بعتذر ع التأخير يارب الحلقه تعجبكم وأكون خفيفه على قلوبكم.
مسلسل حته منى.
١١ : الحلـقه الحادية عشـر .
#الكـاتبه_الصغيـره_آيـه_يحيى_الأميـر.
زهـره تدخل ورا هنادى تتفجأ بـ خالد أودامها.
خالد بفرحه: إزيك يا زهـره.
زهـره بخجل: إزيك يا خالـد.
خالد بهيام: عقبالك.
زهـره بخجل وخدود طماطم: احم بعد إذنك.
خالد بلهفه: إستنى يا زهـره.
زهره تلف تبصله بحرج: ايوه.
خالد: مقلتليش رأيـك؟؟
زهـره ترجع خطوتين لورا وبعدين تلف وتمشى من غيـر رد.
هلال: مبروك يا حبيبتى.
هنادى بإبتسامه: الله يبارك فيك يا هلال.
هلال: طب مفيش حبيبى.
هنادى: لما أحبك أبقى أقولها.
هلال: يالهوى يعنى متعرفيش تقولى أى كلمه حلوه أنا عارف حظى أنا عارف.
هنادى بتكشيره: إيه مش عجباك.
هلال بغمزه : ومين دا إنتِ تعجبى الباشا.
إبراهيم: خالود مالك سرحان فى إيه؟
خالد بتنهيدة حب: هو فى غيـرها.
فى بيت صفوان زيدان.
تحديـداً شقة منتصـر...
فى الصالون
على: إيه رأيك فى البدله دى.
خديجه تاخد التليفون وتقلب: امممم مش عارفه إنت مش عايزه سوده.
على: لاء شوفى كدا ويقلب فى الصور ويتابع بهيام شكلك حلو أوى وإنتِ مركزه.
خديجه بتكشيره مصتنعه: على لو سمحت إبعد شويه إنت كدا قريب أوى.
على بغيظ : احم حاضر.
خديجه بجديه : حلوه دى وتحط التليفون ع الطرابيزه. احم هروح بس أشرب ميه وجايه.
وتروح المطبخ. وسهيـر تروح تقعد معاه.
خديجه فى المطبخ بتشرب ميه وسرحانه.
فلاش باكـ 🎬...
قبل أسبوع...
فى صالون بيت منتصر تتجمع العائله.
منتصـر، سهيـر، خالد، خديجه وعلى.
منتصـر: بس يإبنى حياة الغربه صعبه وإنك من بداية جوازك ومراتك تبقى معاك .
خالد: بس والله فكـره حلوه يا على أنا لما أتجوز مش هعمل فرح العمره أحسن بكتير.
على: أنا فى نيتى أبقا أخد أجازه شهر ونسافر نعمل عمره.
سهيـر: الصراحه يا على الكلام مش عاجبنى أنا بنتى لازم يتعملها فـرح وتلبس الفستان الأبيض اللى بتتمناه أى بنت وبعدين يعنى إيه تسافرلك إنت إبقى إنزل أجازه إتجوزوا وكل فتره إنزل أجازه مش عايزه بنتى تبعد وتتغرب.
على: الورق بياخد وقت يا أم خالد وبعدين أجازه شهر واحد هتبقا قليله أوى فأنا حابب نكتب الكتاب دلوقتى وأجهز الورق براحتى وأخدها تقعد معايا هناك العقد الجديد خمس والدكتور سراج وعدنى إنه يجهزلى الورق على إقامه لخديجه .
