" وقد يأتي أحدهم خفيفاً يطفو بجانبك بعد كل هذا الغرق ، كجذع شجره يصلح للنجاه "
***************
الفصل السادس والعشرين
وصلت السيارات ودخلو الرجال ومعهم ساجد وادخلوه الغرفه التي بها هيام واجلسوه بجانبها وربطو يده وقدمه كما فعلوا مع هيام
هيام بلهفه : ساجد
ساجد بلهفه هو الآخر: هيام انتي كويسه
هيام : اه الحمد لله
ساجد " حد جه جمبك"
هيام وهي تشير براسها بالنفي وتبتسم
ساجد بابتسامه " انتي فرحانه كدا لي "
هيام بضحك" اول مره اتخطف"
ساجد بضحك عليها "ودي حاجه حلوه يعني"
هيام بنفي ثم سخريه " لا بس انت المفروض تيجي تنقذني بس اتلقحت جمبي اهو بوظت السيناريو"
ساجد باستغراب "سيناريو اي"
هيام بجديه وكأنها في رحلة إلى رواية خيالية " انك تيجي تضرب كل اللي برا وتقولهم دي بتاعتي انا وعينك تكون سوداء كالجحيم وتقولهم سحقا لكم جميعا وتنقذني وبعدين واحد منهم يجي يضربك بالنار اقف قدامك واقوله لااااااا اضربني انا ساجد لا والطلقه تيجي فيا انا وانت تقولي مش هعيش من بعدك ..
ليقاطعها ساجد بسخريه " لي يعني الملكه هيام حوتب هعيش عادي"
هيام بضجر : اي الفصلان دا دا انت فصيل
ساجد بغمزه : بس سيبك انتي الاسدال هياكل منك حته
هيام بابتسامه : بجد
ساجد بضحك : اه ابقي فكريني اجبلك منه لما نتجوز
هيام قبل ان تفهم مايقول : حاضر ... اي ؟! .. انت قولت اي
ساجد بضحك عليها : لما نتجوز
هيام بعصبيه : وجاي تقولي هنا يابن ال...
ساجد بنرفزه : انتي يابت لسانك دا هقطعهولك
هيام بنرفزه : نعاااام ياعوومر وربنا انت لو كنت قدامي كنت شوهت وشك جاي تقولي واحنا مخطوفين ياض مانا كنت متلقحه قدامك عبو شكلك
ساجد : مانتي اللي بومه كل ما اجي عشان اقولك تحصل بلوه
هيام بصوت عالي : انا بومه ياذكر العنكبوت
ليقاطع شجارهم دخول رامي وحاتم وعزيزه وشاهي عليهم
رامي : الاه في اي بس مالكو
هيام : وانت مال امك
رامي : تؤتؤ كدا ازعل ياهيمو
ساجد بعصبيه : اسمها ميتقالش علي لسانك يلا
رامي بسخريه : طب والله الاتنين لايقين علي بعض ياجماعه
لتتحدث عزيزه بغل : ماهي هيام دايما كدا تقع واقفه
ليتجاهل ساجد حديثهم وينظر لحاتم : اي دا حاتم بنفسه هنا ياهيام
هيام وهي تجاريه : شوفت ياساجد الزمن دا غريب ياخي
حاتم : هنضحك كلنا دلوقت متقلقوش
رامي : احنا هنروح مشوار صغير كدا وجايين (ووجه حديثه لشاهي ) خليكي انتي معاهم ياشاهي لحد مانرجع
شاهي : حاضر
ليخرجو جميعا ويتركو شاهي لتنظر من النافذه لتجدهم رحلو ثلاثتهم لتنظر لساجد وهيام وتخرج لتاتي بحقيبتها وتخرج الرجل الذي كان يقف علي الباب للخارج وتطمئن ان لا احد يسمعها لتدخل لهم مره اخري تحت ذهول ساجد وهيام من افعالها تلك
شاهي : متقلقوش البوليس زمانو جاي ..!
**********
عند دنيا خرجها الدكتور خارج الغرفه وكانت تقف وحنان والدة ساجد تحتضنها وهي تبكي لتجد الدكتور يخرج من الغرفه وعلي ثغره ابتسامه لتهرول ناحيته بلهفه
دنيا بلهفه : طمني يابني والنبي هو كويس صح
الدكتور بابتسامه عمليه : متقلقيش هو القلب وقف بس رجع اشتغل تاني وفاق من الغيبوبه
لتبتسم دنيا بدموع : بجد
الدكتور بعمليه : هو هيفوق كمان شويه حمد الله علي السلامه
لتحتضن دنيا حنان ببكاء: لو سال علي هيام هقوله اي ياحنان اقوله اني معرفتش احافظ علي بنته
حنان بقلق هي الاخري علي ساجد : متقلقيش باذن الله الولاد هيرجعوا بخير ادخلي دلوقتي اطمني علي ابو هيام وانا هستناكي هنا
لتفعل دنيا مثلما قالت وتجلس حنان بقلب ام قلق وتدعي بان يرجعهم الله سالمين
___________
عند حاتم ورامي وعزيزه في السياره
حاتم : احنا رايحين فين يارامي
رامي بابتسامه : انت هتفضل غبي علطول كدا ياحاتم
حاتم بنفاذ صبر : بقولك اي يارامي انا علي اخري
عزيزه بتهكم : سيبو يارامي ماهو مش في دماغه دلوقت غير ست هيام
حاتم : انتو هتقولو انتو رايحين فين ولا هتفضلو تزقلوني لبعض
رامي : رايحين للسعد كله ....... ليذود سرعة السياره بدون كلام آخر
عند هيام وساجد كانو ينصدمون مما سمعو من شاهي
هيام بغباء: ليه هتسلمي نفسك
ساجد : اي السؤال الغبي دا اكيد بلغت عنهم
هيام بنرفزه : بقولك اي ياساجد انا مش طيقاك اساسا
ساجد بسخريه : لا حوشي يابت انا اللي دايب في دباديبك
هيام بغرور: ايوا طبعا دايب في دبادشيبي مال هتتجوزني ازاي
ساجد بتهكم : للاسف القلب وما يريد بقي
شاهي بزهق : يوووه بس بقي انت وهي
هيام بسخريه : ماتقومي تفكينا ياشاهي اصل الواحد جسمه اتعوج من ام الربطه دي
لتقوم شاهي من مجلسها وتحررهم من الحبال لتمسكها هيام من شعرها
هيام بعصبيه : بقي انا يابنت الجزمه انقذك وكنت هموت بسببك وانتي تبقي سبب اني آجي هنا عليا الطماطم بالتلاته ماهسيبك كانت تضرب شاهي بكثره وساجد يحاول ان يبعدها بشتي الطرق وشاهي تحتها تصرخ بان ينجدها احد حتي استمعو لصوت طلقات نار في الخارج
هيام بتوتر : بت ياشاهي انتي بلغتي عني دا انا كنت بهزر معاكي ....!!
وللحكاية بقيه !!!
بقلمي : بسمله علاء ♡
أنت تقرأ
صدفة لم تكتمل " بسملة علاء "
Humorدائماً نتمسك بالرواية عندما يجذبنا اسمها فقط جرب أن لا تحكم علي الشيء من مظهره واقرأ جوهره لعل النهاية تعجبك ❤
