مسلسل حته منى.
٤١ : الحـلقـه الحاديـة والأربـعـون .
#الكـاتبه_الصغيره_آيـه_يحيى_الأميـر.
فى شقة خالد..
خالد يقبل جبين زهـره : صباح الخير يا قمرى.
زهـره تبصله بحب : صباح الحب يا حبيبى يا قلبى يا نور عينى وتتابع بتنهيده : تعرف مش ببقا عايزه أقعد من غيرك فى أى حته.
خالد : وأنا كمان نفسى أفضل جنبك ع طول بس أعمل إيه لازم أشتغل هناكل منين وبعدين أمى بكرا تحبك هى لسه متعرفش حبيبتى كويس وإنتِ كمان بكرا تتعودى على طبعها.
زهـره بتنهيده طويله : بإذن الله. وتتابع بعصبيه : بس تحبينى دى أشك فيها.
يقهقه خالد ويقبل جبينها : طب يلا بينا يا قمرى نفطر عشان نلحق نجهز وننزل.
༺༻ ༺༻ ༺༻
فى بيـت صفـوان زيـدان...
شقة نجيـب..
الساعه ١٠ صباحاً..
ريـم تتقلب فى السرير بملل.
وندى أودام المرايا بتلبس طرحتها.
ريـم تقوم تقعد تفرك عنيها.
صباح الخير يا ندى.
ندى تلف تبصلها : صباح الخير يا حبيبتى يلا عشان ألحق أفطر قبل ما أروح الدرس.
ريـم تجيب فونها من على الكمود : طب جهزتى بدرى ليه مش تفطرى الأول.
ندى : مريم وتسنيم هيعدوا عليا نروح مع بعض وكمان رامى بيجهز عشان مسافر فجهزت بدرى عشان نفطر معاه ومضيعش وقت.
يهتف رامى من الخارج : يلا يا سنيوره إنتِ وهى هخلص فطار من غيركم.
ريـم تضحك : أهو الإزعاج بدأ بجد يكون فى عونها اللى هتتجوزه دى محتاجه يا عينى صيدليه فى البيت عشان الصداع وتكسير العضم اللى هتبقا فيه.
تقهقه ندى 😂...
ويدخلهم رامى الأوضه مدعى الغضب.
تكسير عضم ها طب تعالى بقا.
ريـم تضحك بخوف : لا والنبى يا رامى أنا صاحيه أصلاً تعبانه.
رامى يشيل ريـم على كتفه الشمال وراسها مقلوبه لدرجة إن شعرها لامس الأرض ويجرى بيها فى الشقه : أنا هوريك تكسير العضم على أصوله.
وهى تضحك و تصرخ نزلنى يا رامى.
نجيب يضحك بخفوت ويعلى صوته فجأه مدعى الغضب : بطل هيافه يا رامى ونزل أختك.
رامى ينزل ريـم على الأرض.
ريـم تنهج وتميل راسه على صدره.
رامى بإبتسامه : إيه يا حبيبتى دوختى.
ريـم تشير بالسبابه بحركه دائريه وهى بتنهج : الدنيا بتلف بتلف.
وتتابع : وضيفى عندك يا ندى الدوار.
جهاد تقهقه : طب يلا عشان تفطروا
༺༻ ༺༻ ༺༻
فى أرض صفـوان زيـدان..
إبراهيم قاعد على مقعد خشبى (كَراويطه) ..
قاعد أودامه طرابيزه صغيره عليها ورق ..
وعلى عيونه نظارته الطبيه ومركز جداً فى الورق.
