مسلسل حته منى.
٣٢ : الحلقـه الثانيـة والـثـلاثـون .
#الكـاتبه_الصغيره_آيـه_يحيى_الأميـر .
مكتوبه ليك إنى أنا اللى تعيشلها.
مكتوبه على إسمك حياتى كلها.
أول ما قلت بحب كانت ليا أنا.
مين تستاهلها غيـرى أو تتقالها.
وندى وريـم وحنين ما زالوا قاعدين جنب بعض.
وماجد بيغلس عليهم كعادته.
مكتوبه ليك وأهى كل حاجه بوقتها.
تكمل حياتك بيا لما دخلتها.
أول ما شافك قلبى شافت عينى فيك.
صورة حبيبى اللى فى خيالى رسمتها.
وإبراهيم واقف أوصادهم متحركش من مكانه وكأنه صنم بيبص على ريم بلهفه و وجع.
وريم تخطف نظرات عتاب سريعه.
قول بقا يا حبيبى حبيبى.
لمين أنا لو مش ليك.
قول بقا يا حبيبى حبيبى.
هحب فى مين غير فيك.
طب ده أنا أيامى وأحلامى.
وحياتى واقفه عليك.
ريم تقوم وكلهم مندمجين مع الأغنيه تجرى على التويلت من غير ما حد يحس بيها مجرد ما تدخل وتقفل الباب تنهار فى العياط.
ونسمه وجوزها مندمجين مع الأغنيه فى جنب تانى بعيد.
وحبيب بيحاول يروق مزاج نورهان اللى مكشره ومزاجها وحش.
موعوده بيك تبقا إنت بختى وقسمتى.
موعوده بيك من قبل ما أتقابل معاك.
مشاعـرى حبى حياتى شوقى ولهفتى.
متصدقين منى لأنى مصدقاك.
إبراهيم بخوف حقيقى ولهفه يروح يقف جنب خالد اللى مندمج جداً هو وخطيبته مع الأغنيه.
ويهتف بضعف ويشد فى إيد خالد : يا خالد.
خالد بإستغـراب يلف يبصله : خير يا هيما مسمعتش بتقول إيه؟
إبراهيم : خلى زهـره تروح تشوف ريـم.
زهـره بإقتضاب : مالها ريـم؟!
إبراهيم يرد : أنا شايفها داخله الحمام وشكلها مرهقه بعد إذنك روحى شوفيها.
زهـره بلهفه : طبعاً. وتشد إيدها من إيد خالد وتجرى وتشد هنادى من ذراعها وهى ماشيه تعالى معايا عايزاكى.
هنادى بإقتضاب : مش سمعه بتقولى إيه؟!
زهـره تسحبها بعنف : تعالى بقولك.
قول بقا يا حبيبى حبيبى.
لمين أنا لو مش ليك.
قول بقا يا حبيبى حبيبى.
أمجد ينحنى جنب ودن حسناء : بحبك.
حسناء جنب ودنه بوشوشه ودلع : وأنا.. كـمااان.
هحب فى مين غير فيك.
طب ده أنا أيامى وأحلامى.
وحياتى واقفه عليك.
نور عينى حبيبى حبيبى.
لمين أنا لو مش ليك.
قول بقا يا حبيبى حبيبى.
هحب فى مين غير فيك.
طب ده أنا أيامى وأحلامى.
وحياتى واقفه عليك.
فى التويلت...
زهـره وهنادى يدخلو ويقابله واحده مع بنتين.
يبصوا لبعض بإستغـراب.
هنادى بإستفهام : هى فين ريم يا زهـره؟!
زهـره تلف بنظرها فى المكان : مش عارفه!!
