سلسلة شغف الانتقام: واشرقت شمس الحب

الفصل 6

صباحا في  فيلا الشافعي
داخل غرفة ملاك تقف امام مرآتها تنظر الى نفسها بتمعن ...ترتدي بدلة رسمية نسائية من اللون الودري الفاتح وجمعت شعرها في ضفيرة فرنسة .... نترت عطرها المفضل لتنظر الى نفسها برضى اخدت حقيبة يدها وخرجت من الغرفة متجهة الى الاسف
___________________________________
ألقى عاصم نظرة  الى ساعة يده ليزفر بملل  من تأخرها نظر له حسام وهو يهندم ربطة عنقه قائل:
-مالك شايل طاجن ستك ليه
- الهانم اتاخرت ... عندي شغل ومتاخر والله
-زمانها نازلة اصبر بس وكل حاجة
-والله كلت في البيت ... خلاص هتبدأ النهاردة
هز حسام رأسه ليردد بعدما انزل فنجان قهوته مردد ببتسامة:
-ان شاء الله النهاردة عندي مقابلة مع كم محامي ومحامية عشان نبدا شغل
طبطب عاصم على كتفه مردد بابتسامة دعم- ربنا معاك يا بطل
وجه سيف نظره له مردد بضيق:
- بابي خدني معاك
عقد حسام حاجبيه بتعجب من ضيق صغيره الواضح وضوح الشمس:
- اخدك معيا فين يا حبيبي.... انا رايح الشغل
- الكل بيخرج انت ولوكة واياد وجيجي... هفضل مع مين بزهق طول اليوم لوحدي
غصة حزن اعتصرت حلق حسام فصغيره محق ابتسم له سريعا مردد:
- طب ايه رايك اخدك عند طنط شهد
هز سيف رأسه ليردد بحزن واضح داخل عينيه:
-عايز ابقى معاك ممكن
- ماشي يا بطل اجري غير هدومك وانا هستناك اخدك معيا
-بحبك يا بابي
وركض بفرح يرتدي تيابه ليغمض حسام عينيه بقلة حيلة  ... صادف صعود الصغير   نزول ملاك بتقة لتردد بابتسامة زادتها جمالا:
-صباح الخير
- وقف عاصم ماخود من جمال ملاك الذي يزداد ظهوره يوم بعد يوم .... تقدم اليها دون وعي وطبع قبلة على جبينها وعلى كف يديها الايسر وبتحديد فوق خاتم زواجهم
-صباح نور على نور كله
-صباح الخير يا حبيبتي جاهزة
ابتسمت ملاك لحسام وهي تاخد نفس عميق :
-اكيد .... اذا!!!! انت لبسة دبلة كمان
جملتها الاخيرة وجهتتها لعتصم  بعدما وقعت عينها على الخاتم الذي يزين اصبع يديه اليسرى ليردد بابتسامة عبث:
-طبعا عشان الكل يعرف ان ملكية خاصة بحبيبت قلبي وبس
-طيب يا روميو انا همشي ... ربنا معاكي ياملاك
قال جملته وهو يحمل صغيره الذي عاد اليه مسريعا ليتجه الى الخارج، ضم عاصم كف ملاك داخل كفه مردد:
-يالا يا لوكة اتاخرنا
هزت راسها بطاعة وهي تتجه معه الى الخارج
_________________________________
في المشفى
لمح اياد جهينة تتجه اليه عبر الممر الطويل وابتسامة محببة الى قلبه تزين تغرها اقتربت منه ووقفت امامه ليردد اياد بمشاكسة :
- ايه السر الفرح الى باين فوشك ذا
نظرت اليه  بتلاعب مرددة يمكر انثوي:
- اممم ,... معرفش فيقت لقيت  حالي مبسوطة ومزاجي رايق
التوى تغر اياد بابتسامة ماكرة حاوط خصرها بحميمية مردد:
-بمناسبة ان مزاجك رايق ممكن باليل تلبسيلي البتاع الاسود ابوا ت....
وضعت يديها على  فمه تسكته من ان يكمل كلامه الوقح لتردد برجاء :
- بس ...بس بقى احنا في الشغل
قربها منه اكثر أنفاسه تلفح وجهها الناعم لتتسرب اليه تلك الحمرة المحببة له ليردد بوقاحة اكبر:
-طب ايه رايك لو ملبستيش الي قولت عليه باليل لهرزعك كل يوم بوسة قدام المستشفى كلها وانتي عارفة انه مش بيهمني حد
- احم ... للاسف عارفة انك قليل الادب وسافل ... حاضر امري لله
اقترب من نيته ان يقبل تغرها لكن انتفظت مبتعدة عنه عندمت قاطعه محمد الذي اقترب منه مردد بحدة:
-انت يا مفضوح ازاي يارا تسافر المؤتمر من غير ما عرف
ترك اياد خصر جهينة وهو ينظر له بستغراب مردد:
- هي سافرت المؤتمر مش كانت انت الى هتسافر
-معرف الدكتور سعد غير رؤيه فاجئة قالي كذا الاحسن
كيف ذلك هذا جل ماخطر بباله بكن بدات الخيوط تتضح اماما اياد لينطر الى جهينة بضيق عين وشك اكدته عندما تهربت بعينيها منه مرددة بثوتر:
-عنن..اذنك ... عندي شغل
وفرت هاربة تحت نظرات التوعد من اياد
__________________________________
في  شركة البدري
اوقف عاصم سيارته وترجل منها رفقة ملاك وهو يشبك اصابع يديه داخل اصابع ملاك متقدما نحو الداخل ..وقف الموضفين ينظرون  لهم جميعا بذهول ... استغراب ..... اعجاب... حقد ... توجه داخل المصعد قاصدين الطابق الذي يتواجد به مكتب ملاك  وما ان اغلق المصعد حتى حاصر عاصم ملاك بجسدهوهو ينظر لها بتسليه لتبادله بنظرة متسعة مرددة:
-اييه ... انت بتعمل ايه عيب احنا في الشركة
اقترب منه بمكر مردد ببراءة يحسد عليها:
- انا هخد الصباحية بتاعتي وبس
-حد يشوفنا يا ....
كتم اعتراضها بشفتيه يقبلها بعمق .... يده تحتضن خصرها لتقربها منه ... ويده الثانية تتخلل شعرها يتبت راسها .... ابتعد عنها بعدما شعر بحاجته الى الهواء و بعد شعوره برتجاف جسد ملاك بدون مبرر، نظر لها  ببتسامة عاشقة ساندا جبهته على جبهتها وهو يردد:
كنت هموت واعمل كذا من ساعة مشوفتك وانتي نازلة ..... البتاع الى حطاه على شيفيك  يجنن اوووي
التزمت ملاك الصمت لا شيئ يقال .... لا تستطيع البوح بكل ما يعتمر داخلها
نظر لها عاصم بترقب وهي مغمضة العينين مردد :
- حبيبتي انتي مغمضة ليه!! معقول مكسوفة مني ....
نظرت له ملاك دون القدرة على الكلام ليثترب منها محتضن خدها قائل:
- انتي مراتي يا ملاك .... اوعي تتحرجي او حتى تتكسفي مني مفهوم
-انت قليل الادب
ضحك....فعلا ضحك من كل قلبه فهي احمرت خجلا وهو زوجها ..انقذها من استرسال كلامه صوت المصد معلنا عن وصوله لطابق المنشود ..... لتطلق زفير طويلا مرددة قبل ان تخرج من المصعد:
-انا مش هقعد معاك في حته مققولة لوحدنا
ابتسم عاصم من هذه الفتاة التي قصير جنون عشق... هندم شعره المبعثر وخرج   يحتضن خصرها متوجها لداخل الممر وقف امام مكتب السكرتيرة دعاء مرددا
- دعاء جهزي غرفة الميتينج عندنا إجتماع بعد 10 دقايق واطلب من مدراء الاقسام هنا يكونوا موجودين
هزت راسها بطاعة  رغم عدم استعابها لتردد : -حاضر يا فندم
دخل عاصم وملاك الى مكتبها واغلق الباب.... احتضن خصرها بدراعيه واسند راسه على كتفيها مردد بهيام:
- نورتي مكتبك يا ملاك هانم
-اتمنى انجح واكون قد الثقة ذي
- حبيبت قلبي شاطرة وناجحة دايما......يلا اجلسي على مكتبك يا بشمهندسة ملاك المديرة التنفيذية للمجموعة
ابتسمت ملاك بتقة لتتجه تتراس المكتب جلست بكل غرور وتقة في النفس تعاهد نفسها على ان يكون النجاح حليفها
_________________________________
في فيلا جود المحمدي
انتهت ايام العزاء وبقت وحدها داخل هذا المكان الواسع لوحدها، ورفيقها الحزن والدموع .... رن جرس الباب لتتوجه الدادة بفتحه ولم يكون الطارق سو عدي زوجها ليردد بتسائل:
جود فين؟!
-في الجنينة
توجه الى حيت مكان جود دون النطق باي كلمة  ليجدها شاردة مهمومة .... توجه يجلس بجانبها مردد:
-حبيبتي عاملة ايه
فاقة من شرودها لتردد بقتضاب:
- كويسة ... اخبار المجموعة ايه؟
-كل حاجة ماشية كويس اطمني وارتاحي انتي
- هبدا انزل بكرا المجموعة اباشر الشغل بنفسي
- وليه تتعبي نفسك انا موجود ارتاحي يا قلبي
نظرت اليه بقوة لتردد ببتسامة تهكم:
- معلش بحب اشتغل بنفسي ومحدش هيخاف على شغل بابي قدي ... ومنها اخرج عشان قربت اتجنن من القاعدة لوحدي
- ما انا عرضت عليكي اجي اقعد معاكي انت نسيتي يا بيبي اني جوزك
رددت بقوة وهي تصحح له:
-مكتوب كتابنا بس...... مش هينفع تقعد معيا قبل الفرح يا ... يا بيبي
قالت جملتها الأخيرة بتهم هز عدي رأسه ليردد ببتسامة جامددة :
- براحتك .... انا ماشي
-مع السلامة
خرج عدي يكاد يموت غضبا على هذه الصغيرة فهي تعيق جميع خططه لكن مهلا فوقت العقاب لم يحن بعد بينما جود جلست تنظر اليه وهو متجه الى الخارج بكره،تتذكر استماعها بدون قصد الى حواره مع المحامي الذي اخبره ان اباها كتب لها كل ما يملك ... ليجن جنونه متهم اباها بالجنون وانه حرمه من حقه ... لتكتشف نية زوجها الذي طلب في ما بعد توكيل لادارة الشركة ورفضت متعللة انه لا يحتاج الى توكيل لكسب تقته... كلمة زوجها تشعرها بالمرارة زواج فرض عليها قصرا من والدها بحجة " محدش هيخاف عليكي وعلى فلوسك الي ابن عمك الى من لحمك" لتبتسم بتهكم..... فهو كان اولا الضباع الاكلة في لحمها ... لتمسح دمعة قهر نزلة من عينيها مرددة:
-يارب
__________________________________
رجوعا الى شركة البدري
دخل عاصم يحتضن كف ملاك بتملك الى داخل غرفة الاجتماعات لينظر له الجميع بستغراب .... سحب ل ملاك الكرسي الذي يترأس الطاولة ووقف بجانبها ينظر الى الجميع بتدقيق فأنظار الجميع متوجه على. زوجته حمحم مردد بجدية:
-احب اعرفكم ملاك هانم الشافعي مراتي ... والمدير التنفيدي الجديد لشركة .... من النهاردة  الشركة هتكون تحت ادراتها  عندها صلاحية اتخاد القرار و التوقيع .... اظن كلامي واضح
لم يجرأ احد على تحدث فمن هم ليبدا رايهم لكن  ردد  شهاب مدير الحسابات بهمس وصل ل ملاك وعاصم:
- يعني احنا نشتغل ونتعب ونتراقى بالعافية وتيجي جانبها عشان مراته تستلم الادارة
نظرت له ملاك بشرار وهمت لترد عليه ... لكن اطبق عاصم على كفها مرددا بقوة وتهديد:
- احب اضيف حاجة وجود ملاك هنا مش بصفتها مراتي انا في شغل مبعرفش ابويا ... ملاك شريكة هي و اخواتها في نصيب ابوها عمي صفوت الشافعي شريك بابا الله يرحمه في الشركة وذي معلومة الكل عرفها .... غير ان حرمي المصون خريجة هندسة من امريكا وذي لوحدها تاهلها للمنصب ذا  لو سمعت اي حد بيوجه لها اي كلمة بخصوص مكانها هنا هيكون خارج المجموعة ... كلامي واضح
- مفهوم حاضرتك
-تقدروا تتفضلوا
خرج الجميع يفكر كيف سيكون مصيرهم والاهم كيف سيكون نظام العمل  مع المديرة الجديدة
*في الداخل
-شكرا يا عاصم
نطقتها ملاك  وهي تبتسم بحب فهو لم يدافع عنها فقط بل كان يتحدث عنها بفخر ليردد قائل:
- على ايه يا هبلة.. يابت انت مراتي وكرامتك من كرامتي
-على فكرة انا مستلطفتش الجدع ذا
-شهاب هو كذا قليل ذوق بس موظف ممتاز..... المهم هسيبك دلوقتي واروح شغلي .....
- لا اله الى الله
اقترب منها يردد وهو يقبل جبينها بحب :
- محمد رسول الله
وخرج متجها الى الخارج ليتوقف امام مكتب دعاب مرددا بامر
-اي حاجة تحصل بلغيني واي حد ازعح ملاك هانم قوليل وانا اتصرف معاه
-تحت افرك يا مستر
وتوجه الى الخارج منطلقا الى عمله ... بينما تأكد شهاب من خروج عاصم توجه الى مكتب دعاء التي ما ان رأته حتى رددت بتسائل:
-الي بيحصل ذا
-عاصم باشا جايب مراته رئيسة علينا
-مراته!!!! هي هي نفس البنت الى جات اخر مرة المكتب وخرج معها كنت فاكرة انها حبيبته
نظر لها مردد بتهكم :
- ذي ملاك الشافعي خطيبة عاصم من اربع سنين في حد مايعرفش قصتهم ... اهو ربنا كرمهم وبقيت مراته
-وانا اعرف منين ... بس ايه حكايتهم
- مش وقت الكلام ذا دلوقتي عندي شغلي سلام يا قطة
تركها ورحل تمون فضولا لمعرفة قصتهم
___________________________________
في مكتب ملاك
تفقدت هاتفها لتجد رسالة من جيهنة على الواتساب
- لوكة لحقيني
ضربت ملاك وجهها بيأس لتكتب لها:
- في ايه يخريب بيت ابوا معرفتك
- اياد عرف ان يارا سافرت بدل محمد وشاكك اني لي يد في الموضوع ذا
- الله يحرقك يا جهينة هتودي نفسك وتوديني فستيين داهية
- اعمل ايه دلوقتي ذا هينفخني
- انا هتصرف لو سالك قوليله معرفش ولو سأل اسعد هيقوله ملاك الى طلبت ويبقى يجي عندي يحاسبني
-ربنا يخليكي للغلابة الى زينا يا باشا
- غوري من وشي ورايا شغل
اغلقت ملاك هاتفها ورمته على الطاولة بأهمال  وهي تتذكر حديثها مع جهينة قبل بضعة أيام
- بقولك هتشل منها ذي لصقة ل اياد في المستشفى لقيلي حل احسن ما تجنني
- يعني اعملك ايه اقتلها
ارتمت جهينة على سرير مردد بندفاع ورجاء:
- ياريت .... ايييي
نطقت بجملتها الاخيرة بعدما ضربتها ملاك بالمخدة  وهي تنظر لها بحدة، جلست بالقرب منها تفكر في طريقة الابعاد تلك المتطفلة صرخت بحماس مرددة:
- لقيتها كلمي سعد يطردها او يسفرها
-ماشي هكلمه يبعدها شوية
وفعلا اتفقت ملاك مع سعد مدير المشفى على سفر يارا الى مؤتمر طبي بدل محمد
تناهدت بضيق مرددة لنفسها:
- مكنش ينفع نخبي عنك ماضي اياد
__________________________________
في الادارة
دخل عاصم الى مكتب اخيه واعطاه التحية العسكرية... ابتسم رياض وهو يردد بترحيب:
- المكتب نور برجوعك
-منور بيك يا باشا
- ايه الاخيار
اجابه  وهو يجلس مقابل له قائل :
- لو تيجي للحق هيحتاجوا وقت عشان يتقبلوا ملاك بينهم وخصوصا شهاب
-ملاك قداها ومش هتغلب فيه .... نيجي لشغل
-قضية جديدة
- وصلتنا أخبار من الاستخبارات غاية في الخطورة ...في أخبار بتقول ان شريك هشام الالفي وصل للقاهرة وبدا يتحرك
نظر له عاصم  بذهول وهو يجلس متحفزا قائل:
- شريكه ... ازاي كذا ومن ذا!!!!
- محدش يعرفه للاسف, في اخبارية بتأكد ان هو الى سرب خبر تواجده في مصر ...
-وكانه بيقول ان شغل لسا مخلصش
-بالضبظ كذا ... القضية مسلمة ليك و ل سليم بس اسيل لا عشان قتنتقل قريب , خود بالك من حاجة .... متجيبش سيرة الموضوع ذا قدام ملاك
عقد حاجبين  بستغراب مردد:
-ليه يعني ... ذكية وممكن تساعدنا حتى لو من بعيد
هز رياض رأسه بيائس ليردد بشرح:
- ملاك عارفة ان هشام ليه شريك وهي اول واحدة قدمت المعلومة ذي للاستخبارت .... لو ملاك عرفت اي تفاصيل هتتحرك بتهور انت عارفها لازم نبعدها كل البعد عن القضية ذي
-عندك حق مش بعيد تعرف مكانه قبلنا وتخلص منه ونروح فداهية
-حاجة ثانية في حفل تكريم لينا عشان مأمورية الالفي وشامم ريحة ترقية لينا
-الله على الخبر ذا قد هرمنا من اجل هذه اللحظة
- اهي جات .... يالا ورينا عرض كتافك وريا شغل
- اوامرك يا باشا
___________________________________
في شركة البدري
اغلقتملاك  اخير ملف بتعب ، حركت رقبتها بارهاق وحملت هاتفها الموضوع على وضع الصامت تنظر له، لتفزع من الاتصالات والوقت
- يا نهار ابيض انا تاخرت خالص
اتصلت برقم وانتظرت قليلا لياتيها الرد
= انا اسفة كان سايلنت.... لا جايا اكيد انت بتهزر..... اوكي مسافة السكة
اغلقت الخط ولملمت اشايئها بسرعة واخدت الملفات بيدها وخرجت وهي تردد لدعاء:
- دعاء الملفات اهي خلصتها .... سيبي خير  للمهندسين المعمارين الى شغالين على مشروع فيلا الاسيوطي في جتماع بكرا وبعدها مع جروب الديكور ... اوعي تنسي انا همشي
-اوكي يا هانم
تقدمت لها مردد بتصحيح:
- مسميش هانم يا دعاء... يا بشمهندسة او يا مدام اوكي
- اوكي
ابتسمت لها ملاك وتوجهت الى الخارج تستأجر احد سيارات التاكسي متوجهة الى مكان مجهول ....
_________________________________
في مكتب حسام
- يا شباب احنا هنا مش علاقة صاحب شغل و الى بيشتغله احنا اكبر احنا فريق...فريق بنكمل بعض وبنعتمد على بعض ... مفهوم
- اكيد يا مستر
-بجد يشرفنا نشتغل تحت ايدك هنتعلم منك كثير
ابتسم له حسام مردد  :
- احنا كلنا بنتعلم من بعض وانا شخصيا هكون تحت التدريب شويتين ... المهم كمال القضية الي شعال عليها هتكون مشتركة بينك وبين ياسمين
- ليه يا فندم؟!
-ياسمين مراتك وذا هيساعدكم جدا انكم تدرسوا القضية في وقت طويل
-حاضر يا مستر
قطع اجتماعهم دخول الصغير الذي ردد بضجر:  -بابي انا زهقت
وقبل ان يتكلم حسام تدخلت يا سمين وهي تمسك كف سيف مرددة بحنان :
- يا حبيبي زهت من ايه
- مافيش حد بيعرف يلعب معيا
رددت  بحماس يرتسم داخل حدقتيها :
- انا بعرف العب تحب تلعب معيا
- اجربك الاول
-وانا موفقة جدا ... ممكن يا مستر اخده معيا
اكيد طبعا
خرجت ياسمين وخرج الجميع ولم يبقى سوى كمال نظر الى حسام بتأسف مردد:
- انا بعتذر يا مستر عن اندفاع ياسمين هي كذا من يوم وفاة ابننا وكل طفل بتشوفه هو
- البقاء لله ... انا مكنتش اعرف انكم خسرته طفل
-خسرناه قبل سنة... وياسمين دخلت في كتئاب حد وجربت تنتحر اكثر من مرة ... عشان كذا سيبت اسكندرية وجيت هنا وقدمتلها على شغل معيا عشان تبقى قدم عيني
- ربنا يعوضكم بالخلف الصالح .... انت كذا طمنتني على ابني انها في ايدين ام حنونة ربنا يحفظهالك ....
__________________________________
بعد عدت ساعات خرجت ملاك من المبنى الذي دخلت اليه ... فتحت هاتفها لتجد عدت اتصالات من اياد وشهد وسارة وعاصم
اخدت نفس عميق وتصلت ب اياد اولا ... ليرد عليها بعد عدة ثواني مردد بقلق :
-انتي فين يابنتي
-ازيك اتصلت بيا وكنت قافلة الفون
- قلقتيني عليكي يا ملاك ... انتي فين وليه قافلة تلفونك
إجابته بترباك حاولو جاهدة على عدم احساس اياد به قائلة:
- كنت في اجتماع ما انت عارف اني بدات الشغل النهاردة
-ااااه ... ماشي المهم عايز اقبلك
اهتز تغر ملاك بابتسامة تهكم مرددة:
-سلامة دماغك يا حبيبي احنا عايشين في نفس البيت هو انا مهجرة
- مش القصد عايزك برا بعيد عن الكل
-امممم ماشي نتقابل فين
-في الكافي الي جنب المستشفى.... اجي اخدك من  الشركة
- لا ملوش داعي انا هاجي مسافة السكة
وقفلت واخدت سيعارى اجرى متجهة الى ياد ... وفي طريقها اتصلت بشهد لترد عليها بحدة:
- انتي فين يا بنتي .... اتصل بيكي في الفون وعند مامتك وفي المكتب
عقدت حواجبها  بستغراب مرددة:
-في ايه الى حصل انا كنت مشغولة
- يا بنتي مش في معاد بينا عشان نروح نشتري الى ناقصك لزوم الفرح
-اوووبس انا نسيت خالص الموضوع ذا
-يا بنتي ارحمي امي العيانة انا واحدة حامل و الضغط  مش كويس ليا .... يا جبلة فرحك بعد اسبوعين مش هنلحق
-هنلحق انا هخلص موضوع مع اياد واجي اخدك من البيت ونروح المول نجيب كل حاجة - يارب ما تنسي ذا كمان
- لا مش هنسى ....يلا سلام بقى عشان وصلت
اغلقت الهاتف وتوجهت الى الداخل الى حيت مكان اياد ابتسمت بتساع وهي تجلس بالقرب منه:
- انا جيت
اجابها ببتسامة مماثلة قائل:
- ايه يا ست المهمة لازم ناخد مواعيد عشان نقابلك ولا ايه
-اتلهي ذا شغل يزهق... المهم الجميل عايزني في ايه
ردد جدية وهو ينظر الى عينيها:
- ليه عملتي كذا
- عملت ايه
-بلاش لف و دوران انتي قولتي لسعد انه يبعت يارا بدل محمد صح
ؤددت بقوة وثقة في نفس الوقت :
-انا لا بلف ولا بدور ... ايوا انا بعتها للمؤتمر
-ليه طيب الفرصة ذي كانت كويسة لمحمد اكثر
وجهت نظرها له نظرة تاقبة مرددة:
- وانت محموق كذا ليه يا دكتور بدل ما تشكرني اني بحمي بيتك من الخراب
-محموق ايه انتي سامعة بتقولي ايه انا مش بحب غير مراتي وبس
- يبقى خلاص... يارا لازم تبعد عنكم الحاجة الغلط الى حصلت ان خبينا عن جهينة و لو صح تعبير تناسينا ان نقولها عن ماضيك يا دكتور ..... الى لو عرفته دلوقتي هتنهار ومش بعيد تخسارها لو عرفت من حد ثاني
-طب اعمل ايه يا ملاك انا خايف اخسرها لو صرحتها
-يارا هترجع من المؤتمر بعد شهر وذي فرصتك انك تقولها لو جهينة عرفت من حد وخصوصا يارا هتدمر
-هحاول اقولها بعد فرحك
- مافيش هحاول في هقولها ذا الي لازم تعمله.... ويلا روحني عشان ممعياش عربية
-يالا بينا
___________________________________
في الادارة 
دخل رياض الى مكتب اخيه ليجده يركز نظره على ملف القضية بتركيز ليردد:
-عاصم .... يالا بينا وقت شغل خلص
رفع عاصم رأسه من الاورق وحرك رقبته بتعب: -ياااه ليه الساعة كام
-احنا بقينا العصر يا خويا
انتصب عاصم واقفا مردد بستنكار:
- يا نهار اسود انا نسيت ملاك في شركة ذي مرحتش بالعربية
ضحك رياض بقوة حتى ادمعت عينيه:
- يخريب عقلك انت نسيت مراتك... ياعم اتلهي تلاقيها في البيت بتتغدا اصلا
حمل عاصم هاتفه وتصل بيها لترد عليه بعد لحظات:
- ملاك انتي فين اتصلت بيكي كثير مردتيش
-كان عندي شغل وبعدين نزلت قبلت اياد ومروحين على البيت
- انتي مع  اياد دلوقتي
-ايو معاه ليه في حاجة
- لا بس انشغل بالي عشان مخدتيش العربية المهم لما توصلي طمنيني عليكي
ملاك : حاضر ماشي
___________________________________
في فيلا الشافعي
دخلت ملاك لتجد امامها والدتها التي ما ان رأتها حتى رددت بضيق :
-انتي فين يا بنتي قلبا الدنيا عشان نوصلك
-في ايه يا جدعان هو انا طفلة كنت في الشغل
- مش طفلة يا قلبي بس عروسة وفرحها قريب وهي دمها بارد
- خلاص يا ست الكل انا جيت اغير هدومي ورايحة عند شهد ارتاحتي
- اقعدي كلي الاول
هبقى اروح اكل عندهم مش مشكلة
رددتها ملاك وهي تصعد الدرج نظرت اليها اريج بستنكار  لتستدير  الى اياد مرددة:
-شايف اختك يا دكتور
-على اساس انك لما تشكيها ليا هنفعك في حاجة يا حجة بنتك مفترية وممكن تكسرنا ... انا رايح
- رايح فين انت كمان هو بيت مجانين ولا ايه
- يا ماما يا حبيبتي انا عندي شغل وسايب جهينة في المستشفى سلام بقى
__________________________________
في فيلا البدري
جلس الجميع بعد وجبة العشاء داخل الصالون
لتردد شهد بضيق:
-بقولك ناسية البنت هتجبلي الضغط
ضحك رياض بقوة وهو يردد:
- زيها زي جوزها هو كمان في شغل بينسى نفسه
-ازاي يعني انتوا مخرجتوش!!!بس دعاء قالتلي انها خرجت الظهر هتكون راحت فين
-قالتلي انها رايحة تشوف اياد وزمانها جايا عشان نخرج
-خلاص يبقى اخدكم
- لا بلاش سيبنا ستات في بعضنا
قطع حديتهم صوت الجرس ... ظن الجميع ان ملاك اتت لكن لم يصيبوا الهدف وقف الجميع بذهول من الضيف القادم
دخلت عليهم فتاة في غاية الجمال بشعر اسود قصير وعيون عسلية تلمع بالجمال ترتدي شورت جينز وتوب بحملات ابيض وتعقد على خصرها قميص بمربعات وعلى ضهرها شنطة صغيرة وبيدها تانية تجر حقيبة سفرها ..... وقفت امامهم تبتسم لهم بمرح
= هاااااي
عاصم ورياض في نفس الوقت: ليان.... مستحيل
لكن شهد رددت بهمس غاضب:
- كملت
اقتربت منها ماجدة تحتضنها وهي تردد بترحيب:
-ازيك يا ليان يا بنتي عاملة ايه
ليان وهي تحتضن ماجدة بحب:
-الحمد لله يا آنتي
وتوجهت الى شهد تضمها بقوة مرددة :
-ازيك يا شهد يا قلبي ... الله انتي حامل دلوقتي
نظرت لها ببتسامة صفراء مرددة:
-الحمد لله وانتي ازيك؟ اه حامل يا حبيبتي ... ايه الى جابك .... قصدي رجعتي امتى
- لسا وصلة حبيت اعملهالكم مفاجئة....ازيك يا رياض
رددتها وهي تقترب منه تنوي احتضانه..لكن اوقافتها يد شهد الذي انطبقت عليها بقوة وهي تردد بحدة:
-حيلك يا ابلة رايحة فين
- هحضنه ... ذا ابن عمي يا شهد
-لا يا قلبي مش بيحضن حد
-يااااي لسا زي ما نتي اولد فاشن ....
- احمد لله على سلامة يا ليان عاملة ايه
- كويسة الحمد لله
استدارت متوجهت الى عاصم وهي تردد بابتسامة متسعة:
- عصومة حبيب قلبي يا ناس
ولم تضع لهم الفرصة للاندهاش بحيت لفت يدها على عنقه وهي تقبل خده بتلقائية مرددة:
- وحشتني مووووت يا عصومة
تسمر مكانه من جراتها .... اما الواقفة عند الباب اشتعل غضبها وحمرت عينيها لتبتسم بقسوة مرردة:
- والله وحشتنا الشقاوة يا جدعان ..... وحياة امك لمسح بيكي بلاط الفيلا يا زبالة
قالت جملتها الاخيرة بصوت عالى افزع الجميع و اولهم عاصم