" لا تحاول فهم كل شيء فبعض الأشياء ان فهمتها لن تعيش في سلام"
*************
الفصل السابع عشر
توالت الأيام عليهم وكل منهم في عمله واختباراته ومنهم من يكمل خططه الخبيثة ومنهم من يعيد تفكيره في الذي يجب عليه فعله ومنهم من يمتع نفسه بأموال محرمه ومنهم من يفكر في ان الحادثة مدبرة ...!!!!!
انتهي هذا الشهر وانتهت الامتحانات وعادت هيام الي شركتها وطلبت من أصدقائها ان يأتوا للتدريب ويبقوا معا في الاجازه لم يترددوا في الوقوف بجانبها لانهم متاكدين انها محتاجه لهم وكان هذا اول يوم لهم وذهبوا ثلاثتهم للشركة وذهبوا للسكرتيره وعرفوا بأنفسهم ورحبت بهم نجوي
نجوي بابتسامه : اتفضلوا استاذه هيام في انتظاركوا
دخلوا سريعا بابتسامه وفرحة استقبلتهم هيام بترحاب شديد
هيام بفرحه : وانا اقول الشركة منوره لي بس
سهام كانت اول من احتضنتها : وحشتيني اوي ياهيام عامله اي ياحبيبي
ابتسمت هيام علي حب صديقتها فدائما ماتكون لهم الأم والصديق الحنونه : انا بخير ياقلبي الحمد لله اطمني
وسلموا عليها وجلسوا وتحدثوا قليلا ومن ثم كانت ستتوجه بهم هيام الي مكاتبهم ليبدأوا في التدريب لكن قاطع حديثهم دلوف عادل
عادل وهو يفتح الباب بهجوم : هيام انا كنت عايز ال....
صمت سريعا حينما رأي معها اشخاص لم يتعرف عليهم وتدارك نفسه سريعا وحمحم بحرج : احممم انا آسف مكنتش اعرف ان معاكي حد
علا بعصبيه : يعني هي لو لحدها عادي
عادل باستغراب : لا طبعا بس ...
قاطعته علا بنرفزه : بقولك اي بلا بس بلا مبسش اجري من هنا دانت مستفز في حد يدخل كدا
عادل بنرفزه هو الاخر: انتي بتكلميني كدا لي يابت انتي اذا كان هي صاحبة المكتب ومتكلمتش
علا بعصبيه : انا اكلمك زي مانا عايزه وهي غلبانه مش عارفه ترد لكن انا لا
عادل : هو حد داسلك علي طرف يا اوزعه انتي
علا باستفهام لتنظر لصديقاتها : اوزعه !! .. انا اوزعه !!!
لتجد اصدقائها يشيرون لها بالنفي وتنظر لعادل مجددا حينما بادر بالحديث
عادل برخامه : اه علفكرا اوزعه وهما بيجاملوكي
علا بنرفزه : مش ذنبي انك طويل التيله
عادل بغباء : طويل تيلة اي يابت انتي هو انا كيس قطن
قاطعتهم هيام وهي ترزع علي المكتب بيدها لتفض هذا الاشتباك العقيم : باااااااااس
لينظروا لها الاثنان ويقولون في نفس واحد : هو اللي غلطان / هي اللي غلطانه
هيام بصداع : يا ربى عليكو معلش انتو الاتنين امسحوها فيا شوف انت كنت عايز اي ياعادل وانتي اترزي ياعلا مش من اول يوم مشكله يخربيتك هتودي الشركه في داهيه
عادل وهو يشاور عليها : دي هتشتغل هنا
علا بسخريه منه : دي هتشتغل هنا اه هشتغل هنا ومشتغلش ليه يعني
عادل بلا مبالاه : كدا يبقي الشركة ضاعت بعون الله
علا كانت ستتحدث لكن وضعت اماني يدها علي فم علا وقالت : يابت اتهدي بقي
هيام وهي تمسك رأسها : منكو لله كنت عايز اي ياعادل
عادل : خدي دا الملف اللي ساجد قالي اجبهولك تراجعيه اهو
هيام : ماشي شكرا ياعادل
عادل باستفزاز وهو ينظر لعلا بطرف عينه: لا شكر علي واجب بس نصيحه اختاري الناس اللي هتشتغل معاكي عشان الشركه متخربش
كانت ستتحدث علا لكن قاطعتها اماني مره اخري بوضع يدها علي فمها وخرج عادل من المكتب وهو يضحك علي هذه الشرسة
اما بالداخل كانت البنات يكتمون ضحكتهم عليها
علا : ماتكتموهاش ياختي انتي وهي لا تفطسو
كان هذا سماح بالاذن لهم ليقهقهوا بشده علي صديقتهم التي دائما تخاف من ان يحدث خدش لصديقاتها ولا تحب ان يزعجهن أحد
علا بتذمر : علفكرا بقي هو الي رخم
هيام بضحك : ههههههه ايوا فعلا هو اللي اول ما شافك وهب في وشك زي بابور الجاز
أماني بضحك هي الاخري : ههههه دا انتي مدتلوش فرصه يتكلم يابنتي
علا بعصبيه علي اماني: وانتي بتكتمي بوقي ليه ها كنتي سيبيني
سهام بضحك خافت : طب خلاص بقي ياهبله انتي وهي (ومن ثم وجهت حديثها لهيام ) يلا ياهيموا عرفينا المكان الي هنكون فيه )
ضغطت هيام علي جرس السكرتيره ودخلت نجوي سريعا
نجوي بهدوء: اتفضلي يافندم
هيام بابتسامه : دول صحابي اللي قولتلك عليهم يانجوي سهام وعلا واماني هتوديهم المكتب اللي قولتلك عليه وهتدربيهم بنفسك وانا هشرف علي تدريبهم معاكي
نجوي بابتسامه : تمام يافندم اتفضلوا معايا
ذهبوا البنات مع نجوي بعد توديع صديقتهم هيام
وكانت هيام بعد رحيلهم تشرد في ذكرياتها مع ابيها وكانت ستبكي لولا دخول ساجد المكتب
ساجد : هياام يلا عشا...
قاطع حديثه عندما وجد نظرتها الباكيه ووجد الدموع عالقه في عينها
ساجد بلهفه : في اي ياهيام بتعيطي لي في حاجه حصلت
هيام بابتسامه وهي تمسح اثر دموعها : لا مفيش افتكرت بابا بس
ساجد بابتسامه هادئه : متقلقيش هيفوق باذن الله وهيقوم بالسلامه ويفرح بيكي كمان ويسلمك لعريسك ( وغمز في نهاية حديثه )
شعرت هيام بالاحراج ومن ثم لملمت شتاتها : احمم ان شاء الله انت كنت عايز حاجه
ساجد احترم خجلها وابتسم : اه عندنا اجتماع مع صاحب المنتجع السياحي دا
امائت له هيام وذهبوا لقاعة الاجتماعات سويا وما ان دخلوا حتي وقع نظر هيام علي آخر شخص تود رؤيته .....!!
وللحكاية بقيه .....
بقلمي: بسمله علاء ♡
أنت تقرأ
صدفة لم تكتمل " بسملة علاء "
Humorدائماً نتمسك بالرواية عندما يجذبنا اسمها فقط جرب أن لا تحكم علي الشيء من مظهره واقرأ جوهره لعل النهاية تعجبك ❤
