مسلسل حته منى.
٣٠: الحلقـه الـثـلاثـون .
#الكـاتبه_الصغيره_آيـه_يحيى_الأميـر .
الساعه ٢ بعد منتصـف الليل..
فى بيـت عبد السـلام مـرزوق.
زهـره اللى غيرت فستانها بطقم خروج .
خالد : كل حاجه عليكى حلوه.
زهـره تبص فى الأرض وهى بتفرك فى إيديها : احم شكراً.
خالد يضحك : إحنا هنفضل نشكـر كتير ولا إيه!! بس ع العموم على مهلك يا قمرى لما ناخد على بعض لو سمعت شكراً دى.. يقاطعه رنة هاتفه.
يرد بتنهيده : آلو ايوه يا ماما.
سهير بتهجم : إنت لسه عند عروستك.
خالد بحمحمه : اه بس إنتِ صوتك لسه بره.
سهير : ايوه إحنا مع عمتك آمال أصل بنتها تعبت فجأه بتولد إنت مش هتيجى ولا إيه 🤨..
خالد بتنهيده : اه احم لاء أنا جى ع طول أهو طب هى خرجت من العمليات ولا لسه؟
وفى اللحظه دى تدخل نوال الصالون.
ترد سهير : لسه ويلا تعالى عشان عمتك متزعلش منك.
خالد : تمام طب إنتوا فين؟
سهير تتنفس براحه : فى نفس المكان اللى جميله أختك ولدت فيه فاكره.
خالد يصمت برهه للتذكـر : اه اه إفتكرته تمام جى ع طول أهو.
بعد ما يقفل الخط.
تسأله نـوال بإهتمام : خيـر يا خالد كفاالله الشـر.
خالد بهدوء : نورهان بنت عمتى تعبت فجأه وبتولد دلوقتى.
نـوال بلهفه : يا حبيبتى كان شكلها تعبانه أوى. وتتابع بوشوشه ونظرها ثابت على باب الصالون : متقولوش أودام نسمه حاجه.
خالد يقف ويقفل چاكته بشياكه : طب بعد إذنك يا أم حسين هروحلهم أنا بقا.
نـوال : طب إستنى هنديلك حسين يجى معاك. وتنادى يا حسين.
حسين اللى قاعد أوصادهم فى الصاله هو ونسمه.
حسين يروح عند باب الصالون : ايوه يا ماما.
خالد : كوباية ميه يا نسمه معلش.
نسمه تروح ع المطبخ.
خالد يقرب من حسين وبوشوشه يقوله.
حسين بإقتضاب : يا خبر.
نسمه : إتفضل يا خالد.
خالد ياخدها منها ويشكرها ويشرب.
ويحط الكوبايه ع الطرابيـزه.
بعد إذنكم تصبحوا على خير.
حسين يمسك كتف خالد بمرح : طب أنا خارج أتمشى معاك شـويه يا خالود .
نسمه تشير على ساعة الحائط : دلوقتى فى الميعاد ده الوقت متأخر يا حسين.
حسين يروح ناحية السفره اللى عليها هاتفه ومفاتيحه : هنتمشى وندردش شويه وجاى على طول ويقبل جبينها مش هتأخر عليكى يا حبيبتى.
ويخرجوا وخالد يبص ناحية زهـره بحب.
وبرمشه من عين زهـره بهيام
يفوق لنفسه بسرعه ويخرجوا.
༺༻ ༺༻ ༺༻
فى بيت صفـوان زيـدان.
تحديداً شقة نجيـب...
الساعه الأن ٢:٣٠ بعد منتصف الليل..
ريـم تحس بزغلله فى عنيها مع رعشه جامده وترعق شديد شديد للغايه.
