صدفة لم تكتمل
الفرق بين الحلال والحرام نظره لله ..!
***********************
عند ساجد دخل مقر شركته الصغيره وكله أمل في الله بأنها ستصبح يوما علي لسان الجميع وتحظي بشهره كبيره
وجد عادل صديقه يجلس بأريحيه علي المقعد ورجله فوق المكتب ويمسك هاتفه ويتحدث مع احدي النساء
عادل : اي طيب ماتيجي
الفتاه بضحكه رقيعه : تؤ ماتيجي انت
عادل : ما المشكله ان الشغل كتير هنا والمدير رخم و..
قاطعه دلوف ساجد وهو يردح : لااا وانت الصلاة علي النبي اوي مقطع الشغل ومخلصه كله
انتفض عادل من مجلسه واغلق الهاتف سريعا وقال بتلعثم : سا.. ساجد حبيبي انت فين ياراجل كنت لسه بجيب في سيرتك
ساجد بشلل: اعمل فيك ايي خلصت الورق اللي قولتلك عليه
عادل بابتسامه سمجه : ورق اي
ساجد : ياشللي يانا ياما الورق اللي المفروض هنعمل بيه صفقه مع شركة رؤوف صادق
عادل: اه اه هخلصه حالا
ساجد بارهاق: ياعادل احنا عايزين نقوم علي رجلينا ونشتغل اللي انت بتعمله دا اسمه هزار اتقي ربنا في الشغل عشان ربنا يبارك لينا فيه
عادل: حاضر ياساجد انا هخلص اهو
ساجد : هو فين احمد صحيح
عادل بلا مبالاه : جه الصبح هنا ولما مش لاقاك موجود مشي من غير حتي مايرمي السلام
ساجد بضحك عليهم : والله ماعارف انتو الاتنين ناقر ونقير لي
عادل: انت بتضحك معرفش هو قارش ملحتي لي
ساجد بطريقة انثويه : معلش يا اوختشي رجاله ملهاش امان
ضحكا اثنتيهم وتوجهوا لاكمال عملهم وتحقيق اول خطوة للنجاح ..،!
( نتعرف عليهم
ساجد كمال : يحب مجال البيزنس يتميز بلياقه بدنيه رائعه طويل القامه وذو اعين سوداء مجتهد جدا في عمله ويود اثبات نفسه فبدأ بشركة استيراد صغيره هو وأصدقائه وتحدث مع رؤوف وهو وعده علي ان يساعده
عادل أشرف : صديق ساجد من الجامعة لكنه يتحدث مع فتيات ويتسلي بهن بحجة انهم يريدون ذلك ولا يغصب احدهن علي فعل شيء ذو بشره قمحيه وعيون عسلي ويتميز هو الاخر بلياقه بدنيه وشريك ساجد في العمل
احمد ماجد : صديق ساجد من الطفوله دائما يتشاجر هو وعادل ودائما يقول لساجد بأنه لا يرتاح لعمله مع عادل شاب طويل ووسيم عيونه بنيه جميله وهو الاخر يتميز بلياقته البدنيه )
*****************
عند هيام خرجت لتنتظر اصدقائها في الكافتريا الخاصه بالجامعه فوجدت آخر شخص تود رؤيته
هيام : اهو ام اليوم اتقفل خالص خير يا عزيزه
عزيزه وهي تجلس امامها: في اي بس ياهيما مش مدياني وش ومبقتيش بتسالي لي
هيام برفع حاجب: يعني اللي عملتيه دا صح
عزيزه : والله دا بيحبك مووت لما قالي قولت اساعدكو واوفق راسين في الحلال
هيام وهي تقف : الكلام بينا انتهي ياعزيزه اللي بيحب حد بيدخل البيت من بابه دا الحب اللي اعرفه غير كدا اسمه لعب عيال وانا مليش فيه ...ثم غادرت
عزيزه بحركة شعبيه بفمها: الشيخه هيام والله مانا عارفه حاتم الاهبل دا بيحبك علي اي جتكو نيله انتو الجوز
حاتم من ورائها : بتجيبي في سيرتي لي
عزيزه بخضه : ياختاااي يخربيتك خضتني
حاتم : معلش ياختي اي النظام
عزيزه : قفلت خالص يامعلم سيبك منها ياحاتم انا قولتلك هيام مش بتاعت تسليه
حاتم : حلو انا بحب المغامره خلينا نتسلي شويه
*************
ذهبت هيام لمكان آخر وانتظرت صديقاتها وحدثتهم في الهاتف علي مكانها
علا بصوت عالي: هيمووووووووو
هيام : ايييي يخربيتك خرمتي طبلة ودني
اماني وهي تضرب علا علي راسها من الخلف : مش قولنا ان انكر الاصوات لصوت الحمير يابغله
علا وهي تضع يدها خلف رأسها : حرمت يابيه
سهام : استنو يابنات مالك ياهيمو
هيام : ست زفته جات وقفلتلي اليوم
سهام : يييييي عزيزه تاني
علا : مش ممكن يكون عايزك فعلا ياهيام
هيام : يابنتي النوع دا مش زينا مابيتغيرش هو بيعيش في الدنيا يلعب ويتسلي وبس
اماني: هيييييييح حكم ماعلينا من الاتنين المتخلفين دول سيبك منهم انا جعانه
هيام بنرفزه : انتي يا ام كرش انتي افصلي
اماني بلامبالاه: اكليني وانا افصل
علا: ايوا وانا كمان جعان
هيام : سهام حوشي عني المتخلفين دول
سهام وهي تضحك علي صديقاتها : ماهم عندهم حق عايزين ناكل
هيام بغضب طفولي : حتي انتي طب وربنا لماشيه
ذهبو الثلاثه ورائها وهم يضحكون علي غضب صديقتهم المجنونه
( نتعرف بقي علي العسلات دول
هيام : بنت ذات بشره بيضاء واعين بنيه ،طويلة القامه وتتزين بحجابها تتميز بالجنون الطفولي
أماني : بنت ذات بشره قمحيه واعين واسعه ، وأقصر من هيام وهي الاخري تتزين بالحجاب وتتميز بحبها للأكل
علا: بنت ذات بشره بيضاء واعين عسليه ، طولها معتدل وتزين رأسها بالحجاب وتتميز بالمرح المعتاد
سهام : بنت ذات بشره خمريه واعين زرقاء صافيه ، نفس طول هيام وتزين رأسها بالحجاب ليعطيها رونق خاص وتتميز بالهدوء المبالغ
هما الاربعه اصدقاء في كلية التجاره وهما الان في السنه الثانيه علي التوالي )
******************
نذهب لشلة الفاسدين في نفس الجامعه
عزيزه : اهلا ياشباب
رامي وهو يضع يده علي قلبه بدراميه : الاه حاتم وعزيزه طعنتوني في قلبي
حاتم : يك وجع في قلبك ماتظبط يلا
شاهي: اي ياتومي مالك مين الي معصبك
رامي: تلاقي المزه اللي كارفاله
حاتم : رامي اسكت والله مافايقلك
شاهي: فكك ياحاتم يعني مفيش غيرها
حاتم : لا في غيرها بس دي مختلفه
عزيزه : ياعم دي لسانها مترين انا عن نفسي مش مكلماها تاني في الموضوع دا مبقتش طايقاني اصلا
رامي: فككو من الحوار دا شهاب عامل حفلة النهارده هتيجو
عزيزه : جايه وش طبعا
واتفقو جميعهم علي الذهاب
( نتعرف عليهم برضو مش مشكله
حاتم : ابن رجل الاعمال المعروف سامي جمال حياته كلها سهر ولعب فقط شاب غني ووسيم والدته مابين الشوبينج والنادي ليس له رقيب علي حياته
عزيزه : بنت المهندس خيرت وليد فتاه مستواها في الجمال متميز بعدت عن اصدقائها القدامي وتحلم بمستوي رفيع من المال
شاهي : بنت من الطبقه العاليه تعيش مع عمها وزوجته بعد وفاة والديها ولكن لا يهتمون بها وتصرف من المال الذي تركه اباها لها وذات قدر من الجمال
رامي : شاب وحيد سافر ابوه وامه خارج مصر ويبعثوا له المال دائما فيعيش به كما يقول له الشيطان)
***********************
انتهي اليوم الدراسي علي الجميع ودقت الساعه الرابعه وكل من ابطال روايتنا يذهب الي مصيره او قدره المكتوب وتبدأ احداث راويتنا في التفاعل ببطئ .....
وللحكاية بقيه ...!
بقلمي : بسمله علاء ♡
دمتم سالمين ❤
أنت تقرأ
صدفة لم تكتمل " بسملة علاء "
Humorدائماً نتمسك بالرواية عندما يجذبنا اسمها فقط جرب أن لا تحكم علي الشيء من مظهره واقرأ جوهره لعل النهاية تعجبك ❤
