مسلسل حته منى.
٣٤ : الحلقـه الرابعـة و الـثـلاثـون .
#الكـاتبه_الصغيره_آيـه_يحيى_الأميـر.
فى بيت صفـوان زيـدان..
تحديداً شقة نجيب..
ريـم فى أوضتها بتدور فى أدراج المكتب وع السرير و تحت السرير وتزفر بغضب.
ندى تدخل الأوضه وتبصلها بإستغراب : فى إيه يا ريـم بتدورى على إيه وبعدين حرام عليكى نكشتى السراير ومريـم جيالى بالزمه ده منظر.
ريـم بتنهيده : هرجعلك كل حاجه زى ما كانت بس محفظتى يا ندى ماشفتيهاش.
ندى بهدوء : اه عندك هنا فى الدولاب فى درفتك.
ريـم تجرى على درفتها تفتحها.
على الجانب الآخر على سلم البيت.
مريم صاحبة ندى طالعه على السلم.
مريم منير صاحبة حنين أصلاً بس إتصاحبت على ندى لما راحوا ثانوى وبقوا صحاب أكتر لما حنين نقلت من ثانوى عام لـ ثانوى صناعى.
ماجد يشوفها من ضهرها يصفر بإعجاب : طولت أهو يا وحش وإحلويت.
مريم بإقتضاب تلف تبص بغضب : نعم.
ماجد يبلع ريقه بإحراج : آسـف والله فكرتك ندى بنت عمى.
مريـم تبصله بقرف وتطلع.
ماجد بحمحمه : طب جايه لمين طيب نتعرف.
يجى رامى من وراه يضربه قفا.
ماجد بإقتضاب : آي إخص عليك يا روميو.
رامى بتريقه : آي يا بنوته بتعاكس كدا فى البيت عينى عينك طب خلى الكلام ده بره بلاش تفضح نفسك.
ماجد : لا متقلقش ما الحته اللى بتتعاكس جايه من بره.
رامى يرفع أحد حاجبيه بغيظ : وحياة أمك ليه هو إنت عايز المعاكسه تبقى من جوه كمان.
ماجد يصتنع الخوف : لا يا عم إستهدى بالله دا أنا بهزر.
رامى بوشوشه : قولى هى الحته جامده ولا إيه؟
ماجد يصفر بإعجاب وتقريباً طالعه عندكم.
رامى : امممم طب ليه الحظ الأسـود ده.
ماجد : سودته ليه بس يا روميو.
رامى : ما هى أكيد صاحبة واحده من إخواتى مش هعرف ألاغى.
فى شقة نجيـب..
ريـم تتنفس براحه لحظه ما تلاقى المحفظه.
تبص حواليها وتفتحها تحت صوره من الكرتون صورة ريهام الزناتى وتحتها صـورة.. إبراهيم.
وتحط الصوره مكانها وتحط المحفظه ورا هدومها وتخرج من الأوضه وهى خارجه تقابل مريم وندى تسلم على مريم بترحاب. وتخرج وتسيبهم.
تقابل رامى داخل من باب الشقه.
رامى : بسبس بت يا ريـم.
ريـم بإبتسامه : حمدالله على السلامه.
رامى بإقتضاب : هو إحنا عندنا ضيوف.
ريـم : اه صاحبة ندى.
رامى بسهتنه : وحلوه.
ريـم تضيق عنيها بخبث : يا ماما.
رامى يقبل راسها : لا والنبى حقك عليا ويجرى على أوضته.
༺༻ ༺༻ ༺༻
نسيتوا خالد وزهـره ضحكت عليكم أنا ☺️😄...
