صدفة لم تكتمل " بسملة علاء "

الفصل الثالث

صدفه لم تكتمل
              
" احسن ظنك في ربك ستنال ماظننت"
***************

-دقت الساعه الرابعه وتوجه الجميع الي وجهتهم منهم من يذهب الي منزله بعد يوم دراسي ومنهم من سيتوجه الي اول خطوه ستغير حياته

**************
عند ساجد كان يلملم اشيائه لكي يذهب سريعا : ياعادل
عادل : اي ياساجد
ساجد: يلا يابني هنتاخر
عادل: انا جهزت كل حاجه بس استاذ احمد مجاش نموسيته كحلي
ساجد وهو يتجه اليه: بطل ظلم بقي ياجدع دا مستنينا هناك قدام الشركه من بدري
عادل: لا ظلمته المرادي يلا ياعم
واغلقو الباب وتوجهو الي شركة الرؤوف

************
عند هيام انهت محاضراتها وودعت اصدقائها واستقلت تاكسي واستأذنت والدتها وذهبت حيث شركة والدها وصعدت
ذهبت ناحية نجوي : مساء الفل يانوجه
نجوي بابتسامه : مساء العسل ياقلبي
هيام : بابا جوا
نجوي : ايوا بس عنده اجتماع دلوقتي
هيام : ايوا بموت انا في الاجتماعات دي هدخله واجيلك
دخلت حيث والدها واقترح عليها بأن تحضر معه هذا الاجتماع في كلا الاحيان هي ستمسك الشركه بعده فليبدأ في تأهيلها ..!

******************
عند الشركه وصل ساجد وعادل ليجدو احمد يستند علي سيارته بملل
ساجد وهو يفتح ذراعه : ابو حميد حبيبي واحشني
أحمد وهو يمسك رقبته : وحش يلهفك يامعفن استناك ساعه في الشارع لي كنت اشريتني
ساجد وهو يمسك يديه ويضحك : اهدا بس ياعم انا جيت اهو
عادل : معلش يا كابتن احمد عطلناك
احمد : انت مالك يلا ياسئيل انت
عادل : شوفت ياساجد هو اللي بدا اهو
ساجد وهو يلغي هذي المناقشه العقيمه : يلا بس نطلع للراجل عشان عيب نتاخر من اول يوم كدا

-دخلوا جميعهم وادخلتهم نجوي مكان الاجتماع ودخل بعدها رؤوف وهيام وسامح
رؤوف : السلام عليكم ورحمة الله وبركاته
ردو جميعا السلام وتحدث رؤوف بمرح
رؤوف: اتاخرتو ١٠ دقايق يا مهندسين ودي حاجه مش كويسه انا بحب الانتظام في المواعيد
ساجد بهدوء: اسفين جدا واوعدك اني دي حاجه مش هتتكرر تاني
رؤوف : اتمني طبعا
ساجد : طيب انا هبدأ الكلام علطول انا اسمي ساجد كمال عندي ٢٧ سنه ودول صحابي احمد وعادل كنا حابين نبدأ ونعتمد علي نفسنا فأسسنا شركة استيراد صغيره زي ماحضرتك عارف وحابب اني بعد اذنك طبعا اتعامل مع حضرتك
رؤوف : انا حبيت جدا روح الشغف اللي جواك للشغل وانا معنديش مانع اني أساعدكم ونبدا نشتغل مع بعض بس زي مانت عارف الشركه دي مش صغيره واسمها معروف عشان اطمن عايز اعرف الاجهزه اللي هتستلمها مني هتصدرها ازاي
احمد وهو يتحدث بدلا من ساجد : بعد اذنك ياساجد حضرتك احنا عرفنا نظام الشغل بالظبط واتعاقدنا مع مصنع في دبي وهو هيشتري مننا الطلبيات اللي هنبعتها وفعلا مضينا العقود الاسبوع اللي فات ومستنين مننا فايل عشان نبلغهم المعاد اللي هنسلمهم فيه اول شحنه
رؤوف بابتسامه: هايل جدا تمام انا موافق وهمضي معاكو العقود دلوقت واول شحنه اجهزه هتستلموها بكرا
ساجد بفرحه : يعني دا شرف ليا طبعا يافندم وباذن الله كل حاجه تمشي مظبوط
رؤوف : انا شايف في عنيك نجاح ياساجد وانا مش صغير انا عندي خبره كافيه عشان اعرف اللي قدامي كويس
ساجد : طبعا يافندم بس بالنسبه للفلوس يع..
قاطعه رؤوف : معندكش سيوله طبعا دلوقت اول ما الشحنه تتباع تقدر تدفع وتعاملك هيكون مع سامح وهيام
نظرت هيام لوالدها بمفاجأه ولكن لم تتحدث
سامح : اتفضل العقود يارؤوف بيه
اتفقو جميعهم علي كافة كل شيئ وانفض الاجتماع وذهب كل واحد الي محله
ودخل رؤوف مكتبه مع سامح وورائهم هيام
هيام : اي دا يابابا
رؤوف : اي ياحبيبة بابا
هيام : بابا متهزرش انت عارف كويس اني معرفش حاجه في الشغل الاجهزه لسه
رؤوف : ومالو ياحبيبتي تتعلمي وسامح معاكي اهو مش هتبقي لوحدك ولا اي ياسامح
سامح : الي تشوفه طبعا يارؤوف بيه (ثم نظر الي هيام ) رؤوف بيه عنده حق ياهيام انتي اساسا مكانك هنا ومتقلقيش هعرفك كل حاجه
هيام بقلق : بس ..
قاطعها والدها : مبسش ولا حاجه انا معاكي ياحبيبتي وهتكوني احسن واحده في الدنيا
نظرت له هيام بابتسامه متوتره : ان شاء الله

توجهت هيام الي منزلها وتحدثت مع والدتها في الموضوع
دنيا بإقناع: ومالو ياحبيبتي بابا عندو حق دي فلوسك وتعب باباكي انتي اللي هتمسكيهم وبابا تعب عايز يرتاح شويه
هيام : ايوا ياماما بس انا لسه في تانيه كليه معرفش حاجه في الموضوع دا خايفه
دنيا : يعني هو ابوكي سابك ومشي يابت ماهو معاكي وهو اللي هيعلمك كل حاجه متقلقيش كدا انتي شاطره وبتحبي الشغل هتتعلمي بسرعه
هيام بضحك لعلها تخفف من توترها : الاه ماما بتشكر فيا ياااه علي الدنيا وعلي الزمن وعلي الايام
دنيا وهي تضربها بخفه: اتصدقي انا غلطانه قومي يابت من هنا
هيام وهي تقبل رأسها بضحكه : حبيبتي ياست الكل انا هدخل اكلم صحابي وانام
دنيا بابتسامه لطيفه : وانتي من اهل الخير ياحبيبتي
دخلت هيام لتتحدث مع صديقاتها واخبرتهم ماحدث معها وكلهم خففو من توترها وشجعوها وقالو لها بأنها تقدر ان تفعل ذلك واغلقو معها متمنين لها النجاح الدائم اما هي كانت تحمد الله علي صداقتهم جميعا وصلت استخارة ونامت في ارتياح وهدوء عازمه علي ان تبدا اول خطوه في نجاح مستقبلها مع والدها
*************************
عند ساجد واصدقائه دخلو مقر شركتهم الصغيره وبدأوا في انجاز كل شيئ حيث غدا سيتم بدأ العمل وتسليم الاجهزه
عادل وهو يفرك رقبته بتعب: ياااه الواحد تعب اوي النهارده
ساجد : اه والله ياعادل بس كله يهون مادام هنبدأ نتعب دلوقت ونرتاح بعدين
أحمد : نرتاح اه الراحه في الجنه يابا
عادل: وانت هتدخلها يعني
احمد : اه ياخويا ان شاء الله هدخلها هو انا كل يوم مع بنت زيك
عادل : انا مبغصبش حد علي حاجه يابا بمزاجهم
احمد : حجه بتبرر بيها افعالك الزباله دي
عادل: سبنالك المشيخه يا عم احمد
ساجد : مش مشيخه ولا حاجه ياعادل هو قصدو ينصحك كدا حرام وغلط اعتبر البنات دي اخواتك
عادل: ياعم انت وهو فككو مني انا خلصت اللي ورايا اهو هروح انام بقي واجيلكو بكرا الصبح سلام  وتوجه الي منزله
احمد : شوفت سئيل ازاي
ساجد بسخريه : وهو وش ذلك
أحمد بتاكيد : دا ذلك وش
ساجد بضحك :  ياعم ربنا يهديه يلا احنا كمان مش خلصت
احمد وهو يقف : اه خلصت
ساجد : يلا نروح اصل حنان علي اخرها مننا
احمد بضحك :  حنون دي حبيبتي
ساجد وهو يتحرك ناحية الانوار ليطفئها : والله يابني مابقت طايقاني ولا طايقاك
احمد : هصالحها بكرا ياعم مقدرش علي زعلها
ثم اطفئو جميع الانوار وذهبو الي منزلهم

ونام الجميع مع انتهاء اليوم آملين علي تجديد خطواتهم وبداية حياة عمل ونجاح فقط هل سيسر معهم القدر أم له رأي آخر ....؟!
للحكايه بقيه ..
                               بقلمي : بسمله علاء ♡
دمتم سالمين ❤