مسلسل حته منى.
٢٦ : الحلقـه السادسـة والعشـرون .
#الكـاتبه_الصغيره_آيـه_يحيى_الأميـر .
فى بيت صفوان زيدان.
ندى نازله تجرى على السلم وبتدندن.
الدنيـا ريشه فى هوا. طايره من غير جناجين.
وإحنا إنهارده سوا. وبكره هنكون فيـن فى الدنيا فى الدنيا.
الدنيـا ريشه فى هوا. طايره من غير جناجين.
وإحنا إنهارده سوا. وبكره هنكون فيـن فى الدنيا فى الدنيا.
ماجد يقابلها ع السلم : رايحه على فين كدا يا قطه ومزاجك حلو.
ندى بإبتسامه : إزيك يا ماجد طب مش ترمى السلام طيب الأول.
ماجد بإبتسامه ودلع : سلام عليكم إزيك يا بنت عمى رايحه على فيـن كدا؟
ندى تضحك على طريقته : رايحه درس الكيميا.
ماجد بإستغراب : وهو إنتِ لما تكونى رايحه درس الكيميا بيكون مزاجك حلو كدا!!!.
ندى ترد بعفويه : أوى بحبها أوى يا ماجد.
ماجد بفرحه يرد من غير ما يحس : وأنا كمان.
ندى: بس إنت كنت أدبى.
ماجد بسماجه : كنت بذاكر لبنات زمايلى الكيميا وحبتها أوى تحبى أذاكرلك.
ندى ترد بتكشيره : تؤ وتهتف بفرحه ريم وحشتينى.
ريـم بإرهاق : ندوشـه حبيبتى إنتِ أكتر إزيك يا ماجد.
ماجد بإبتسامه : إزيك يا ريم وحشانى.
ريـم بجديه : الحمدلله بخير. وتبص لـ ندى رايحه درس دلوقتى؟
ندى : ايوه يلا باى.
وتتنزل تجرى.
وريـم تطلع تجرى على فوق.
وماجد واقف يبصلهم بغيظ.
منتصـر يخرج من شقته : مساء الخير.
ماجد بإبتسامه : إزيك يا عمى عامل إيه؟
منتصـر : الحمد لله. وينزل.
ماجد يكلم نفسه بإستغراب : هو فى إيه بالظبط!!! هما مستقلين بيا كدا ليـه؟؟
ويظبط هيئته ويطلع.
فى شقة منتصـر.
خديجه : واوو واو يا جميله حلوه أوى يعيش ويجبلك يا حبيبتى.
جميله بفرحه : إيه رأيك يا ماما.
سهير بتنهيدة غيظ تمصمص شفاها : حلوه ياختى.
جميله تبصلها بنظرة عتاب : شكراً يا ماما.
خديجه بإبتسامه : خدى يا چوچو إلبسيها هو مش قالك متخلعيهاش.
جميله تاخد السلسه من إيد خديجه و تلبسها بفرحه : اه حلوه يا ديدا.
خديجه : قمر يا حبيبتى.
جميله بفرحه : عمر قالى هتاكل من رقبتك حته.
سهير بتكشيـره : ياختى لا حته ولا إتنين مكنش عارف يجبها ذهب إن شاالله تكون عيار ١٨.
خديجه : حلوه يا ماما ماله الذهب الصينى وبعدين دى عموله متوصى عليها بتكون غاليه.
مالك يدخل الأوضه.
جميله تقوم تدخل وراه و بعصبيه : قلت ميت مره بطل شقاوه إنت إيه اللى دخلك هنا.
خديجه تدخل وراها : متزعليش نفسك يا چوچو هى دى ماما ومش هتتغير. وتتابع بلهفه : المهم إحكيلى أنا مش عارفه أتلم عليكى من يومها قوليلى صلحك إزاى ولما إدالك السلسله دى قالك إيه؟ ها قولى.
جميله تبتسم وعيونها تلمع.
فضل يدلع فيا وقالى كلام حلو كتير أوى وقالى إنه إتخانق مع بهاء وإتقاطعوا.
والصبح بدرى حوالى الساعه ٦ تقريباً.
فلاش باكـ 🎬..
عمر بأرق : صباح الخير يا حبيبتى .
جميله بإبتسامه : صباح الخير يا قلبى.
عمر يجيب فونه من ع الكمود : يااه دا لسه بدرى إيه اللى مصحيكى بدرى كدا يا قلبى.
جميله : أنا منمتش أصلاً.
عمر يقعد ويطبطب عليها بحنيه : ليه كدا لسه زعلانه يا حبيبتى.
جميله : تؤ بس مش عارفه أنام من غير مالك.
عمر : حد قالك قبل كدا إنك ظالمه وقلبك قاسى.
جميله تشير على نفسها بإستغراب : أنا!! أنا ظالمه يا عمر وقلبى قاسى كمان.
عمر : ايوه إنتِ بقا مش قادره تنامى ليله واحده من غير سى مالك وقدرتى تنامى من غيرى ١٦ يوم.
جميله تضحك : هو إنت حاسبهم باليوم يا عمر وتحط إيدها اليمين على خده الشمال وتتابع بحب هو أنا يعنى بحب مالك ومتعلقه بيه ليه ما هو عشان إبنك روحه شكله كل حاجه فيه مشتركه بينى وبينك إنت هتغير منه يا عمر.
عمر يقبل إيدها بحب : غمضى عنيكى.
جميله تضحك بإستغراب : ليـه؟!!
عمر بدلع : غمضى بس يا چوچو.
جميله تغمض وبدلع : أهو أدينى غمضت.
عمر يجيب علبه صغيره من درج الكمود ويطلع منها سلسه ذهب صينى بإسم جميله ويلبسهالها.
ثم يقبل خدها اليمين بحب : فتحى عيونك يا قلبى.
جميله تفتح عنيها وتهتف بحب : واو يا عمر حلوه أوى يا حبيبى.
عمر يبصلها بحب : وحشتينى أوى يا جميله كانت فين جميله دى من زمان.
