مسلسل حته منى.
٤٥ : الحـلقـه الخامسـة والأربـعـون .
#الكـاتبه_الصغيره_آيـه_يحيى_الأميـر.
يـوم الضمه أو ليلة الحنه.
وخلاص إبراهيم و ريـم بيودعوا العزوبيه.
البنات قاعدين فى الأوضه مع العروسه بيرسموا حنه من عادات الأرياف اللطيفه جداً.
والشباب مع العريس بيرقصوا على الحصان.
حمزه و إبراهيم كل واحد فيهم على حصان.
زغاريط وفرحه مليت بيت صفـوان زيـدان...
💃🏻💃🏻💃🏻😍😍😍💖❤💓💯💍👰....
صفوان يقف يرقص مع إبراهيم بعد ما ينزل من على الحصان.
بعد ساعه تقريباً...
فى الأوضه عند البنات...
نورهان : يا بنتى إرسمى حنه دا إنتِ العروسه.
ريـم : مش بحبها وبعدين إبراهيم قالى متخلعيش حتى طرحتك.
جميله : اممم هو عمى نجيب ومراته مالهم حظهم عامل كدا ليه فى عيالهم.
وتشير لـ ندى بالسبابه : بت إنتِ إتلقتيه بغير قوليله معطلكش بالسلامه البنات كتير دا وجع دماغ.
نورهان بمرح : دبشه هانم خفى شويه ع العروسه وإخواتها يا حبيبتى.
جميله بتنهيده : حكم كلمة الحق دايما تقف فى الزور. تبص لـ حنين : أومال يعنى بقالك فتـره يا حنون مش بتخرجى شعرك من الطرحه كعادتك خير يا حبيبتى.
تحمحم حنين بحرج : معتز قالى شكلى كدا أحلى.
حسناء تقهقه : قولتيلى سى معتز.
حنين تبتسم بخجل..
زهـره : ما خلاص بقا يا بنات الله أحرجتوها.
ريـم تشير بالسبابه تدعى الغضب : بقولكم إيه كل واحده تخليها فى حالها أنا بقولكم أهو.
ترد نورهان : حـرام عليكم عصبتوا العروسه.
أميـره بمرح : متزعليش نفسك يا ريرى وطلعيلهم لسانك.
أميـره نورهان و ريـم بمرح 😝😝😝....
بعد شويه الكل يروح بيته يتبقى أولاد وأحفاد صفـوان زيـدان..
فى صالة بيت صفـوان زيـدان تجتمع العائله ما عدا البنات جوه فى الأوضه.
صفـوان وأولاده منتصر نجيب ناصف.
وأزواج بناته مصطفى وصالح.
قاعدين فى البرنده..
كل العيله فرحانه وبيتكلموا ويضحكوا.
وإبراهيم سرحان خالص مش معاهم عينه على باب الأوضه اللى فيها البنات منتظر الباب يتفتح وحبيبته تخرج.
ماجد يشير لـ خالد بغمزه.
خالد يهز راسه بإبتسامة بمعنى تمام.
وإبراهيم ما زال سرحان.
يفوق من شـروده على صوت ماجد بيصفر وخالد يهتف : سرحان فى إيه يا عريس متخبيش حاجه فى قلبك والنبى.
ماجد يقهقه بسماجه : بس يا خالد عيب متدخلش فى خصوصيات هيما. هو هيقولى أنا ويتابع بغمزه وبعدين هقولك.
يندمج حمزه معاهم فى الحوار : هيقولك إنت على أساس إيه يا تافه إنت أنا أخوه أولى من الغريب.
