صدفة لم تكتمل " بسملة علاء "

الفصل السابع

صدفة لم تكتمل

" نتعرف فجأه علي اشخاص نود لو انهم كانو معنا من بداية الطريق "

****************
           "الفصل السابع "

كانت ستلتفت هيام وتعنف هذا الشخص ونظرت له بوجه احمر من شدة الغضب لكن سرعان ماختفي حينما وجدتها فتاة
الفتاة بقلق : انتي كويسه
هيام وهي تهندم ملابسها: اه ياقمر شكرا جدا
الفتاه : اصل حسيتك هتضربيني كدا
هيام بضحكه :  فعلا والله كنت بحسبك ولد
الفتاه بابتسامه هي الاخري : يانهار عشان كدا
هيام بابتسامه : انا متشكره جدا
الفتاه وهي تمد يدها لتسلم : اسمي دعاء
هيام وهي تمد يدها هي الاخري بابتسامه : وانا هيام
دعاء : انتي في تجارة
هيام وهي تهز رأسها ايجابا : اه للاسف
ضحكت دعاء بشدة : وليه للاسف
هيام بمرح : اي الضحكه القمر دي
دعاء بخجل : عيونك هي القمر
هيام بابتسامه : تسلمي بس مادام قولتي كدا يبقي انتي مش في تجاره صح
دعاء بايجاب: فعلا انا في آداب كنت جايه هنا لصاحبتي بس ملقتهاش
هيام : والله فرصه قمر جدا ومبسوطه اني اتعرفت عليكي
دعاء : وانا كمان مبسوطه جدا
هيام بمرح : طب بما اننا مبسوطين ماتيجي (انهت كلامها بغمزه )
دعاء بارتباك : اجي فين
هيام : اي دا انتي فهمتي اي قصدي ماتجيبي الرقم
دعاء بضحك : ياشيخه خضتيني
هيام بضحك هي الاخري: لي سوء الظن يعني لي الانسان يعمل كدا في اخوه الانسان
دعاء وهي تكتم فمها: خلاااااص خدي الرقم اهو ياختااي دا كلو عشان الرقم
هيام بضحكه : اه طبعا مش شكيتي فيا
دعاء : اومااال .. طب انا اتاخرت جدا ولازم امشي هكلمك
هيام وهي ترحل هي الاخري: هستنا مكالمتك
وخرجو من بوابة الجامعه ليذهبو كلا منهم لوجهته
*****************
دخلت هيام الشركة بسعاده فوجدت سامح ونجوي يمشون في طرقة الشركة
هيام بمزاح : هلا بعصافير الحب
نجوي بترحيب : عامله اي ياحبيبتي
هيام : بخير ياقلبي الحمد لله
سامح : اهلا بالرخمه قاطعة اللحظات المهمه
هيام برخامه  : اذا كان عاجبك ولو ذودت كلمة كمان هاجي معاكو
سامح : تيجي معانا فين ياماما
هيام بتكبر: المكان اللي انتو رايحينو
سامح : يلا يابت هش من هنا اجري
نجوي بضحك عليهم : والله عيال صغيره .
سامح وهو يشتكي من هيام اكنه طفل صغير : مش شوفتي هي اللي بدات ازاي
نجوي وهي تضع يدها علي شعره بحنان : معلش ياحبيبي هي صغيره بس يابت ياهيام متزعلهوش
سامح : انتي كدا بتاخديني علي قد عقلي يعني
هيام وهي تضحك عليهم بشده : لا لا ياجماعه متحسسونيش اننا السبب
سامح بحده مصطنعه: بت انتي مش معزومه علي الفرح متجيش
هيام بفرحه من اجلهم : اي داااا انتو حدتو الفرح اخيرا
نجوي بابتسامه : ايوا اخر الشهر دا ان شاء الله
هيام وهي تحتضنها بفرحه : مبارك ياقلبي ربنا يتمم لكو علي خير يارب
سامح بابتسامه علي هذه اللطافه منها : عقبالك ياهيام
هيام : يارب طب انتو رايحين فين كدا
سامح : كنا رايحين نحجز القاعه بس انتي عطلطينا الحقيقه
هيام : اعيش واعطلكو بس خلاص انتو ضيعتو وقتي اصلا انا طالعه لحب عمري رؤوف حبيبي (ثم فتحت ذراعها بدراميه ) جيالك ياحبيبي
ضحكو عليها بشده وبحب ايضا فهي بنت المدير وبنت اغني رجل اعمال لكن ليست مغروره ومتواضعه جدا والجميع يحبها
صعدت لابيها وجلست معه واخذت تعطله عن الذهاب للمنزل
رؤوف : يابت انتي مش عايزه تروحيني لي
هيام : اي يارؤوف عايزه اقعد معاك الاه
رؤوف : طب مانقعد مع بعض في البيت اي المشكله
هيام : وليه مانقعدش هنا
رؤوف وهو ينهض بعصبيه : بت انا مروح عايزه تقعدي هنا اقعدي لوحدك
هيام : استني بس هفهمك.... قاطعها وصول رساله علي هاتفها ... طب يلا انا بقول اروح انا كمان
استغرب رؤوف ابنته هذه المجنونه لكن لم يهتم واخذها ورحلو......
***********
عند ساجد وصل بيته وجلس مع امه وحكي لها تفاصيل يومه بكل سعاده
حنان وهي تضع اصابع يدها في شعره وتدلكه برفق : ربنا ينورلك طريقك ياحبيبي
ساجد : ايوا ادعيلي دايما ياست الكل كدا
حنان : دعيالك ياقلب امك متنساش معاد يوم الجمعه ياساجد دا كمان هيكون شبكة بنت عمك
ساجد بابتسامه : مستحيل انسي ياماما هو الفتره اللي فاتت عشان خاطر الشركة بس لكن هنروح عادي
حنان بابتسامه محبه لابنها الطموح : ربنا يسعدك ياحبيبي انا هروح اجهز العشا بقي وناكل سوا لحد ماتغير هدومك
ساجد : ماشي بس بسرعه ياماما عشان انا هموت وانام
حنان : بعد الشر عليك حاضر ياحبيبي
خرج ساجد بعد ما بدل ثيابه واكل هو وامه وذهب كلا منهم للنوم ...
************
عند رؤوف وهيام ذهبو للمنزل ولم يخلو الطريق من مشاكسات هيام له حتي وصلو امام المنزل وهو عباره عن بيت كبير يتكون من طابقين كبار وباحدث طراز ويخطف الانظار دخلو من البوابه الكبيره حيث فتح حارس المنزل لهم وصعدو ناحية الباب لكن تيبست اقدامه حينما وجدو باب المنزل مفتوح والمنزل مقلوب رأسا علي عقب 
رؤوف بصراخ : هيااااااااام

.............،
وللحكاية بقيه ...!
                    بقلمي : بسمله علاء ♡
دمتم سالمين ❤