مسلسل حته منى.
٣٥ : الحلقـه الخامسـة و الـثـلاثـون .
#الكـاتبه_الصغيره_آيـه_يحيى_الأميـر.
فى شقة نورهان..
زهـره بتنهيده تفتكـر ضحكة خالد.
بحبك بحبك أوى يا زهـره.
بحبك يا قمرى.
قمرى.
ايوه قمرى مش مصدقه ولا إيه.
تقهقه زهـره بفرحه لا طبعاً مصدقه.
طب إيه؟
إيه؟!
بحبك.
وأنا كمان.
تفوق من شرودها على صوت نورهان.
يا زهـره إفتحى الباب وأنا ثوانى وخارجه.
زهـره بحمحمه : حاضـر .
تقوم تفتح الباب وتفضل تنهج.
جميله بإبتسامه : إزيك يا زوزو وحشانى والله.
زهـره تبلع ريقها وبصوت مخنوق : الحمدلله إزيك يا جميله.
عمر ومالك وراهم حبيب ومعاه خالد.
خالد يبص لـ زهـره بلهفه.
وزهـره بنظرة إشياق على حزن تهتف : ضيوفك وصلو يا نور أنا ماشيه وتقعد هايدى على الكنبه وتاخد تليفونها من ع السفره.
نورهان تخرجلها : رايحه فين يا زهـره.
زهـره بصوت مخنوق وعنيها ترقرق بالدموع : هـروح.
تخرج ع السلم.
خالد يمسك إيدها بلهفه : عايزك عايز أتكلم معاكى يا زهـره.
زهـره بنظره حب بس حزينه دموعها تنزل على خدها : آسـفـه يا خالد.
وتشد إيدها منه وتجرى.
على الجانب الآخـر...
فى المنصوره.
ريـم لبسه إسدال أزرق وقاعده فى البلكونه وسرحانه.
تفتكـر يوم فرح رضوى صاحبتها.
فلاش باكـ 🎬....
ريم دون مصافحه: إزيك يا إبراهيم.
وندى كذلك الأمـر...
إبراهيم بإبتسامه : الحمدلله بخير إنتوا عاملين إيه؟
ريـم: الحمدلله بخير.
ندى بفرحه العروسه وصلت أهيه. وتجرى بعيد وتسيبهم.
إبراهيم بفرحه: إجت فى وقتها، وحشتينى.
ريـم تبتسم بخجل ☺️..
إبراهيم بحب: عقبالنا يا حبيبتى.
ريـم تبتسم بفرحه: طب أنا هروح أسلم على رضوى.
إبراهيم: إنتِ مش ملاحظه حاجه.
ريـم بإستغراب : حاجة إيه مش عارفه؟!
إبراهيم : أصحابك بيتخطبوا ويتجوزوا وإنتِ مش عايزه تحنى عليا.
ريم تضحك بفرحه : مش كدا بس خليها بعد إمتحانات الترم حتى عشان يبان الفرق بين درجات الترم الأول والترم التانى.
إبراهيم بثقه : كدا كدا أنا اللى بذاكرلك الدرجات واحده.
ريـم : بس لما تبقا خطيبى مش هتذاكرلى دا أخويا على آخره بيقولى إنتِ مش صغيره ذاكرى لوحدك.
إبراهيم يضحك : إنتِ مسافره إمتا؟
ريم : بعد بكرا.
إبراهيم بفرحه : أجى بكرا أذاكرلك.
ريـم بفرحه: ياريت ع فكره خالك بره.
إبراهيم: دا بجد أنا مشفتوش وأنا داخل.
تشاوره باى. وتمشى وتسيبه.
إبراهيم يرجع يسند ضهره ع الحيط ويفضل يبص عليها بفرحه.
...........
إبراهيم بهدوء غريب جداً : أقصد إنك تشوفى حد من سنك يا ريم يفهمك وتفهميه.
