مسلسل حته منى.
١٢:الحلـقه الثانيـة عشـر.
#الكـاتبه_الصغيـره_آيـه_يحيى_الأميـر.
ولا حمزه قعد ٣ سنين بيلف ورانا الدروس عشان بيحب أميره وبعد الإمتحانات خطبها شهرين وإتجوزها 😂ههههه دا من كتر ما كان بيلف ورانا فى كل حته عمتو آمال فكرته بيحبنى وإجت وطلبتنى ليه بس أنا رفضت لأنه كان بيسألنى على أميـره كتير وكنت فاهمه إنه بيحبها . شكله طالع لحمزه حَبيِبْ.
حسين فجأه بعيون كلها غيره وشـر : حمزه .
نسمه بصدمه:رحت فى داهيه.
ترد ريم بسرعه: بنقول لـ زهـره إن على صاحب حمزه.
حسين يقرب على نسمه وينحنى جنب ودنها: وعرفتى منين إن حمـزه حَبيِبْ. احم ع العموم كلامى معاك مش هنا لما نروح. ويشاور على باب البلكونه تقعدى فى مكانك متتحركيش لحد مانمشى مفهـوم.
نسمه تهز راسها بخوف: حاضر.
وتروح تقعد جنب مامتها.
نهاد بإستغـراب: مالك يا نسمه؟!
نسمه: ها مفيش مفيش يا عمتى سلامتك.
بضع ثوانى وعربية العرسان وصلت أودام البيت.
ريم تبص من البلكونه العرسان وصلو يا زهره وتخرج تجرى على السلم.
زهـره تفضل واقفه فى البلكونه وسرحانه وفجأه تسمع صوت جاى من وراها: عقبالك يا زهـره.
على السلم.
رامى يقول لـ ريم: إيه اللى موقفك كدا أدخلى جوه يلا .
ندى تيجى تقف جنبها: هنستقبل ديدا.
حنين تيجى: إيه طلعت؟
رامى بغضب: أدخلو جوه قلت.
ماجد بغيـره: إنتم إيه اللى موقفكم كدا.
رامى بعصبيه: أدخلو مش عايز أزعلكوا.
يدخلو بسرعه من غير رد.
خديجه وعلى طالعين ع السلم وإيدها فى إيده مع الزغاريط والفرحه اللى ملت البيت.
فى البلكونه...
عقبالك يا زهـره.
زهـره تلف: احم شكراً. وتمشى.
خالد ينادى: زهـره قريتيها؟
زهـره بإبتسامة خجل: اه قريتها.
خالد بلهفه: ها إيه ردك؟؟
تليفون زهـره يرن.
زهـره بإبتسامه رقيقه تشاور بالتليفون: بعد إذنك.
خالد يفضل يبصلها بهيام.
سهير تحضن خديجه وتباركلها.
ومنتصر يسلم على عَلى وياخد خديجه فى حضنه مبروك يا حبيبة بابا.
أمينه أم على: مبروك يإبنى ألف مبروك.
ألف مبروك يا خديجه.
خديجه: الله يبارك فيكى يا طنط.
زهـره بتنهيده : دا إنتِ أنقذتينى يا نسمه.
نسمه بخفوت: خفت حسين يشوفكم.
زهـره: الحمدلله عدت على خير.
