مسلسل حته منى.
١٩: الحلقه التاسعـة عشـر.
#الكـاتبه_الصغيره_آيـه_يحيى_الأميـر .
مساء الفل بتجروا ليه كدا مستعجلين على إيه؟
ريم تزفر بغضب.
بسمله بغضب: بص بقا يا واد إنت لم نفسك أنا ممكن أشتيكيك فى الشئون.
ريم تشد إيد بسمله بغضب وتهتف: سيبك منه وإعتبريه كـ*ـلــ*ـب بيهوهو.
ويمشوا بسرعه من أودامه.
ريم ترن على زهـره مره والتانيه وبتكشيره: مبتردش ليه الـجـ*ـزمـ*ـه دى؟!
بسمله: طب رنى على فاطمه كدا جايز زهـره مشغوله فى مكالمه تانيه. وفجأه يا نهار أبيض إيه اللمه دى.
ريم تمسك إيدها بخوف: إستنى لتكون خناقه ولا حادثه أنا بخاف من التجمعات دى.
بسمله: طب رنى ع البنات طيب خلينا نمشى من هنا.
.............
فى عزبة مصر الجديده محافظة الدقهليه..
فى بيت عبدالسلام مـرزوق.
نوال بتأدى فريضة صلاة العصر..
السلام عليكم ورحمة الله.
السلام عليكم ورحمة الله وبركاته.
تقوم وتطبق سجادة الصلاه وتقعد على الكنبه تسبح وفجأه تمسك مكان القلب وتتفوه: دا إيه ده إيه القبضه دى إسترها يارب.
يا لطيف يا لطيف يارب.
وتقوم تجيب تليفونها وترن ماسنچر على زينب بنتها.
زينب ترد: سلام عليكم ايوه يا ماما عامله إيه؟
نوال: الحمدلله يا حبيبتى بخير إنتِ اللى عامله إيه وجوزك وسلمى بنتك عاملين إيه؟؟
زينب:الحمدلله فى نعمه والله.
بعد شويه تنهى نوال مكالمتها مع زينب.
وترن على حسين.
ع السفره نسمه وحسين بيتغدوا..
يرد حسين: إيه يا ست الكل عامله إيه يا حبيبتى؟
نوال: الحمدلله يإبنى إنت عامل إيه ومراتك عامله إيه؟
حسين: الحمدلله بخير أهى معاك أهى.
نسمه: آلو ايوه إزيك يا طنط عامله إيه؟
نوال: الحمدلله يابنتى بخير المهم إنتم كويسين.
نسمه: فى نعمه والله.
نوال: أنا عندى قبضه فى قلبى كدا وخايفه طب إقفلى كدا يابنتى لما أكلم زهـره.
ترن على زهـره متردش مره والتانيه والثالثه..... وكتير ترن كتير زهـره متردش.
نوال: جيب العواقب سليمه يارب.
على الجانب الآخـر
فاطمه بصراخ: إسعاف إسعاف بسرعه.
زهـره تتنفس بصعوبه مع شهقات: مـ اما أ أشـ .. هد أن لا إلـ ـه إلـ لا الله وأ أ.....
وتغمض عنيها وراسها تتقلب على ذراع فاطمه.
فاطمه بصراخ: زهـره لاء والنبى زهـرااااااا.
تليفون فاطمه يرن. « ريـم»
ترد بإنهيار: إلحقينى يا ريم زهـره بتموت.
وتفضل تهز فى زهـره ردى عليا يا زهـره.
