صدفة لم تكتمل
" الفصل الخامس"
" لا تيأس فلك رب يدبر لك كل شيئ "
********************
كان الجميع يقف بتوتر امام المكتب الذي دخل به ساجد ثم اندهشو جميعا حينما سمعو اصوات ضحك بالداخل
احمد باستفهام : هما بقو بيزغزغو المجرمين ولا اي
هيام ببلاهه : لا اكيد الظابط معاه في الخطه انهم يسلمو المخدرات مع بعض
نظر لها والدها رؤوف : مخدرات؟! مخدرات اي ياهيام
هيام : ايوا يابابا مش هما نادو عليه وهما بيفتشو يبقي اكيد لقو مخدرات في الشحنه وهيتقبض عليه بس الظابط هيطلع صاحبو ويعديلو الشحنه كلها بقي وينصب عليك و...
قطع كلامها ساجد : ومطفتش السجاير في قفا عادل ؟!
نظرت له هيام بابتسامه سمجه : حمدالله علي السلامه كفاره ياجدع
أحمد : كفاره اي هو كان محبوس
هيام : ياراااجل يعني هو متحبسش
ساجد بتذمر : لا ياختي متحبستش دا المقدم محمد
محمد بابتسامه : آسف ياجماعه لو خضتكو بس لقيت اسم ساجد قولت والله لازم اسلم عليه كان واحشني جدا
أحمد : طب وانا مليش نصيب ولا اي
محمد وهو يفتح ذراعه له : لا اذاي حماده كابتشينو طبعا وانت تتنسي
ذهب له احمد وهو يضحك واحتضنو بعضهم بحب : قلبك اسود ياجدع لسه منستش الكابتشينو
محمد بضحك هو الاخر: لا ياعم هو دا يتنسي
ساجد : اعرفك يامحمد دا رؤوف بيه اللي انا قولتلك عليه
محمد وهو يمد يده ليسلم عليه : طبعا غني عن التعريف ياباشا
رؤوف بابتسامة صافيه : تسلم ياسيادة المقدم نقدر نكمل الاجراءات ولا اي
محمد : اه طبعا انا بلغتهم يخلصو كل حاجه واحنا عندنا كام ساجد يعني
وانتهي الوقت وتم تصدير الاجهزه الي الخارج وعادل ذهب ليسلمها بنفسه ورجعو جميعا علي شركة رؤوف
رؤوف : مبروك ياساجد
ساجد بفرحة : الله يبارك في حضرتك كله بفضل ربنا ثم حضرتك
رؤوف : جهز نفسك عشان التسليم الجاي قريب برضو بس انا مش هكون معاكو هيام اظن عرفتي احنا بنعمل اي واي الاجراءات اللي بتم
هيام : ايوه يابابا عرفت كل حاجه
سامح : طب تمام الحق انا ابعت الايميل بتاع الشركة الفرنسيه واروح حضرتك هتحتاج حاجه مني
رؤوف : لا ياسامح انا تعبتك النهارده
سامح بابتسامه : مفيش تعب ولا حاجه يافندم دا واجبي
خرج سامح ووجد نجوي تسقط رأسها علي المكتب بتعب
سامح وهو يضحك عليها : بت يانجوي نجواااااااااااا
نجوي بفزع : اييي اييي الشركة ولعت ولا اي
سامح وهو يمسك بطنه من كتر الضحك : مش قادر هموووووووووت من الضحك
نجوي بتذمر وهي تمسح وجهها : اخس عليك ياسامح
سامح وهو يحاول كتم ضحكته : اسف والله ياحبيبتي يلا عشان اروحك
نجوي بابتسامه : يلا
وتوجهو للخارج ( شكيتو فيهم ولا اي احسنو الظن عييب دول كاتبين كتابهم )
*********************
عند ساجد ذهب لمحل تحت منزلهم واشتري اشياء كثيره لوالدته ودخل منزله وهو في سعاده بالغه
ساجد : ياماما ياحناااان ياحنوووون
حنان وهي تخرج من المطبخ ومعها ملعقه : اي يابن المجنونه
ساجد وهو يمسك يدها ويلف معها : الشحنه اتسلمت ياماما وعملت اول خطوه في بداية طريقي يسس
حنان بابتسامه وفرحة وهي تحضنه : مبارك ياحبيب ماما ربنا يوفقك كمان وكمان
ساجد : واعيش واجوزك ياحنون
حنان وهي تنفض يدها : غور ياض من هنا خليني اخلص الاكل
ضحك ساجد بشده علي والدته فهو دائما يحب ان يشاكسها هكذا ولكن هو يحبها بشده
***************
وانقضي اليوم عليهم جميعا في سعادة بالغة وانتهي القلق والتوتر وسيبدأ كل منهم حياته الجديده المليئه بالمغامرات والتجارب وظهور اعداء لهم وانتهاء صداقات وخلق صداقات جديده هذه هي الحياة ..!
للحكايه بقيه ...؟!
بقلمي : بسمله علاء
دمتم سالمين ❤
أنت تقرأ
صدفة لم تكتمل " بسملة علاء "
Humorدائماً نتمسك بالرواية عندما يجذبنا اسمها فقط جرب أن لا تحكم علي الشيء من مظهره واقرأ جوهره لعل النهاية تعجبك ❤
