مسلسل حته منى.
٢٩ : الحلقـه التاسعـة والعشـرون .
#الكـاتبه_الصغيره_آيـه_يحيى_الأميـر .
فى إستديـو للتصوير.
خالد يبص لـ زهـره بهيام : إيه الحلاوه دى.
زهـره بحمحمه : شكراً.
خالد بإستهزاء : شُكّراً نعم ياختى.
زهـره بإقتضاب : هو إيه اللى بيحصل ده؟!
خالد يفتح چاكت البدله بتناكه مصتنعه : مفيش إنت كمان زى القمـر يا حبيبى.
زهـره تحط إيدها على بوقها وتضحك.
حسين فجأه يدخل فى الحوار : إنتوا بتقولو إيه وبتضحكوا على إيه.
خالد بإستهزاء : مفيش يا سيدى بقولها حسين أخوكى حلو وشيك جداً.
يدخل ماجد فى الحوار بسماجه : شيك ولا كومبوياله هأهأهأ.
خالد يضحك بسخريه : هي هي ظريــف.
حسين : ها مقولتليش كنت بتقولها إيه.
خالد بعصبيه : أكيد يعنى مش هقولها أخوكى مز.
حسين بغمزه : بس أنا مز الصراحه ولا إنت إيه رأيك يا خالود .
خالد بتنهيدة غيظ : والله اللى هتفيدك نسمه روح بقا إسألها ويهتف بعصبيه : رامى شوف جوز أختك عايزك وشوفلنا أحمد راح فين خلينا نكمل تصوير ونمشى.
قهقه من الجميع ما عدا خالد.
وإبراهيم يبتسم بإصتناع.
ريـم تبص ناحيته بإستغراب ولهفه.
هنادى بوشوشه : إهدى شويه رامى هيلاحظ وإحنا مش ناقصين.
ريـم بخفوت : شكله متغير من إمبارح تقريباً فى حاجه مخليه موده وحش.
هنادى تبص ناحيته بإستغراب!!!
تتابع ريـم : عايزه أعرف ماله بس خايفه من رامى وماما مركزين معايا أوى.
هنادى بتنهيده : بصراحه يا ريـم و متزعليش منى إنتوا زوتوها حبيتين. تضحك وتتابع بإستهزاء : حبيتين إيه قولى حبيتين ثلاثه أربعه.
ريـم بتكشيـره : أعمل إيه يعنى فى نفسى يا هنا أنا لما بشوفه كيانى بيتلخبط ومرحه وخفة دمه كل فتـره بتزيد أكتر. وبتبسم لاإرادى وعنيها تروح ناحيته بحب.
هنادى : يابنتى إنتِ اللى هتجبيه لنفسك إنتِ حره.
يجى رامى فجأه من وراها يلف إيده على رقبتها ويقبل خدها اليمين.
ريـم بشهقه : يخرب عقلك يا رامى خضتنى. وتتابع بعصبيه : شيل إيدك دى من عليا.
رامى بدلع : إنتِ لسه زعلانه منى يا قلبى.
إبراهيم يبص ناحيتهم بغيظ.
ريـم تزفر بغضب : رامى بجد خنقتنى.
رامى يفك إيده ويلف يقف أوصادها : خلاص يا حبيبتى متزعليش.
أحمد المصور : معلش بعتذر على التأخير كان معايا مكالمه مهمه.
خالد بغيظ يبص ناحية حسين : خلصنا يا أحمد والنبى.
أحمد : تمام طيب حطى إيدك هنا يا عروسه على كتف عريسك.
زهـره تبص ناحية حسين اللى مشغول فى مكالمه وتحط إيدها على كتف خالد برعشة خوف وحرج.
أحمد : وإنت يا عريس إيديك الإتنين على وسـطها.
حسين يهتف بغضب : نعم مين يحط إيده على ميـن؟
أحمد المصور بإستغراب : دى صوره!! وصوره عاديه جداً من أيام ستى وستك.
حسين بغضب : مليش فيه إبعد كدا يا عم خالد شويه.. تصورهم صور محترمه دى خطوبه مش جواز.
أحمد يبتسم بسخريه : طيب تمام بصى يا عروسه حطى إيديكى الإتنين فى وسطك. وإنت يا عريس أقعد ع الأرض خد الورد بركبتك الشمال ع الأرض والتانيه لفوق. تمام كدا أبتسامه حلوه بقا عايزينها يا عروسه بتناكه شويه. حلو كدا.
وياخد الورد من خالد.
أوقفى يا عـروسه هنا إسندى ضهرك ع الحيطه وإنت يا عريس جنبها وإمسكوا إيد بعض بص فى عنيها يا عريس.
