" الواحد فرحان ان مفيش حد متابع الروايه غير انا وامنيه صاحبتي منوره ياموني 😂😂😂😂"
***************
الفصل الثامن والعشرين
ساجد وهو يوجه حديثه لرؤوف : عمي انا طالب ايد هيام
رؤوف بصدمه : انت بتقول اي
ساجد توتر قليلا : بصراحه انا معجب بهيام و..
قاطعته والدته : ونا مش هلاقي احسن منها لابني
رؤوف بابتسامه : وانا مش هلاقي حد يخاف عليها زيك بس نسمع راي العروسه ولا اي
نظروا جميعا لهيام وكانت تحمر خجلا من هذا الموقف
رشدي بضجر : ردي دلوقت وابقي اتكسفي بعدين ياختي
هيام بنرفزه : يخربيت الفصلان ماتسيبني اتكسف ياخي الاه عايزه اعيش الدور
رشدي بتهكم : ابقي عيشيه في الفرح ياستي عايز اتخمد خلو عندكو دم بقي منك لله يالي قولتلي انزل مانا كنت قاعد ملك باشا كدا باشا
لينظر له احمد بسخريه : والله علي اساس ان من ساعة ماورتنا وشك والفلوس بتترمي علينا دانت من ساعة مارجلك خطت البلد والمصايب نازله ترف علي دماغنا
ساجد بعصبيه : مابس يلا انت وهو
ثم وجه حديثه لرؤوف بهدوء: قولت اي ياعمي
رؤوف : علي بركة الله اتجوزو انتو وسامح في نفس اليوم بقي
سادت لحظت صمت تام في الغرفه تعجب منها رؤوف
رؤوف بتعجب : في اي مش عايزين تتجوزو مع بعض ليشاور الجميع براسه بالنفي دون ان يتحدث ايا منهم
رؤوف بتمتمه : خلاص سامح الاول وبعدين انتو لتسود لحظة صمت اخري
رؤوف بنرفزه : هو في اي حد يفهمني
هيام بقلق : اهدا بس ياحج كدا انت لسه قايم من غيبوبه
ليتوجه له سامح : بصراحه يارؤوف بيه احنا عملنا الفرح امبارح
رؤوف بضجر : من غيري يامعفن
سامح ببكاء مزيف : بنتك بنتك المفتريه فضلت تضغط عليا انا ونجوي الغلبانه دي لحد ماهددتنا واكمل بكاءة ليتوجه له رشدي ليكمل معه تلك المسرحيه وياخده في احضانه : معلش ياختي متعيطيش هما كلهم كدا ياخدوكي لحم ويرموكي عضم عالم مفتريه
هيام ببلاهه : هو اي دا ... دا بجد
لينظر لها سامح : مش انتي اللي قولتيلي اعمل الفرح
هيام : وانت ماصدقت بقي
سامح : اه بصراحه ماصدقت دا البت خللت جمبي
رؤوف بصراخ : بس انت وهي خلاص فرح ساجد وهيام اخر الشهر
ساجد بتذمر : لي ياعمي مابكرا كويس
ليضحكو الجميع عليه وتذهب هيام لصديقاتها وتخبرهم عما حدث ويحمدوا الله ان صديقتهم معهم واتجمعت شلتهم مره اخري واخذ سامح نجوي منهم وذهب سريعا لمنزلهم ويضحك الجميع عليه ويذهب كل شخص الي منزله سعيد بنهاية ماحدث
ولاول مره ينسدل ستار الليل علي الجميع في سعاده بالغه لينام الجميع في سعاده
في اليوم التالي استيقظ الجميع بنشاط ليذهبو الي شركاتهم وكل شخص يذهب لعمله الاصلي بعد رجوع رؤوف الي الشركه
توجه ساجد لشركة رؤوف واستأذنه بان يجمع كل العمال والموظفين وبالفعل تم تجميع الجميع وذهب ساجد لمكتب هيام واخذها وهي سارت معه ولم تفهم شيئ لتجد جميع من بالشركة متواجدين لتنظر ناحية ساجد لتجده يخرج علبه قطيفه بها خاتم للخطبه ليلبسها اياه تحت فرحتها ليقول : عشان الكل يعرف انك ملكي وهعوضك عن الشبكه في فرحنا ان شاء الله ويخبر الجميع موعد الفرح ليصفقو الجميع بحراره لهم وبارك لهم الجميع وانفض الجمع وبقي الاصدقاء فقط ليقول سامح بتذمر : والنبي قولولي في عريس ينزل الشغل كدا ياعالم
لتضحك نجوي عليه ليتكلم رؤوف : عشان تبقي تعمل الفرح من غيري كويس يامعفن
سامح بتذمر : منك لله ياهيام
هيام : الاه وانا مالي يالمبي
سامح : مش انتي اللي قولتيلي اعمل الفرح ياوجه البرص انتي
هيام بصراخ : لاااا بقولك ايييي هتغلط وتبوظ هنزل واغوص
تفاجأ الجميع من ردها فصمتت هيام لتجد الجميع ينظر لها ببلاهه
لتنظر هيام بتوتر عليهم : اي في اي
ليتحدث احمد : انتي تعرفي الواد دا (ليشاور علي رشدي )
ليتحدث رشدي بمرح : سيبك منهم دول عيال مبيفهموش بس قوليلي اي الجمله دي جبتيها منين
هيام بفخر وكأنها فعلت انجاز للتو : سمعتها من فيلم
ليضحك الجميع عليها ويتشاجر معها ساجد : انتي حاطه موس في بوقك يابت
هيام بمشاجره هي الاخري : اه واذا كان عاجبك بقي
ليذهب رؤوف لمكتبه بملل من مشاجرتهم تلك وبقي الجميع يشاهدونها بتسليه وضحك
ولكن كان عادل ينظر نحو علا طوال الوقت ولم يهتم لاي مما يحدث حتي وجدها ترحل لمكتبها فهرول ورائها
عادل : علا
لتنظر له علا : خير يابشمهندس في حاجه
عادل : تتجوزيني
لتقف علا بصدمه ولم تستطيع الرد
عادل بمرح : لا بقولك اي مش وقت صدمه خليني اروح انكد علي العيال دول بسرعه قبل مايبطلو خناقه لتضحك علا عليه وتجيب بالموافقه ليذهب عادل مهرولا اليهم
رشدي : اهو الهبل اكتمل خير ياعادل
عادل بفرحه : هتجوز مع ساجد
ساجد بصدمه : نعم ياضنايا
عادل بسماجه : هجوز معاكو
ساجد بسخريه : معاكو فين هو انا احنا طالعين رحله
احمد ليتحدث هو الاخر ويذيد المبله طين : وانا كمان هتجوز معاكو
لتنظر له سهام بصدمه ليغمز لها احمد لتخجل
ساجد : كملت كدا بروح اهلكو انتو الاتنين انا محدش هيتجوز معايا فاهمين
أحمد : لااا رؤوف بيه اللي يحكم
ودخلو جميعهم مكتب رؤوف ليتحدثو جميعهم ويحدثو ضوضاء ليصرخ بهم رؤوف : باااااااااس واحد بس اللي يتكلم
ساجد بتذمر: احمد وعادل عايزين يتجوزو
رؤوف بسخريه : ازاي الحيوانات دول يعملو كدا اخس عليهم
ساجد : انت بتتريق ياعمي
رؤوف : اعمل اي يعني مايتجوزو اي اللي فيها
ساجد : عايزين يتجوزو معايا في نفس اليوم
رؤوف بفرحه وهو يتوجه ليحتضنهم : مبارك ياحبايبي وتكاليف الفرح كلها عليا هديه مني ليكو
ليضحك الجميع علي صدمة ساجد وحدث احمد اهل سهام وكذلك عادل بواسطة رؤوف واقنعهم بان يقيمو الفرح مع هيام وحنان ودنيا علمو بذلك وسعدو كثيرا
لتذهب الفتيات ويجلسو في المكتب سويا لتنظر لهم اماني بتذمر لينفجرو بالضحك عليها لتذهب من امامهم بتذمر وهي تتمتم : كل واحده لقت لها ديك وانا الي هفضل زي قرد قطع كدا مااشي انا اروح اجيب اكل احسن ليضحك صديقاتها عليها وتذهب هي للسوبر ماركت لتشتري طعام بتذمر
وكانت تشتري الشوكلاته وتذهب لتضعها في عربة التسوق لكن اصطدمت بشخص لتغضب اماني بشدة : .....!
__________
وللحكاية بقيه..!
بقلمي : بسمله علاء ♡
أنت تقرأ
صدفة لم تكتمل " بسملة علاء "
Humorدائماً نتمسك بالرواية عندما يجذبنا اسمها فقط جرب أن لا تحكم علي الشيء من مظهره واقرأ جوهره لعل النهاية تعجبك ❤
