مسلسل حته منى.
٢٨ : الحلقـه الثامنـة والعشـرون .
#الكـاتبه_الصغيره_آيـه_يحيى_الأميـر .
يامن بعصبيه : زعقلى يا ليم.
ريـم بإبتسامه جذابه : معلش يا حبيبى متزعلش قول لتيتا آمال وهى هتجبلك حقك.
يامن : قولتلها بس هيما هلب زى الحلاميه (هرب زى الحراميه).
ريـم بإقتضاب : يا خبر حراميه كدا مره واحده.
إبراهيم يتجرأ ويقرب من يامن اللى مازال فى حضن ريـم.
وبمرح : هات راسك يا يامن باشا أبوسها.
وبعد ما يقبل راس يامن .
عينيه الخضرا تقابل عيونها العسليه.
عيونك شمس تضئ دنيايا نظرتها تخدرنى.
خواطر إبراهيم المصرى.
عالم آخر حقاً عيونك عالم آخر تجعلنى أغرق ثم أغرق ثم أغرق بلا رجوع.
خواطر ريـم نجيب.
يفوقوا من شرودهم على صوت يامن يهتف بعفويه : إبعدوا شويه هتفعصونى.
وفى اللحظه دى يطلع رامى السطح ويهتف بعصبيه : الله الله إنتوا إيه اللى مطلعكم السطح فى الميعاد ده وقاعدين كدا ليه😡😡😡؟؟
ريـم بخوف تقوم تقف وتنهج.
إبراهيم : فى إيه يا رامى ما تهدى شويه فى إيه.
رامى بغضب وصوت عالى : إنت إزاى تسمح لنفسك تقف معاها ع السطح فى ميعاد زى ده ولوحدكم.
إبراهيم بعصبيه : وطى صوتك شويه أنا طالع أخد يامن عشان نروح.
ريـم ترد بتوتر : رامى إنت مكبر الموضوع زياده عن اللزوم.
رامى يصفع ريم بكف قوى على خدها الشمال ويهتف : إنتِ تخرسى خالص مسمعش نَفَسك خالص فاهمه.
كل البيت يطلعوا على صوت الخناق وصرخة ريـم.
وإبراهيم بعصبيه : فى إيه يا رامى إعقل شويه محصلش حاجه لكل ده طالع أخد يامن يلا يا يامن خلينا نتزفت نروح.
ناصف بغضب وصوت عالى : رامى إبراهيم لمو نفسكم شويه إحترموا وقفتى حتى.
جهاد بعصبيه : إنت إزاى تمد إيدك على أختك مفيش حد ليـه الحق يمد إيده عليها غير أبوك.
وتشده من ذراعه وتهزه لما نبقا نموت إبقى إعمل اللى إنت عايزه.
ريـم بعياط : ماما والله...
تقاطعها جهاد بحزم : ريـم إنزلى ع البيت فى أوضتك لحد ما أجيلك.
ريـم تنزل تجرى وهى منهاره فى العياط.
على الجانب الآخـر...
أودام البيت نجيب بيركن عربيته وينزل يدخل البيت يلاقى والده صفـوان زيـدان رافع جلبابه عند ركبته وطالع السلم بلهفه.
نجيب يهتف : خير يا أبا.
ترد صدّيِقه : إبراهيم ورامى ع السطوح بيتخانقوا.
نجيب بغضب : إيه التهريج ده😡🤨...
ع السطوح...
رامى ماسك إبراهيم من هدومه وبيضربه.
وناصف بيحاول يبعدهم عن بعض.
