" كل جميل سيأتي فقط انتظر "
" واخيرا وصلنا للفصل الأخير 😂❤"
***************
الاخير
استيقظ الجميع بنشاط وحماس فاليوم يوم حافل بالفرح والسعادة علي كلا منهم استيقظت هيام بمفردها بابتسامة فرح وقامت وارتدت ملابسها وادت فرضها وهاتفت اصدقائها مكالمه جماعيه وردوا الجميع بابتسامه ماعدا علا وجدو عندها صراخ
عند علا استيقظت بصراخها علي عادل بهستريا فدخلت عليها والدتها بفزع
والدة علا: بسم الله الرحمن الرحيم مالك ياقلبي في اي
علا ببكاء: عادل ياماما
والدة علا : مالو ياحبيبتي في اي
علا ببكاء اكثر: بيخوني ياماما عاااااا
والدة علا بصدمه : انتي عرفتي ازاي يابت
علا بتأثر : حلمت انه كان بيخوني في الفرح ياماما
لتنفضها والدتها بعنف وتتركها وتخرج : غوري يابنت المجنونه ربنا يكون في عونه عليكي دا انتي بلوه
لتسمع علا رنين هاتفها علي مكالمة اصدقائها لتصرخ بهم : انا مش عايزه اتجوز
لتنصدم كلا من هيام وسهام واماني
سهام بهدوء: اهدي بس ياعلا اي اللي حصل ياقلبي
علا ببكاء: عادل خاني في الفرح
أماني بتاثر وغضب : الحيوان الواطي ازاي يعمل كدا
هيام بغباء: هو انتو عملتو فرح
أماني بتذكر: اي دا صحيح دا لسه النهارده
علا ببكاء: ماهو انا حلمت ان احنا عملنا الفرح وخاني فيه عااا
لتجد الاتصال اغلق من قبل صديقاتها لتنظر علا ببلاهه : هو ماحدش بيحترم احزاني لي مش يمكن دا مش مكاني والزمان دا مش زماني ....
**************
عند ساجد والشباب استيقظ الجميع بفرحه عارمه علي كلا منهم
رشدي بتحسر عليهم : خلاص هتدخلو القفص ياحزني عليكو
عادل بابتسامه : عقبالك لما تقع علي بوزك زينا
ساجد بضحك : لا ماهو واقع فعلا بس لسه مش عارف ياخد خطوه
عادل بسخريه : الاه مال اي بقي ياعم رشدي خد خطوه وماتخافش ونينيني
احمد بضحك : هو رشدي كدا نصايحه تجيب نتيجه مع اي حد الا نفسه تيجي لحد عنده ودماغه تقف
رشدي بسخريه ليغير الموضوع : خلاص يا جايف انت وهو خلصتو تريقه يلا كل واحد يروح ياخد المعزه بتاعته يوديها مكان السنفره يلا
عادل : ماتحسن ملافظك يابغل انت اسمها كل بعل ياخد بعلولته
رشدي بسخريه : طب يلا يابغل
ليضحكو اصدقائه عليه بشده ويذهب كل شخص لياخذ حبيبته ويوصلها للبيوتي سنتر
________
عند ساجد وصل لمنزل هيام هو ووالدته وفتحت دنيا له الباب واستقبلتهم بترحاب شديد وتوصيه ساجد علي هيام
ساجد : وصيها هي عليا ياست الكل متقلقيش هيام في قلبي قبل عيني
لترد عليه دنيا ببسمة اطمئنان : هطلع اناديها عشان متتاخروش
لتصعد دنيا وتجلب هيام ويذهبو معا للبيوتي سنتر
في السياره كان يعم الصمت ولاحظ ساجد توتر هيام
ساجد ليخفف من توترها : الاه مال بيقولو عليكي لسانك طويل لي
هيام بابتسامه : مش عارفه حاسه ان كل الكلام اتبخر فجأه
ساجد بابتسامه : تعرفي اني بحبك اوي ومش مصدق انك معايا دلوقت
هيام بتوتر : وانا كمان مكنتش مصدقه اني هبقي مبسوطه اوي اليوم دا
ساجد بغمزه : طب اي
هيام بعدم فهم : اي
ساجد : مفيش اي حاجه كدا
هيام بنرفزه : والله العظيم ياساجد ها...
ليقاطعها ساجد بسرعه : شيلي الافكار الزباله دي من دماغك واسلكي شويه يابت (ثم اكمل ببراءه ) انا قصدي مفيش حاجه ناكلها
لتضحك عليه هيام بشده ليوصلها ساجد للمكان المنشود لتجد اصدقائها يحجزون بين علا وعادل فكانو يتشاجران ..!
__________
عند سهام ذهب احمد لمنزلها واستأذن من والدها لاخذها البيوتي سنتر وركبا السياره وذهب معها ليوصلها
احمد بابتسامه : انا عندي سؤال هموت واسأله
سهام بضحك : ياااه للدرجادي لا لو كدا اسال
احمد بجديه مضحكه : هو انتي هاديه كدا علطول ولا معايا انا بس
لتضحك عليه سهام بشده
ليكمل احمد بمغازله : لا وضحكتك قمر كمان
لتصمت سهام باحراج ولم ترد عليه
ليضحك احمد : طب هفضل اكلم في نفسي كدا كتير
سهام : ......
احمد : يابنتي قولي اي حاجه حرااام دا احنا فرحنا النهارده
سهام : ......
احمد : لا شكلي اتغشيت انا لازم ارجع تاني
سهام برفعة حاجب : لا يا استاذ البضاعه المباعه لا ترد ولا تستبدل
احمد بضحك : ايوا ياشيخه كدا انا قربت انسي صوتك
لتضحك سهام بشده .. ليكمل احمد بغمزه : والله احلي ضحكه
ليكملو طريقهم تحت مغازلة احمد وكسوف سهام حتي وصلوا عند البيوتي سنتر ليجدو عادل وعلا يتشاجران
*************
عند عادل وعلا وصلو عند البيوتي سنتر تحت صراخ علا به
علا بعصبيه : انت بتخوني ياعادل
عادل بجهل : وربنا ابدا دا انا حتي كنت بايت مع صحابي
علا بتجاهل : هي كانت احلي مني
عادل بنرفزه : هي مين دي يابنتي
علا ببكاء: انت كمان بتزعقلي
ليصرخ عادل علي حظه : يالهواااااي انتي بتعيطي لي دلوقت
علا ببكاء: طلقني ياعادل
ليهبط اصدقائها في نفس اللحظه ويذهبا سهام وهيام بجانب علا واحمد وساجد بجانب عادل
عادل بنبرة اوشك علي البكاء: ياحوستي السوده يانا ياما هو انا لسه اتجوزتك عشان اطلقك يابنت المجنونه
علا وهي تنظر لصديقاتها : شوفتو اهو بيتلكك انا مش عايزاها الجوازه دي ودوني عند امي
عادل بعصبيه وهو يرفع ذراعه : قسما بالله ياعلا انا علي آخري متعصبنيش
لتتحدث هيام : معلش ياعادل هي عروسه ومتوتره برضو معلش
عادل : عقليها ياهيام المجنونه دي
علا بشجار : انا مجنونه بقولكو اي انا مش جواز اصلا روحوني لامي
عادل بعصبيه : بت بت
علا : لا بقولك اي انا مكنونه
عادل ببلاهه : اي دا احنا متفقناش علي دي
علا بابتسامه : لا هي جات في دماغي كدا
ليضحكو معا وينظروا ليجدو الجميع يحدق بهم باستغراب مما حدث
علا : طبعا لو قولتلكو اننا كنا بنهزر مش هتصدقوني صح
هيام وهي تشمر يدها : لا ازاي تعاليلي بقي لتجري وتهرول خلفها هيام وتتبعها سهام واماني وهم يضحكون
وعند الشباب ضحكو جميعا ليذهبو لشقة رشدي ليتجهزوا بها
_____________
في مكان ذهبنا اليه مره واحده قبل ذلك ( الحاره )
كانت دعاء تتحدث مع صديقاتها مكالمه جماعيه ( منه وهبه وشاديه وآيه )
دعاء : دا فرح كبير جدا ماتيجو معايا يابنات اهو نفرح شويه
منه : بس يابنتي احنا متعزمناش ومش معانا دعوات
دعاء بضحك : مانا بنت عم العريس وبعزمكو اهو
هبه : انا جايه وش
آيه : مش عارفه انا هعرف ماما الاول
شاديه : وانا كمان
دعاء بابتسامه : خلاص ماشي وباذن الله هنتجمع كلنا في الفرح
ليغلقو المكالمه معا وتذهب كلا منهم لتخبر والدتها وبعد الحاح شديد يوافقوا ليخبروا بعضهم علي وعد من الجميع بالالتقاء في الزفاف
************
تجهز الجميع وتم تجهيز كل شيئ وعند البنات كانو يضعون اللمسات الاخيره وكانو متوترين لتدخل عليهم نجوي وهي تلقي زغروطه عاليه
نجوي بفرحه من اجلهم : ماشاء الله ربنا يحميكو قمرات ... ثم توجه حديثها لاماني وعقبالك انتي كمان يا اماني
لترد اماني بابتسامه : تسلمي يانوجا
نجوي باستغراب : انتو مالكو عاملين كدا لي
اماني بابتسامه : متوترين كلهم
نجوي بضحك : متقلقوش دا طبيعي بس مجرد ماتنولو القاعه هتفرحو وتنبسطو وتنسو اي حاجه النهارده يومكو افرحو وبس
لينظرو لها البنات بامتنان شديد
ليسمعو جميعهم دق علي الباب ليرتجفو لتذهب اماني لتفتح الباب
أماني وهي تقف علي الباب وتنظر للشباب : نعم
ساجد باستغراب : عايز البت عشان نكتب الكتاب هو اي اللي نعم
اماني بتساؤل : دا مبرر يعني
عادل بسخريه : لو مفيهاش اساءة ادب يعني ممكن علا عشان نتجوز
اماني بغرور : تدفع كام
احمد بتقزز : ماديه حقيره
لتدخل دنيا بتفاجى : انتو واقفين كدا لي هتتاخرو علي القاعه ولسه هتتصوروا
ساجد : بصي حضرتك استاذه اماني واقفه زي قرد قطع ومش عايزه تدخلنا
دنيا وهي تدفع اماني : وسعي يابت ياهبله كدا
ليدخل الجميع ويذهب كل واحد منهم لعروسته وكانو الثلاثه مثل القمر في ليلة تمامه
ليأخذ كل واحد منهم حبيبته ليذهبو لمكان التصوير لكن توقف الجميع فجاه حين توقف ساجد
هيام : ساجد خلينا نكتب الكتاب الاول وبعدين نتصور
ساجد بابتسامه : انا كنت عايز اعمل كدا فعلا
وعلم الجميع وتوجهوا للقاعه اولا وجاء وقت كتب الكتاب
ساجد : انا هكتب الكتاب الاول
احمد : لا طبعا انا
عادل : لا انت ولا هو انا
كان رؤوف ووالد كل عروسه يجلسون بملل شديد وكان جميع المعازيم يشاهدون هذا الشجار بتسليه
ليقاطعهم رؤوف بحده : ماتخلصونا يابني انت وهو
ليهرول عادل سريعا : يلا ياعمي اصلي مش ضامن البت علا ممكن تغير رايها وربنا مجنونه وتعملها
ليضحك الجميع عليه ويتم كتب كتابهم حتي ينتهي المأذون بجملته الشهيره : بارك الله لكما وبارك عليكما وجمع بينكما في خير
قام عادل سريعا واخذ علا بين احضانه امام الجميع بفرحه
ليذهب احمد ويليه ساجد ويتم كتب كتابهم بالتوالي ليتجهو لمكان خاص بالتصوير
ليتصور كلا منهم مع زوجته ويتصور البنات مع بعضهم كثيرا من الصور ثم يتجمع الجميع وياخذو صور جماعيه وكانت الوجوه تكاد تنطق من السعاده وتوجهوا للقاعه مره اخري واشتعلت اجواء القاعة بالاغاني الشعبيه الخاصة بالافراح ومن ثم همست علا في اذن عادل بشيئ ليندهش ولكن ذهب نحو الشاب الذي يقف علي DG ويطلب منه تشغيل اغنيه معينه ومن ثم يذهب لاحمد وساجد ليقف كل واحد امام زوجته لتبدأ اغنية أمينه " مبروك عليا الفرح "
وتبدا كل فتاه بالرقص مع زوجها وهم يرقصون معا علي هذه الاغنيه بفرحه شديده
*********
علي الناحية الاخري في القاعه ذهب محمد ناحية اماني يشاكسها حتي ذهب لوالدها وطلب يدها واتفقو علي اقامة خطبتهم بعد مجيئ اصدقائها من شهر العسل وتوجه رؤوف ناحية سامح ليحضنه بابتسامه
رؤوف : مش انا كنت قايلك انك ليك عندي مفاجاه
سامح بصدق : كفايه ان حضرتك قومت بالسلامه دي احلي مفاجاه
رؤوف بحب : انا طول عمري بعتبرك ابني خد .. ومد رؤوف يده بظرف لسامح فأخذه سامح بتساؤل : اي دا يارؤوف بيه
رؤوف بابتسامه : كل واحد لي عندي شهر عسل وحجزتلكو كل واحد في مكان مع عروسته عشان تنبسطو مع بعض يارب المكان يعجبك
ليدخل سامح في احضانه وهو يشكره بسعاده بالغه
**************
عند البنات اصدقاء دعاء وصلوا للقاعه وهاتفو دعاء وذهبت اليهم
هبه بمزاح : اي دا الواحد دخل علبة حلويات
منه بضحك عليها : يابت ارحمي
شاديه بضحك : لو مقالتش كدا متبقاش هبه
آيه : اللهم بارك الفرح جميل جدا عقبالك يادودو
دعاء بابتسامه : حبيبتي يا آيه
لينصدمو جميعا من وجود بسملة صديقتهم
منه وهي تاخذها في احضانها : بيسو حبيبي وحشاني اوي
بسملة بابتسامه : وانتي كمان ياقلبي
ليصافحوا بعضهم بحراره شديده
شاديه بابتسامه : انتي معزومه علي الفرح برضو
بسملة بضحك : مانا اللي عامله الفرح بقي زهقت من الكتابه فقولت اجي افرح معاكو شويه
رشدي : يعني جوزتي الكل وجات علي قرمط يعني
بسملة بغمزه: انت خليك لبنت المحظوظه بقي
ليتوجه الجميع ليأخذو صورة جماعية لتنتهي احداث اليوم وأحداث روايتنا كاملة في نهاية سعيده علي الجميع
لا يوجد شيء يحدث لنا يسمي صدفة فكل شيء يحدث بترتيب من الله اسمه قدر وليس صدفة فاصبر واحتسب وارضي بقضاء الله ستجبر وتفرح في الوقت الذي كتبه الله لك ............
ونهايتنا لم تكن صدفة لم تكتمل ولكن كان نصيب اكتمل ...♡
تمت بحمد الله 💙
" صدفة لم تكتمل"
" بسملة علاء "♡
كل الحب لاصحابي بجد ومليون شكر لحبايبي اللي عملو الغلاف " منه ، امنيه " الغلافين أحلي من بعض بجد ونشرت الروايه اهو يكش تجيب مشاهدات ياللي مفكرني نجيب محفوظ 😂 ❤❤❤❤❤❤❤❤❤❤❤
أنت تقرأ
صدفة لم تكتمل " بسملة علاء "
Humorدائماً نتمسك بالرواية عندما يجذبنا اسمها فقط جرب أن لا تحكم علي الشيء من مظهره واقرأ جوهره لعل النهاية تعجبك ❤
