صدفة لم تكتمل
ستضحك لك الحياة مرة وستغلق الابواب في وجهك مره أخر لكن باب الله مفتوح دائما ♡
*****************************
ابتدا يوم جديد مع ظهور ابتسامه علي وجه افراد وظهور التوتر علي اشخاص آخرين ايا كان الظاهر لكن سوف يكون بداية أمل ونجاح للجميع باختلاف شعور كل منهم ..!
استيقظت هيام من نومها علي رنين هاتفها وكانت صديقتها سهام
سهام : الو السلام عليكم ورحمة الله وبركاته
هيام بصوت منخفض اثر النوم : عليكم السلام ورحمة الله وبركاته
سهام : انتي لسه نايمه ياعجله مش في تسليم اجهزه النهارده في الشركه ياحيوانه
هيام بشهقه : اااه يالهوي نسيييت
سهام : طب قومي يلا وانا هكتب المحاضرات وابقي ابعتهالك متشغليش نفسك فيها ركزي بس في الموضوع دا
هيام وهي تقفز من علي السرير: حاضر تسلميلي ياسوسو ربنا يخليكي للغلابه اللي زيي
سهام بضحك علي هذة المجنونه : ماشي ياستي يلا ربنا يوفقك
هيام بحب لصديقتها : يارب ياقلبي
أغلقت معها الهاتف وبدأت في تجهيز ملابسها لتؤدي صلاتها وروتينها اليومي وترحل لشركة والدها و لمستقبل غير معلوم نتيجته ..!!
************
عند ساجد كان استيقظ من الفجر او لنقل لم يستطع النوم لان اليوم ستبدأ اول خطوه في نجاحه فبدأ التجهيز والترتيب لها هو واحمد
أحمد بتذمر : ياعم انا مال امي تصحيني من الفجر وتجبني هنا لي انا عايز انااااااام
ساجد : والله ماعندك دم يلا هي شركتي لوحدي مش انتو شركا معايا فيها
أحمد بتمتمه: مش عايزها انا الشراكه دي
ساجد : بتقول حاجه يا احمد ياحبيبي
أحمد بتذمر : بدعيلك ياحبيبي بدعيلك
وجدو عادل يدخل من الباب وهو يتحدث في الهاتف
عادل : يابت ماقولتلك معرفهاش دي عايزه توقع بنا ........... لا والله مافي القلب غيرك يابت ....... هصالحك ....... لا ملكيش دعوه مفاجأه بقي ...... ماشي سلام ياقمر ثم اغلق الهاتف ووجد كلا من ساجد واحمد ينظرو اليه ببلاهه فضحك علي شكلهم عادل وهو يضحك : الاه مالكو عاملين كدا لي
احمد وهو مازال ينظر له ببلاهه : انت بتعمل كدا ازاي
عادل بتكبر : قدرات بقي يا اخ احمد
ساجد بغضب من تصرفات عادل: قدرات زباله اتاخرت لي ولا الباشا نسي احنا عندنا اي النهارده
عادل: منستش ولا حاجه ياعم ( ثم تقدم ناحيته بملف ) والي انت طلبته جهز من امبارح اهو
اخذ ساجد الملف منه بتأفف : والله مش عارف اقولك اي يارب مكونش ازعجتك
تجاهل عادل سخريته : طب اي هنعمل اي دلوقت
تجاهل ساجد هو الاخر هذا الامر مؤقتا حتي يبدأ عملهم وعزم علي ان يغير صديقه وينير طريقه
ساجد : هنروح نستلم الاجهزه من شركة رؤوف بيه الاول وبعدين نطلع بيها علي المينا بس حد فيكو هيروح المينا يستنانا هناك
عادل : خلاص ماشي هروح انا
ساجد : تمام توكلنا علي الله
ثم خرجو جميعا متوجهين ناحية شركة الرؤوف ..
*****************
قبل ذلك بساعات استيقظ رؤوف في تمام الساعه السابعة صباحا وادي روتينه اليومي ونبه علي زوجته بالا توقظ ابنته حتي تعتاد علي الاستيقاظ بمفردها فهي ليست صغيره وستدخل عالم رجال الاعمال لا بد من ان تكون ملتزمه فيبدأ معها اول درس ... اخذ فطوره مع زوجته وتوجه الي شركته الرئيسيه .....
**********************
وصل الجميع الي الشركة في الوقت المحدد باستثناء هيام ..!
جلسو جميعهم في مكتب رؤوف يتفقو علي تسليم الشحنه في بعض الاجواء المشحونه فبادر رؤوف بالتحدث حتي يبعد عنهم التوتر
رؤوف : انت كنت قولتلي ان معاكو شاب تالت
حمحم ساجد : احمم ايوا حضرتك عادل صديقنا والشريك التالت في الشركه
تكلم احمد بتذمر : بس متقولش صديقنا
ضحك ساجد علي صديقه كثيرا : لا متاخدش في بالك حضرتك هما دايما كدا ناقر ونقير مع بعض
رؤوف بضحك هو الاخر : مفهوم طبعا ربنا يديم المحبه اللي شايفها في عيونك دي يابني
احمد : حضرتك دا....
كاد احمد ان يتحدث لكن قاطعه دلوف هيام بخجل شديد
هيام بتوتر : السلام عليكم
ردو جميعا السلام مع نظرات من والدها فهمتها جيدا
حمحمت هيام لتنظف حلقها : انا آسفه جدا علي التأخير
ساجد : ولا يهمك احنا لسه منتظرين اتصال الناس عشان نتحرك علطول
رؤوف : هي هيام لسه بتتعلم برضو فاعتبرها بتبدا حياتها زيها زيك
ساجد: انا اكتر من مرحب طبعا
قاطعهم دلوف سامح : كل حاجه جهزت يارؤوف بيه
رؤوف : تمام علي خيرة الله يلا ياولاد
توجهو جميعا للميناء حيث يتم تسليم الاجهزه
*************************
في الجامعه عند البنات
علا: والله البت هيام الهبله دي صعبانه عليا
سهام : باباها عايز مصلحتها بس خدها فجأه بس لكن هيمو شاطره وهتكون قدها ان شاء الله
علا: اتصدقي ياسوسو وحشتني اوي الكليه ملهاش طعم من غيرها بجد ضحكة الشلة مش زي مابتكون هيام معانا
سهام بابتسامه : ربنا يديمنا لبعض دايما يارب ياحبيبي
علا بابتسامه : يارب ياقلبي .. ثم نظرت لاماني وجدتها شارده
علا: الاه بت يا اماني انتي عامله كدا لي
سهام : اي ياموني مين اللي مزعلك
علا: اوعي تكون هيام وحشتك انتي كمان
سهام : لا دا انا هدبح عجل لو كدا دول مبيبطلوش مناقره
قاطعتهم اماني بحزن : كلمتها النهارده بس كانت مستعجله بس اطمنت عليها
سهام : مال مالك ياقلبي اي اللي مزعلك
أماني بتنهيده : مش قادره اتكلم
علا بحزن علي صديقتها : اتكلمي ياحبيبي لو مكنتيش هتحكيلنا هتحكي لمين
سهام بتشجيع : اتكلمي ياموني حتي لو مش معانا الحل بس علي الاقل هنواسيكي ياقلبي
أماني بنبرة عياط مصطنع : مانا بصراحه جعانه اوي وانتو عمالين تقولو هيام هيام هيام الا ماحد فكر فيا ولا قالي فطرتي ولا لسه .. نظرت اماني لهم وجدتهم ينظرون لها بشر ابتسمت ابتسامه سمجه وقالت : انتو عارفين دايما بيقولو ان الجري نص الجدعنه بس طلع الجدعنه كلها سامو عليكووووووو ثم اخذت تجرري
علا : متمسكنيش ياسهااام هموتهاااا في ايديي بنت سلطح ملطح دي واخذت تجري ورائها هي الاخري
وجلست سهام تضحك علي افعال صديقاتها
**********************
في الميناء كان كل شيئ يسير بخير وانقضي كل شيئ وبدأت الشحنه في التفتيش لكن تأخرو وبدأ القلق يتسرب في قلوبهم جميعا ماعدا رؤوف
رؤوف : اي ياشباب مالكو خايفين كدا لي
ساجد بتوتر : اتاخروا اوي يارؤوف بيه هيكون فيها اي يعني دي اجهزه
رؤوف بابتسامه : دا اجراء طبيعي جدا ياساجد متقلقش طول مانت ماشي صح اوعي تخاف
ساجد وهو يخفف من توتره : ان شاء الله
قاطعهم دلوف شخص عليهم : مين فيكو ساجد كمال
شاور الجميع علي ساجد الجالس بابتسامه بلهاء
ساجد بسخريه: ملوش لزوم والله ياجماعه تدارو عليا كدا افرضو روحتو في داهيه تروحو بسببي يعني انا هعرفو بنفسي
الشخص وهو فرد أمن : اتفضل معانا حضرتك ....!!!!
وللحكاية بقيه ....؟!
بقلمي: بسمله علاء ♡
دمتم سالمين ❤
أنت تقرأ
صدفة لم تكتمل " بسملة علاء "
Humorدائماً نتمسك بالرواية عندما يجذبنا اسمها فقط جرب أن لا تحكم علي الشيء من مظهره واقرأ جوهره لعل النهاية تعجبك ❤
