'' كده قولي حاجه تاني ''
سيف فكر شويه وبعدها ابتسم وبص للبسها اللي كان بجامه بيضاء على شكل أرنب ولها اذنان أرنب امسك أذن منهم
'' خلاص هسميكي ارنوبي الأبيض حلو ''
هزت رأسها بمعنى ايوه
                 ..............................
استيقظت شمس ونزلت للأسفل وكان رماح وشهاب بيلعبوا بلايستيشن وتميم بيولع ما بينهم
شمس بتذمر من وراهم: وانا عايزه العب
رماح : يا اختي اتهدي اشحال ما كنتي هتموتينا من شويه
شهاب : بقى يا قادره 4 عربيات تخليهم يخبطوا في بعض في ثانيه واحده بس فعلا أن كيدهن عظيم
شمس : وايه علاقه كيد النساء بالموضوع انت هتهاتي وخلاص وسع يا عم كده عايزه العب
تميم: تؤ تؤ تؤ بقى دي ألفاظ دكتوره محترمه
شمس : تحب اوريك أفعال
تميم بخوف: لا وعلى ايه انا هخرس خالص
شمس كانت بتلعب ضد شهاب  فصرخت
'' اعااااااااا خسرت يا كينج والملكه تكسب ''
شهاب بتذمر' على فكره بقى انتي غشيتي
# والله كنت حاسس اني هلاقيكي زي القرده وقال ايه أدهم خايف عليكي وهو مش عارف اني اخته هبله وتتوقع منها اي حاجه
شمس : كده يا ياسين تهزقني قدام الكلاب دول وتنشر غسيلنا قدامهم
رماح ضرب كف على كف
'' بالله دي حوارجيه مش دكتوره ولا حتى ظابط ''
شمس بصتله وقالت بشر
'' طب تعالى بقى أوريك الحوارجيه ''
اسمكها ياسين وقال: يا أخي اتهدي بقى ده انت لسه جايه من الموت
شمس : سيبني بس اوريه مين الحوارجيه ابن فوز
ياسين تكلم في الهاتف
'' شفت بقى يا أدهم اتمنى يكون قلقك راح ''
أدهم: هاتها على هنا يا ياسين
ياسين: ماشي
ياسين كمم بق شمس وشدها وراء وقال
'' الكبير مش ناوي على خير ابدا ''
شمس : امممم اممممم
ياسين: بلا امممم بلا مش اممم انا لو أطول اكسر رأسك دي كنت عملتها
..........................................
وصلت شمس وياسين إلى مبنى المخابرات وصعدوا للشباب ودخلت شمس متذمره وياسين ينظر له بحنق
اكمل: يا اختاااي بدأنا
نظروا له بعدم فهم ماعدا أدهم الذي ربع يديه وقال: فيه ايه
شمس بغيظ: يرضيك اخوك ده يقولي اني شبه عمر
كتم الشباب ضحكتهم عليها
فهد : يعنى انت ملقتش غير عمر اللي تشبهها به
أدهم نظر لياسين وشمس ورجع ضهره لوراء
'' اسمع الحكايه من اولها ''
شنس : ده كله علشان خناقة مع واحد كان هيخبط العربيه
ياسين: وانتي تتخانقي ليه معاه شايفني طرطور حضرتك
شمس : الحق عليا مكنتش عايزه وشك ده يحصله حاجه وبعدين بقى انا شبه واحد صاحبك
ياسين: أصله انتي شكلك نسيتي انك بنت وتصرفاتك بقيت شبه الرجاله
شمس بغيظ: قوم تشبهني بعمر
ياسين باستفزاز: يمشي معاكي يامن
شمس : شايف يا أدهم مستفز ازاي وبعدين ما هو الراجل هو اللي غلطان نازل يبجح فينا هو فاكر اكمننا راكبين عربيه فور باي فور نبقى كلاس وبابي ومامي
ياسين: لا ازاي هو غبي ميعرفش انه واقفه قدامه هيرقل الحواري المصريه ده انتي كفايه لسانك اللي أطول منك ده
شمس : يا عم احمد ربك انه طلع عايش بقميصه اللي جابلي عمي ألوان ده..... بقى فيه راجل يلبس قميص برتقالي ايه القرف ده
سليم : لا صراحه معاها حق قرف فعلا
ياسين: ده على اساس انك سيبتي الراجل ده انتي ضربتي رأسه في إزاز العربيه
شمس : يا عم هي كانت عربيتك دي عربيته هو
ياسين مسكها من طاقيه الجاكيت وقال
'' ايه يا بت ده ايه  كميه الاستفزاز اللي فيكي دي''
شمس : ابعد ايدك ياض احسنلك
أدهم: امسكوا في شعر بعض احسن
شمس : لا ازاي يا كبير انا بس عامله احترام ليك لولا بس وجودك كنت كنت قطعت شعره في أيدي
بصلها ياسين بقرف وقام أدهم وبعدهم عن بعض وقال بغيظ
'' انتوا مش صغيرين على الخناقات دي ايه يا بشمهندس ولا انتي يا دكتوره بقى دي طريقه دكتوره وظابط برتبه مقدم بتضربي في الشارع يا شمس ليه يا اختي ها ''
نظر ياسين له
'' قولها فاكره نفسها الشحات مبروك ''
شمس : بلاش يا فوزي هتزعل مني
أدهم بضيق: بس بقى انتوا أطفال
ياسين: ما عمايل أختك هي اللي اتجنن
شمس بشكر مصطنع: يااه ميرسي اوي للمدح
ياسين بصلها بفقدان امل وجلس بجانب سيف وقاله بصوت واطي
'' لسه برضو عايزها ''
سيف : ايوه
ياسين: هتلبس يا ابني والله
عدي : ههههه معاه حق
ياسين: وانتوا كمان لبستوا على فكره ما انتوا معاكم نسخ الجنان التانيه..... وكمل بصوت مسموع
'' اكمل خلصت الشغل اللي قولتلك عليه ''
اكمل بصدمه: ها
شمس : ها ايه خلصته ولا لأ
اكمل: هو بصراحه يعني لأ
ياسين: نعم يا اخويا ده الاجتماع بعد ساعه ده ابوك هيفرمنا
شمس : يا بني آدم انا مش قايله تخلصه من امبارح كنت بتعمل ايه
اكمل: ما موضوع المطارده ده خد من وقتي وبعدين قدامي بس نص ساعة واخلص
أدهم: انتوا هتروحوا هناك
شمس : ايوه لازم احنا لينا تلت الشركات ولينا كمان في القصر بقولك ايه تعالى معانا
أدهم كشر: لا مش عايز وبعدين انا اروح ليه
ياسين: هو ايه اللي ليه انتي ليك زيك زينا في الميراث يا أدهم
أدهم بسخريه: ده على اساس اني اشتغلت فيه
شمس : عشق كانت مكانك وانت ليك في كل حاجه ونصيبك محطوط في البنك باسمك باسم أدهم حسن علي الألفي
اكمل بحماس: تعالى يا ادهم ده انت هتشوف العجب والعجاب هناك ده حتى كريستين هتبقى في الاجتماع
شمس كشرت: السلعوه دي جايه تاني
ياسين: سلعوه بقى دي سلعوه يا عديمه النظر
مالك : ايه يا ياسين انت متجوز على فكره
شمس : على فكره كلها على بعضها صناعي
ياسين: تعالى يا أدهم وشاهد المشكله اللي هتعملها هناك أراهن انها هتجيبها من شعرها في نص الاجتماع
شمي : يجي ونص الموظفات يعاكسوه اراهن اني السلعوه دي لما تشوفه هتشقطه
سيف : تشقطه
سليم وفهد بضحك: والله هو من ايام الثانويه مشقوط
اكمل: تصدقي صح دي اصلا عينها من ماجد ويامن وياسين وعشق كانت هتقتلها المره اللي فاتت لولا ماجد مسكها والتانيه طلعت تجري
شمس : اه لو كنت انا في اليوم ده كنت نتفت ريشها بس ملحقوه هتكون النهارده
أدهم: مش هروح
ياسين: هتروح
أدهم: لا
شمس : اكمل ياسين روحوا خلصوا الشغل وانا هجيبه ونروح سوا
أدهم: مش هروح قولت
ياسين قام وقال: وانا متأكد انك هتيجي مفيش حاجه صعبه علي الملكه
ياسين وأكمل خرجوا وقالت شمس
'' نشوف القضيه الأول ''
فهد : ايوه طلبتي ليه تجمعينا
شمس : مش انا اللي طلبت على فكره ده الوحش
الشباب: سيف ؟؟!!
سيف بجديه: ايوه انا لأني محمود قال اني فيه شخص اجنبي يبقى مساعد تالت وهو في مصر دلوقتي
عدي : والشخص ده لو جبناه هيفدنا جدا
شمس :طب ومين الشخص ده
أدهم: لحد دلوقتي مقالش بس بالضغط اكتر هيقول
شمس : اممم والمطلوب مني
سيف : لا انتي مش مطلوب منك دلوقتي لاني الإرهاب ده شغلنا وأعتقد مش لازم الكل يركز في المصايب اللي بتحصل ليكم لاني ده اكيد تشتيت
مالك : فعلا يعني انتي وفريقك اوهموهم بأنكم فعلا متشتتين واحنا هنجيب المساعد التالت ده من غير ما حد ياخد باله ونحاول نستجوبه بسريه
شمس : تمام
سليم : بس اللي مش فاهمه يعني ايه مساعد تالت وهو في تالت وتاني
شمس : ايوه اللي فهمته من خلال السنين دي كلها اني دي مافيا بس أساسها ايه وهي فين ده بقى منعرفهوش
أدهم: المافيا دي ليها علاقه بحكايه قتلى صح
شمس : المساعد التاني والأول هما اللي دبروها وكمان هما اللي حاولوا يقتلوا ياسين وبرضو هما اللي قتلوا جدك علي وجدك عثمان.... والباقي اذوا رسيل وديانا وجين وشغف هما كمان ذاقوا من الوجع بس بطرق مختلفه الحاجة الوحيدة اللي فهماها اني الشخصيات دي هتوصلنا للمافيا دي مش بس مصر اللي هتم فيها دي ودول تاني كتير
سيف : ليه هددوكي النهارده
شمس بغموض: عايزين من كل واحده فينا احنا 7 حاجه بس مش هياخدوها ابدا
عدي : هما مين؟؟!!
شمس : المافيا دي
فهد : انا مبقيتش فاهم حاجه
شمس بتعب: ولا انا لو مكناش فقدنا الذاكره كنا عرفنا على جزء يوصلنا للحقيقه
الشباب بذهول: فقدتوا الذاكره
شمس حطت ايدها على رأسها بصداع
'' يوم ما دبحهم كانوا فيه 3 واقفين واحد شال الشال وانا شوفت وشه بس مش فاكره الضغط والغيبوبه خلوني انسى ورجعت افتكرت بس وشه ما افتكرتهوش انا فاكره كل حاجه الدم والكلام والقتل ماعدا وشه لو افتكره هجيبه وحق لا إله إلا الله لدوقه تمن الحرمان والدموع والوجع اللي عشتهم انا واخواتي وتمن بعد أدهم عننا وكسره بابا اللي كنت بشوفها في عيونه وكانت بتقتلني وحق ياسين اللي كان هيموت وحق اللي قتلهم كلهم ''
امسك أدهم يدها وقال بحنان شديد
'' اهدي علشان متتعبيش وانا معاكي وكلنا معاكم متخافيش ''
شمس بصتله: احنا مش خافين على نفسنا يا أدهم احنا خايفين عليكم انتوا مكانش ينفع ندخلكم في اللعبه دي دلوقتي بقيتوا انتوا وعائلاتكم في خطر احنا 7 نهايتنا حاجة واحده بس وهي الموت
سيف بغضب: الموت والحياه دول في ايد اللي خالقنا وبس ليه بتحكموا على نفسكم بالموت وانتوا ممكن تعيشوا
شمس : حتى لو عيشنا مش هنبقي في وسط الكل من تاني هترجع ملاك واحنا هنبعد هبعد اوي هنحتاج سنين علشان نرجع زي الاول نرجع لطفولتنا اللي راحت
ضغط أدهم على يديها بتشجيع
'' متسبقوش المستقبل مش يمكن يحصل حاجه عكس كده تخليكم زي الاول من تاني ومن غير ما تبعدوا ولا حتى تموتوا ''
شمس : دي وقتها تبقى معجزه
مالك : واحنا في زمنا المعجزات اتمسكوا بربنا وهو عمره ابدا ما هيردكم مخذولين
شمس : يارب
سليم بمرح: اسمعوا من الشيخ مالك
فهد : حفظه الله هههههه
ضحك الجميع وقالت شمس
'' هتيجي معانا يا أدهم صح ''
عدي : متخافيش هيروح وان مكانش برضاه ناخدوا ليكي غصب عنه ولا ايه يا شباب
الشباب: ايوه اومال
أدهم باستسلام: خلاص ماشي بس لو حصل حاجه معجبتنيش انا همشي
شمس بثقه: متخافش اراهنك انك هتقعد معانا والوقت هيعدي من غير ما تحس به وهتقول الملكه قالت
'' أدهم بتساول اه صح هو انتي ليه بيقولولك يا ملكه ''
شمس : ابقى اقولك هناك يلا بينا وانت النهارده اجازه وابقوا خلي حد يتكلم من اللي قاعدين دول
الشباب رفعوا أيديهم باستسلام ماعدا سيف الذي لم يشارك معهم بأي شئ بل كان يفكر في كلامها يبدوا ان ما مرت به أكبر من ما يتوقع اااه يا إلهي لم شعور انها ستتركه لا ينفك عنه وذالك الحلم المزعج يأتي له كل ليله وهو يراها بعيده عنه وتبتسم له وبعدها المكان ينفجر وهو لا يستطيع حتي ان يصل لها يدعو الله أن يحفظها له فهو سيموت حتما أن جرى لها أي شيء هو يشعر بقلبه يعتصر من دموعها وصوتها المتألم فماذا سيحدث لو تركته ورحلت سوف يموت هو أيضا لا محال
..........................................
في صرح شركات الألفي للتعمير
يدخل اكمل وكان بدون كمامه وياسين وشمس وادهم الذي أصر على لبس الكمامه مثلهم وكل الموظفين ينظرون لشمس وياسين بخوف فهم معروف عنهم الصرامه الشديده في العمل وان وجدوا خطأ واحد يكون العقاب شديد جدا برغم من هدوء ياسين المعتاد الا انه لا يرحم في العمل وأيضا بنظرات استغراب للشخص الثالث فهم لم يتعرفوا عليه
صعد الجميع للطابق الأخير وكان به غرفه الاجتماعات
دخلوا وقالت شمس ببرود: الكل موجود
رد جميع الموظفين بخوف: ايوه يا فندم
كان على رأس الطاوله يجلس جابر وعلى يمينه يامن وبجانبه ماجد وجلس اكمل بجانب ماجد اما على اليسار ترك ياسين وشمس الكرسي بجانب جابر لادهم وجلسوا في الكراسي التي بجانبه... استغرب أدهم وقال بهمس
'' بلاش اقعد انا هنا ''
جابر بهدوء: اقعد يا أدهم ده كان مكان حسن وانت ابنه الكبير يعني ده مكانك في غيابه
أدهم بتوتر: بس انا اول مره اجي ممكن مكنش استحق المكان ده
يامن بابتسامه: اقعد بس يا أدهم وانا متأكد انك تستحقه
جلس أدهم ونظر بجانبه لياسين الذي نظر له بمعنى لا تقلق
وصل الوفد وكانت كريستين هي ابنه صاحب الشركه وعندما وجدت شخص غريب يجلس بجانب جابر استغربت قليلا لكنها لا تنكر انها أعجبت به بشده فجسده يبدوا رياضي جدا وشيك في ملابسه وشعره وعيونه المضيئة التي تظهر بوضوح
جلست كريستين والوفد وبدأ الاجتماع وكان هناك صغره لاحظها أدهم وعندما لم يتكلم احد تكلم هو وقال بالاتينيه فهي شركه برازيليه
'' لكن هذا الشرط ليس مناسب ''
كريستين باستغراب: وما الغير مناسب به
أدهم: أن وافقنا عليه فستكون هناك خسائر كثيره لنا والقليله لكم
كريستين: ولكن هذا اهم شروطنا ولن نقوم بإلغائه
أدهم بعمليه: لن تقومون بإلغائه لكن سوف نعدل به بعض الأشياء
كريستين: كيف؟!!؟
بدأ أدهم الشرح وكان ماهر جدا ومن يسمعه يظن أنه ليس بأول مره هذه ولما لا فهو كان يحضر العديد من الاجتماعات في شركه الجارحي الذي كان يصر سيف وعمران أن يحضروها معهم حتى لا يشعر بأنه أقل منهم أو يشعر بالوحده
اما جابر والباقي كانوا ينظرون له بفخر فهم لم يتكلموا عمدا حتى يتكلم هو ويشارك معهم
أدهم: وهكذا يكون الجميع مستفيد وتزيد الأرباح بنسبه 30%
سميث "والد كريستين": يا سيد ااا
أدهم بهدوء: أدهم
سميث: سيد أدهم انا حقا ابدي إعجابي بذكائك انت حقا ذكي جدا برغم أن هذه أول مره أراك بها وانا متعاقد منذ سنه فلا أعلم من انت
ياسين بهدوء: انه اخي الكبير
نظر جميع الموظفين بصدمه هم يعلمون أن شمس  وياسين وملك لهم اخ وعشق كانت مكانه لكن لم يعلموا انه اتي وحقا يبدوا مثل إخوته
ماجد بهدوء: انتهى الاجتماع الآن وتوقيع العقود غدا
ذهب الجميع وقالت كريستين لادهم بإعجاب
'' حقا انت شخص ذكي أدهم وانا معجبه بهذا جدا ''
كان أدهم سيرد ولكن قالت شمس ببرود
'' سيد أدهم لا تنزعي الألقاب انسه كريستين ام نسيتي ما كادت تفعله بكِ اختي وتريدين التذكر على يدي ''
خافت كريستين بشده فملك كادت تقتله لأنها قالت لها مدام فقد
خرجت كريستين تجري وقالت شمس  بقرف
'' جاتك نيله وانتي كلك مطباط كده''
اكمل بضحك: الحمد لله عدت على خير ومقطعتيش شعرها
شمس: ده احتراما لاخويا الكبير علشان هو أول مره يجي بس
ماجد: اول مره ايه ده انا حسيت انك في عالم الاقتصاد مش اقل من 10 سنين ده انت كنت مكتسح الجو
أدهم باحراج: مش للدرجه دي يعني
جابر بفخر: الإعصار زي ابوه وإخواته
شمس وياسين: طبعا اومال
يامن طبطب على كتفه وقال: مرحبا بك في امبراطورية الألفي يا أكبر أحفاد عائله الألفي
أدهم بذهول: انا اكبر الأحفاد
شمس : ايوه طبعا انت الاول وبعدك ياسين وبعده ماجد وبعده انا و.....
اكمل: بس يا عمه انتي هتحكي قصه الكفاح واحنا واقفين
شمس : معاك حق ياض احنا نروح مكتبي نتغدي ونشرب شاي ونتكلم بمزاج
يامن: بقى دي ألفاظ تتقال اشحال انك ملكه الاقتصاد كنتي قولتي ايه
أدهم بصدمه: انتي ملكه الاقتصاد يا شمس
شمس : تاتاتاتا ايه رايك مفاجأه مش كده انا الملكه وياسين دنجوان الاقتصاد وعشق عاصفه الاقتصاد وملك سيده الاقتصاد وانت قريبا هتبقى إعصار الاقتصاد
أدهم: امممم معتقدش
كشر الكل وشمس وياسين سحبوا أدهم لبرا القاعه ودخلوا مكتب شمس والباقي وراهم وقعدوا أدهم وشمس جابت اللاب بتاعها وفتحته وقعدت جنب ادهم من اليمين وياسين من الشمال وجابت صوره وقالت: تعرف مين دول
نظر أدهم للصوره وقال: انا وايهم
شمس : طب ودي
أدهم: انا وبابا
شمس : طب ودي وركز كويس
نظر أدهم للصوره وكانت قديمه وبها طفل وابوه وهما متشابهين لدرجه كبيره ويشبهون الصور الأولى
'' مش عارف ''
جابر: دول حسن وابويا علي الألفي
أدهم بصدمه: دده جدي ده اااا
ياسين: شبهك انت وبابا مش كده اللي متعرفوش اني النسخه الاصليه هو جدي وبابا بقى شبهه وانت شبه بابا وايهم شبهك
ماجد: يعني انتوا 4 نفس النسخه لحد الجيل الرابع لحد أيهم
شمس جابت صوره تاني وقالت: بص للصوره دي يا أدهم
نظر أدهم للصوره وكانت معه ابوه وأشخاص كثيرين لم يعرف منهم غير أحمد فقد اما الآخرون فلا
'' مش عارف غير عمي أحمد بس ''
شمس : ركز كده في الوشوش التانيه يا أدهم هما دلوقتي كبروا فكر لقيوا مين لما كبروا
ركز أدهم وشاور على صوره
'' ده اللواء يوسف السيوفي انا شفته قبل كده وده توامه منصور السيوفي يبقى رجل أعمال وده اللواء إبراهيم البحيري اللي كنتي عنده الصبح وده اللواء عز الدين الزيان وده الفريق جلال الشرقاوي شوفته قبل كده في الكتيبه وده عمي جابر اما الباقي مش واضح ''
جابر: دول بقى صحابي انا وابوك وأصدقاء طفولتنا وشبابنا بس اتفرقنا من 21 سنه وخصوصا لما أبوك ساب القصر
أدهم بحزن: مش ابوه اللي طردوا علشان اتمسك بحب حياته
شمس : أدهم جدك وقتها كام عنده سبب
أدهم: وايه هو بقى السبب اللي يخليه يطرد ابنه ها
يامن: أدهم يمكن انا معرفش اللي حصل زمان لاني وقتها مكنتش اتولدت بس اللي اقدر اقوله برغم اني ابويا كان جبروت الا انه حنين اوي تعرف انه كان بيحبك اوي برغم انه عمره ما شافك بس انت اول أحفاده وياسين وشمس وملك حتى عشق حبكم لأنكم ولاد ابنه واحفاده منه تعرف انه كان محتفظ بجناح ابوك ومكنش بيخلي حد يدخله وبيتنضف كل يوم ولحد دلوقتي شمس وياسين وملك وعشق بيعملوا كده تعرف اني في القصر لكل واحد منكم جناح خاص حتى انا مش عارف ايه اللي يخلي بابا يعمل كده بس اللي متأكد منه انه كان سبب قوي جدا لدرجه اني جدك دخل المستشفى شهرين بعد ما ابوك ساب القصر ومشي
نظر أدهم لصوره جده مع جدته وعمه جابر ووالده حقا يرى نظره جده الحنونه لزوجته وأولاده لكن لما فعل هذا
أدهم: بس انا
جابر: أدهم فكر في ابنك برضو من حقه يبقى عارف انه ليه عيله كبيره وده حقه فعلا
أدهم تنفس بعمق
'' حاضر يا عمي''
ابتسم جابر وفتح ذراعيه بحب
'' تعالى في حضني يا ابن الغالي ''
احتضنه أدهم بحب وشعر بدفي غريب وقال يامن بمرح
'' وانا برضو عمك على فكره يعني واجب عليك تديني حضن زي ده ''
أدهم بضحك: على فكره علميا انا اكبر منك بسنتين
يامن: وعمليا بقى انا اكبر منك مقاما
احتضنه أدهم وقال يامن: يااه حلو الحضن ده يا ابن اخويا
شمس : نتصل بقى على ملك وعشق يشاركونا اللحظه دي
أدهم بلهفه: بجد
ياسين: بجد يا أدهم وهتتكلم معاهم بس سامحنا مش هينفع تشوفهم صوره ولا حتى قدامك علشان ده خطر
أدهم: أهم حاجه اتكلم معاهم
شمس عملت اتصال ووصل صوت عشق بيقول
'' هلا والله هلا عملتوا ايه النهارده في الصفقه''
شمس: لوز اللوز البت ملك فين
ملك: انا هنا يا اسطا المهم جبتي البت كريستين من شعرها
ياسين بملل: محراق شر والله
شمس : للأسف كان فيه شخص موجود كان لازم احترم وجوده
عشق: شخص وتحترميه مين يا بت ده
شمس : اهو قدامي اهو
ملك: مين فين
أدهم بصلهم وهما بصوله بتحفيز
'' ملك عشق ''
شعروا بتجمد ونظروا لبعضهم بدموع
'' ااادهم ''
أدهم بحنان: يا قلب أدهم يا أميراتي
ابتسم الفتيات بدموع على هذا اللقب الذي طالما كان يناديهم به هنا الثلاثه وكان ينادي ياسين برفيقه الصدوق
أدهم بدموع: اتجمعنا احنا 5 بعد غياب حتى لو صوت
عشق وملك ببكاء: وحشتنا أوي يا أدهم وحشتنا اوى
أدهم: وانتوا اكتر
شمس  بدموع: بت انتي وهي وهو بلاش بكاء بدال ما انكد عليكم انتوا 4 ها
ياسين: لا يا عمه مش ناقصه نكد وحياتك
نظر جابر ليامن وأولاده بمعنى أن يخرجوا ليتركوا لهم مساحه وهم وافقوه وخرجوا واقفلوا الباب
ظلوا ربع ساعة على البكاء والاشتياق الا ان صرخ ياسين بهم
'' كفايه بكى بقى يا شويه بطاطس ''
ملك: الله بطاطس محمره
أدهم: طول عمرك بتموتي في الأكل
شمس : ولا زالت على فكره والجذمه التانيه ليل نهار في التوت
عشق: شوف مين بيتكلم يا بت ده انتي بتسحي بعلبه بسكوت في اليوم
شمس : ذلونا بقى اكمني مريضه ومحرومه ومفيش غير البسكوت ده
أدهم: على فكره انا اللي جبت ليكي البسكوت وحطيتوا في مكتبك
شمس : ايه ده بجد كان انت بس دخلت ازاي
أدهم: قولت لاكمل وهو حطه
شمس : الواد اكمل ده عسل
ياسين: اه بإمارة انك كنتي هتحرقيه من شوية
شمس : الله ما هو اللي يستاهل
ضحك الجميع وظلوا هكذا لساعات يتذكرون طفولتهم معا ويضحكون ويمرحون ويتنمروا الفتيات على بعض وكانوا يضحكون من قلوبهم فهل ستدوم الضحكه ام ستتحول لبكاء ووجع وانتقام
..........................................
في قصر عيله المسيري
كان القصر ده دايما كئيب ومن غير روح من وقت موت عمر وعامر بس الموضوع اختلف لما جات روان  بضحكتها ومرحها دخلت شعاع امل ان القصر ده يرجع تاني زي الاول
كان الجد علي في المكتب من الساعه 5 بيخلص شغل وسليم كان رجع بس خرج تاني يخلص شغل في الشركه اما روان كانت قاعده وزهقانه فقامت وقالت
'' لا بقى لا بقى كده يبقى سو ماتش يعني ايه الملل ده وربنا القصر ده كئيب ده الحاره كانت فيها روح.... بس انا لقيتها ''
وراحت علمت الحاجه دي وبعدها وبصت على الساعه كانت 8 فراحت للجد المكتب وخبطت ودخلت وقالت بمرحها المعتاد
'' مسا مسا عليك يا ابو عمر ''
علي بابتسامه: تعالى يا بنتي
روان : لا تعالى إنت وسيبك من جو شيفاي والورق والصفقات ده كله وتعالى نتفرح على فيلم برا في الجنينه الجو حلو النهارده
علي: ماشي اختاري فيلم وانا هخلص واجي
روان شدته من ايده لبرا
'' لا ما انا اخترت خلاص وعملت بسبوسه وفيه شيبسي وبيبسي وفشار والدنيا حلوه ''
ضحك عليها علي
'' شكلك كنتي زهقانه ''
روان قعدت على الكنبه في الجنينه
'' جدا مقولكش القصر طويل عريض من غير روح والحاره بتاعتنا أصغر منه بس ايه مقولكش زيطه وهيصه 24 ساعه في 24 ساعه تقولش الناس ما بتنامش ده كفايه ام احمد اذاعه الشرق الأوسط للحاره الوليه دي معتقاش حد خالص دي بتعرف اللي بيحصل في الحارات التانيه والله خسرتها المخابرات الست دي''
اما علي كان يضحك بكل قوته عليها
'' اضحك ياعم خلي القمر يطلع وانت مز كده وربنا انت احلى من حفيدك ''
علي بضحك: ااه لو يسمعك سليم  مقولكيش هيعمل فيني ايه
روان : هيعمل ايه يعني انا ولا بخاف
علي: طب خدي بالك انا حذرتك سليم من النوع المتملك يعنى لو سمعك بتمدحي في راجل غيره قولي على نفسك يا رحمن يا رحيم
روان : بشرك بالخير والله يا ابو عمر يعني انا اكره الرجاله طول عمري علشان حفيدك ده في يوم وليله يبقى جوزي ولا ايه يطلع متملك يا صلاه العيد
علي بضحك شديد: لا مش قادر هموت يخربيتك
روان : وتخرب بيتي ليه يا ابو عمر بقى عايز حفيدك يموت أخص عليك طب والتفله اللي ما بطني تيتمها
علي: تفله ايه انتي حامل
روان بغباء: لا بس هي بتتقال كده
علي: وهي اسمها تفله برضو
روان ادته طبق بسبوسه
'' يا عم هي بتتقال كده قولي بقى انت عندك السكر ولا حاجه ''
علي: لا عندي الضغط بس
روان : الا قولي انت عندك كام سنه اصلك باين في الأربعين يعني
علي: لا انا عندي 68
روان : يا راجل
علي: انا اتجوزت وانا صغير وأولاده أصروا يتجوزوا قبل ما يخلصوا الكليه وهما اصلا كانوا بيشتغلوا معايا في الشركه وانا كنت محافظ على لياقتي البدنيه وكده بس برضو انا كبير هي 68 قليله
روان : بصراحه مش باين عليك خالص يلا بقى الفيلم هيبدا
علي: طب مش نستني سليم
روان : سليم مين بقى حد يفكر في حد تاني والقمر قاعد معاه
علي: وربنا انتي ما هترتاحي غير لما يطلع تملكه عليكي
روان : بقولك ايه مش انتي تبقى من محارمي
علي: ايوه انا ابقى جد جوزك يعني بقيت خلاص من محارمك
روان : اشطا
وبعد ساعه ونصف وصل سليم وكان يسمع صوت ضحكات من الحديقه الخلفيه ركز في الصوت وعلم انه صوت روان  وجده وشعر بالغيره الشديده فلماذا يضحكون في هذا الوقت ذهب للحديقه الخلفيه وسمع روان بتقول بضحك
'' لا لا لا بقى ده سليم وهو صغير يا لهوي على الكياته ايه الخدود دى ويقولي انا اللي عندي خدود ما يبص على خدوده وهو صغير ''
سليم : ومالها خدودي بقى يا ست روان
روان : شوفت اهو جي
علي: حمد الله على السلامه يا ابني
سليم : الله يسلمك يا ابو عمر
سليم لاحظ شئ جعل عيونه تنطلق بالشرار فقال بهدوء ما قبل العاصفه
'' ايه اللي مقعدك بشعرك كده ''
روان : امممم على فكره جدك من محارمي
سبيت : غطى شعرك
روان : يا عم بقولك من محارمي
سليم بغيره وتملك: وانا بقولك غطى شعرك احسن ما اقصه ممكن حد من الحراس يجي
كانت روان ستجادل لكن قال تعالى علي
'' اسمعي الكلام يا بنتي ''
روان وضعت زنط الجاكيت على رأسها وقال شبين بسخريه
'' والكام شعره اللي باينين دول البسي الحجاب كامل يا حبيبتي''
روان : لا بقولك ايه متحسسنيش اني قاعده في الشارع ده انا في البيت وجدك بس اللي قاعد
علي: خلاص يا شبين بلاش تخنق نفسها في البيت خليها تاخد راحتها
سليم : اووف ماشي يا جدي
روان شالت الزنط وابتسمت لسليم بشماته
'' يلا يا ابو عمر نكمل الألبوم ''
سليم : عملتها برضو يا جدي وفرجتها عليهم
علي: اومال لازم تشوف جوزها في طفولته
سليم : تشوفني وانا لابس الفستان البينك ده
روان : لا انا مشوفتهاش دي هاتوها بسرعه
سليم شد الألبوم وقال
'' على جثتي دي فضيحه ''
روان جريت وراه
'' طب وربنا لاشوفها ''
سليم طلع يجري في الجنينه وروان بتجري هي كمان وراه
'' ابدا ما يحصل ''
ابتسم علي عليهم بحب وتمنى أن يكون غيث وزوجته هنا كانت لتكمل سعادته باحفاده وسعد بشده فغيث يحب زوجته جدا وسليم وجد نصفه الثاني التي ستعوضه عن اليتم الذي شعر به منذ أن كان صغيرا لكن هل ستكتمل هذا السعاده ام ستنقلب لعذاب شديد
..........................................
بعد 3 ايام
في مكان آخر بعيد كان يقفوا بكل قوه وتتقدمهم هي وتنظر لذالك القبر بكل جبروت وملامح خاليه من أي مشاعر وخلفها توأمها هما الاثنين وملامحهم تشبهها وبجانبهم اخوها وملامحه تدل على الحزن الشديد دخل شاب طويل وجسده رياضي جدا بشعر اسود وعيون زرقاء لامعه يتكلم بالتركيه
'' اعتقد هذا يكفي يجب أن نذهب يا اولاد الألفي ''
وضعت تلك صاحبه العيون الزرقاء البارده نظارتها بكل برود والتفتت له تقول بغرور
'' نحن أبناء الملاك الاسود والقيصر مراد ''
مراد: حسنا يجب أن نذهب حتى ترجعوا إلى مصر
نظرت ملك لذالك القبر ووضعت نظارتها
'' إلى لقاء آخر ''
ياسين: هيا بنا
خرجوا من ذالك القبر ليركبوا سيارتين ويذهبوا إلى قصر مراد
..........................................
اما في مصر كان الوحوش قد قبضوا على ذالك المساعد وحاولوا أن يتكلموا معه لكنه يرفض ويصر على مقابله شمس وهذا ما استغربوه فكيف له أن يعرف شمس  والمشكله انهم لا يعلمون أين شمس حتى ياسين غير موجود منذ الصباح
أدهم: ها يا أكمل مش بترد برضو
اكمل: لا ولا هي ولا حتى ياسين
سليم : يعني هيكونوا راحوا فين
اكمل: لحظه بس هو النهارده كام
زياد: النهارده 23/3
اكمل: بس خلاص عرفت هما فين
سيف : فين؟؟!؟
اكمل: في تركيا النهارده ذكرى وفاتهم يا أدهم
أدهم: النهارده بس النهارده عيد ميلادهم
اكمل: ايوه علشان كده مش بيحبوا حد يقولهم كل سنه وانتوا طيبين ولا حتى يعملوا عيد ميلاد بيقضوا نص اليوم في تركيا وبعدها في إيطاليا
عدي : اشمعنا إيطاليا يعني
اكمل: مش عارف بس هتصل
اكمل اتصل على شخص وبعدها رد هذا الشخص ويتكلم بالتركيه
'' مرحبا ''
اكمل: مراد هل شمس عندك أم ذهبوا
مراد: لا لم يذهبوا
اكمل: طب اديها التليفون
مراد ببرود: حسنا انتظر قليلا سأذهب لها
اكمل: ماشي
فهد : هو بيفهم عربي
اكمل: ايوه
فهد : طب ليه بيتكلم تركي مش عربي لو فاهم
اكمل رفع أكتافه
'' هو مراد كده مش بيحب يتكلم عربي كتير ''
أدهم: مين ده اصلا
ردد بغباء
'' مراد ''
أدهم: يا سلام عرفته انا على كده مين مراد
اكمل' ده اااا
قطع كلامه صوت مراد الذي دخل غرفه شمس وكانت تقف في الشرفه تنظر للحديقه وعلى الكرسي يوجد ذالك الفستان الأبيض الذي كانت به يوم الحادث
'' ساحرق هذا الفستان في يوم من الايام''
شمس: لا لن تفعل
مراد: بلى سأفعل اكمل يريدك على الهاتف
شمس اخدت التليفون وقالت
'' عايزه ايه ياض انت هو انا مش قايله في اليوم دع بالذات محدش لا يكلمني ولا يرن''
اكمل: نسيت يا اختي المهم اسمعي
تكلم سيف بهدوء مصطنع ويكتم بداخله نار الغيره من ذالك مراد الذي يكلم ارنبه
'' لازم ترجعي حالا ''
شمس : ليه
أدهم: احنا قبضنا على المساعد التالت بس رافض الكلام غير في وجودك
مراد: ماذا لماذا في وجودها هي
شمس: اممم مش عارفه حاضر هاجي حالا
مراد' مهلا الن تذهبي لإيطاليا
شمس: لا لن اذهب هذه المره يجب أن أعلم من هذا الثالث
مراد مسك الفستان: حسنا ساحرق هذا
شمس : ايه لا طبعا هات الفستان
مراد بغيظ غافلا أن المكالمه لا تزال مفتوحه
'' اللعنه عليكِ وعلى هذا الفستان انتي توجعين نفسك طالما هذا الفستان أمامك ''
شمس بجمود: حسنا انا لا أوجع نفسي بل اتذكر دمائهم التي كانت على الفستان يوم ان ذبحوا أمامي ولكي اتذكر أيضا أن إلى الآن لم انتقم لهم
مراد: أصبحت حالتكن انتن 7 صعبه يجب أن تتعالجن في أقرب وقت
شمس بمرح: حسنا عندما تعود ملاك
مراد بغيظ: تمزحين الآن سوف اقتلكن في يوم
شمس : لا انت لن تستطيع فعلها
مراد ببرود: بلى استطيع
شمس : بتقولها من وراء قلبك
مراد ببرود: بل من أعماق أعماق قلبي ان لم يكن اخي سيحزن بشده أن حدث لكم شئ كنت قتلتكم عندما قومتم بتكسير بيتي يا مجانين
شمس بسخريه' ياااه ده كله حب
@ الحب ولع في الدره يا اختي
شمس حضنتها وقالت بتأثر مصطنع
'' اااه يا ملك شايفه قلبه القاسي جرحني وجرح احساسي اهي اهي ''
مراد بملل' بدأنا من جديد
ملك بطبطبه' معلش يا اختشي بكره اجوزك سيد سيده المعفن ده
شمس: ده عايز يقتلنا
ملك: واطي يا مراد نسيت اننا احنا 7 اللي بنزورك في قصرك الطويل العريض الفاضي ده
مراد ببرود وهو يمشي بتجاه الباب
'' اوه كم انا ناكر للجميل لا تأتوا مجددا لوغد حقير مثلي ''
شمس وملك بغيظ: هي بقيت كده طيب خد دي
ضربوه برجلهم فوقع على السرير وقال بغضب
'' اللعنه عليكم يا مجانين ''
شمس : ملك ثبتي رجليه
ملك: هــجـــوم
شمس مسكت دراعته وملك قعدت على رجليه
مراد: ماذا تفعلان ابتعدوا عني
شمس طلعت مقص لعلمها أن أكثر شئ يكرهه مراد أن يقترب احد من شعره
'' متخفش يا اسطا هقصلك شعرك بس ''
مراد بغضب شديد: شمس لو عملتي كده هضربكم انتوا الاتنين
ملك بضحك: بسرعه قبل ما يتحول طالما اتكلم عربي يبقى هيتحول وهيضربنا
اما على الهاتف كان اكمل يضحك وادهم والباقي يفتحون فمهم غير مستوعبين ما يحدث إلى الآن اما الوحش فكانت عيونه حمراء بشده ويضغط على يده لدرجه ان مفاصل يده ابيضت بشده ويشعر انه يديد أن يفتك بذالك مراد ويأتي شمس من شعرها ويحبسها في مكان لن يعرفه اي احد ولا حتى هي
مراد: ابعدي المقص يا شمس
شمس بضحك' يا عم هساوي شعرك بس أصله في حتت قصيره وحتت طويله وبصراحه معصبني اوي
مراد بغضب' وانتي مالك هو انتي مراتي
شمس : ههههههه يا عم انت تطول
$ انتوا بتعملوا ايه؟!!!
عشق بصدمه مصطنعه: دول بيعتدوا على الراجل يا ياسين ااه يا شرف العيله اللي راح متزعلش يا أخويا انا لسه موجوده
مراد: ياسين ابعد اخوتك عني سوف اقتلهم
ياسين: يا أخي تريحني وخد التالته دي بالمره
عشق: اهي اهي كده يا ياسين بتبعنا أخص عليك أخص
شمس : لو كان أدهم هنا مكنش عمل كده
ياسين: لو أدهم شاف ربع الجنان اللي انا شوفته منكم كان اتبري منكم من زمان
مراد رمي ملك من على رجليه فوقعت على ضهرها لتصرخ
'' اااااااه يا ضهراااي منك لله يا مراد يا ابن غرام اشوف فيك يوم ضهري اتكسر ''
عشق جريت عليها
'' يا ضنايا يا بتي قومي يا اختي أن شاء الله مراد وانتي لأ ''
ياسين: انتي لو واقعه من الدور 3 مش هتولولي كده
ملك: منك لله انت كمان
عشق' واد يا مراد تليفونك واقع تحت السرير وباين فيه حد على الخط
مراد: هل لا يزال اكمل على الهاتف؟؟!!
ملك مسكت ضهرها
'' اكمل مننا وعلينا وعارف فضايحنا وبلاوينا ''
شمس  بصدمه: ده الشباب كانوا معاه احيه
مراد بشماته: اصبحتي سيئه السمعه الآن يا فتاه
شمس : اوعي يا عم كده ولاه يا أكمل اوعي تقولي أن الاسبيكر كان مفتوح
اكمل: احم اه
شمس بغضب: يا حيوان وانت مقفلتش ليه من بدري
اكمل بخوف لعلمه انها ستطحن عظامه عندما تأتي
'' والله اخوكي هو اللي ماسك التليفون ومش راضي يقفل ''
شمس : احيه يا أدهم انت سمعت
أدهم: اه كل حاجه عايز تفسير بقى
ياسين: متفهمش غلط يا أدهم
عشق: اه ده يعني ده مراد
ياسين ضربها بغيظ: ويعني هو كده هيفهم
مراد: لا بل افهم صحيح يا أدهم انا زوجها
ياسين بضحك: لا تحل لكي يا مراد
مراد: حسنا الثانيه
ملك: ايه الهبل ده ما انا ابقى توأمها يعني انا برضو محلش ليك
مراد: ليس انتي يا غبيه بل تلك التي تاكل
عشق شاورت على نفسها
'' انا.... انا فعلا احل ليك بس ابسلوتلي اني افكر في الجواز فشوف غيري يا اسطا ''
مراد: حسنا أدهم انا احيك بقوه على صفعك لتلك العنيده
شمس : يا أخي كفايه استفزاز انت ابوك وامك لم يعلموك الأدب
مراد ببرود: فقد ماتت امي وابي عندما كان عندي 11 عاما فلم يربني احد ويعلمني الأخلاق
عشق: اووه Sad Story
مراد: أن أردت نصيحتي اصفع الثانيتين
أدهم باستغراب: هو انت تعرفني
مراد بغموض: انا اعرفك انت والوحوش وانتم تعرفوني لكن تجهلون هذا الآن لكن لا تنسى صفع ملك عندما تراها
ملك قامت بغضب
'' بقى انا عايزه صفعه وكمان بترميني من على السرير يومك اسود النهارده يا ابن غرام ''
وهوب نطت عليه مسكته من شعره وشدته بقوه
مراد بصراخ: ابتعدي عن شعري أيتها المجنونه
ملك بصراخ مماثل: جنان جنان بقى والله لاطلعه في أيدي

مراد: يـــاســيـــن ابعد تلك القرده عني
ي

اسين: لا تصرخ عليا يا مراد فأنا أكبر منك سنا
عشق بضحك: انا شوفت المشهد ده فين اه صح لما كانت جين متشعلقه في مروان كده وكانت هتقطع شعره
شمس راحت لتليفون: سلام يا أدهم دلوقتي علشان نفكهم من بعض
أدهم: ما تتاخريش ماشي
شمس : ماش... هااااا ده طلعت شعره في ايدها
ملك بخوف: هيقتلني
مراد بغضب شديد وجنون
'' ساقتلك يا ملك ''
ملك طلعت تجري لبرا
'' الــــحــــقــونـــــي "
شمس : سلام يا أدهم الحقها قبل ما يقتلها
..........................................
أدهم بص لسيف وكل الموجودين برضو اما سيف فقام وقال ببرود
'' لما تيجي ابقوا بلغوني انا في صاله التدريبات''
وقبل ما يتكلم كان هو مشي أدهم بص لاكمل
'' ازاي مراد ده يبقى من محارم شمس وملك اما عشق لا ازاي دي ''
مالك : ايوه فعلا غريبه دي
اكمل: أصله مراد يبقى ولا أقولك لما شمس تيجي احسن سلام انا
عدي : بصراحه يعني سيف ماسك أعصابه على اختك بالعافيه
أدهم: يستاهل خليه يتربى
فهد : يتربي على ايه
أدهم: ههههه هو عارف
اما عند سيف كان يضرب كيس الملاكمه بقوه وهو يتذكر هي مؤكد كانت قريبه جدا منه حتى لو كان من محارمها كيف تقترب منه هكذا هي ملكه هو فقد له وحده وقف وهو بينهج
'' فعلا شكل ابوها كان معاه حق لما قال هتعب معاها اوي ''
..........................................

Sabreen💜