سلسلة شغف الانتقام: واشرقت شمس الحب

الفصل 5

حلى المساء ليجلب معه الفرح والسرور لابطالنا
في فيلا الشافعى نجد صوت الاغاني عالي والانوار تشع من كل مكان .... لما لا فصغيرتهم اليوم واخيرا ستتزوج بمن احبته من صغرها
نزل اياد يحتضن يد جهينة بحب وحماية لتقابلهم اريج التي الابتسامة لا تفارق وجهها لتزيدها جمالا على جمالها
- اتاخرتوا ليه يا ولاد الناس بدات تيجي
اياد وهو يقبل كف يديها بحترام مردد:
- اسف يا ست الكل بس مكنش ينفع انزل واسيب جهينة ... اول ماخلصت لبس نزلنا
- اسفة يا طنط انتِ عارفة اللبس بياخد وقت
-ولا يهمك يا حبيبتي .... كل يهون قدام جمالك الي بيزيد يوم عن يوم
نظر اياد ىجهينة بهيام وهو يحتضن خصرها مردد :
-شوفتي يا امي انا والله ماعارف اعمل ايه في جمالها الى بيزيد هتجنني اكتر ما انا مجنون بيها
ابتسمت جهينة بخجل وهي ترجع خصلتها للوراء دون حديث ليردد اياد متسائل :
- حسام فين؟
- فالجنينة مع عاصم ورياض
عقدت جهينة حاجبيها يتسائل وهي تبحث بعينها على امجد لتردد:
-انا مش شايفة امجد راح فين
-رح يجيب لينة ..
رفعت جهينة طرف فستانها لتستطيع الحركة مرددة ل اياد  :
-طب يلا نسلم يا اياد على عاصم وعيلته
وتحرك اياد رفقة معشوقته الى مكان تواجد عاصم
التفت اريج لتجد فارس يدخل معه زوجته اسيل اقترب منها يحتضنها بحب مردد بعتذار:
-انا اسف والله اسف عارف اني تاخرت بس غصب عني
نظرت اليه اريج بعتاب مصطنع مرددة :
- والله انتوا ما في منكم فايدة ... مافيش زي امجد حبيبي من الصبح يا عيني عليه واقف معنا من الصبح
ابتسمت لها اسيل بعتذار مرددة:
- انتِ عارف يا طنط اللبس و المكياج بياخد وقت
-ماشي هعديها النهاردة بمزاجي
-لينة جات مع امجد
- لسا يا حبيبتي امجد راح يجيبها
ابتسم فارس يحمتس مردد:
- عروستنا فين
إجابته اريج بفرحة تشع من عينيها دليل سعادتها بزفاف صغيرتها :
- لسا بتجهز ... حسام هيطلع يجيبها دلوقتي
-جهينة فين مش شيفاها
- في الجنينة مع شهد مرات رياض ... روحولهم
اخد فارس اسيل وتوجه الى مكان تجمع الجميع ليردد ما ان وصل اليهم ووقعت عينيه على عاصم :
- واخيرا ... واخيرا ربنا نفخ في سورتك وعقدتك اتفكت
ردد عاصم بضحكة عالية على كلامه قائل :
-شوفت ... الحمد لله
طبطب اياد على كتف عاصم مردد بضحك قاصد ازعاجه:
-متطمنش اوي كذا وتفرح ذا يادوب كتب الكتاب
شاركه رياض بنفس الضحك قائل:
-بلاش تستفزه يا اياد بدل ما يبوظ وشك الجميل
-سيبه راجل في حاله كفاية القلق الى باين على وجه
جز عاصم على اسنانه بعيد ليرد على حسام قائل :
-ليه شيفني بنت عشان اقلق.... وبعدين انا فرحان فرحة مش قادر اوصفها
حسام ببتسامة وهو يطبطب على ضهره بفرحة اخوية:
- ربنا يتمم فرحتكم على خير
- يارب ... ما تطلع تجيب اختك يا عم كل ذا تاخير
قال جملته الاخير برجاء فهو لم يعد يستطيع الانتظار اكثر ليرد حسام قائل:
-اتبث وهدا .. ملاك لما تخلص سارة هتقولي
___________________________________
عند البنات
نظرت لهم شهد بتعب مرددة:
- يا بنات انا جوعت هيفتحوا البوفيه امتى
ضحكوا الفتيات عليها عالية فهي منذ حملها وهي تأكل الأخضر و اليابس لترد جهينة من بين ضحكتها قائلة:
-يا بنتي اهدي وبطلي كل نص ساعة اكل  ارحمي نفسك شوية... انا اه قولت تختفي بصحتك بس لو فضلتي كذا الشعب مش هيلاقي حاجة ياكلها
لتردد اسيل بضحك قائلة:
- عندها حق لما تولدي هتلاقي صعوبة انك تخسي
نظرت لهم شهد بغضب مرددة بتوعد :
- بكرا تجربوا وتفتكروني...وهشمت فيكم على فكرة
رفعت اسيل يديها مردد بمرح:
-انا عن نفسي مش عايزة بيبي حاليا
عقدت جهينة حاجبيها بستفهام قائل:
ذي حاجة من عند ربنا مش هنتحكم فيها
- لا ما انا وخدة احتياطاتي
قالتها اسيل بمنتهى البراءة لتردد شهد بستهجان:
- بتاخدي موانع حمل يا اسيل
اومات لها اسيل بنعم مستنكرة سبب غضب شهد عليها ليأتيها الرد من جهينة التي رددت بغضب مماثل لشهد:
-نهارك اسود ... موانع حمل وذا بعلم الدكتور ولا من نفسك
رددت اسيل بقلق وعدم فهم لغضبهم:
-لا من الصيدلية مروحتش عند دكتور لسا
نظرت لها شهد بتوجس لتردد يترقب:
- فارس عارف بالموضوع ذا؟
- مجاش في بالي اقوله...بس هو اكيد عارف اني مينفعش اخلف حاليا عشان شغلنا
فقدت جهينة اعصابها لتردد بغضب من هذه الغبية :
- انتِ
مجنونة يا بت ... بتاخدي موانع حمل من خير علم جوزك ولا بعلم الدكتور... انتِ مش عارفة انها بضر وممكن لقدر الله تعملك عقم ... ذي غير فارس مش يمكن عايز اطفال تخيلي لما يعرف.. تخيلي رد فعل جوزك لنا يلاقي مراته مش عايزة تخلف منه
-ايييه.... انا والله ماعرف كل ذا... مين قال اني مش عايزه اخلف منه انا بس مأجلة الموضوع
رفعت شهد كأس العصير ترتشف منه بقلة صبر مرددة:
- غبية غبية مافيش كلام
- بت انت وقفي الى بتاخديه لحد ما تيجي عندي اكشف عليكي واشوف حل في مصيبتك
___________________________________
في غرفة ملاك
انتهت خبيرة التجميل من وضع لمستها الاخيرة على وجه ملاك  لتردد
-ماشالله طلعة تجنن .... افتحي عينك وشوفي بنفسك
فتحت ملاك عينيها بتردد تلقى نظره على نفسها لتفتح فمها بذهول
-مين ذي
شاكستها سارة مرددة :
-شفتي كنتي مخبية ايه في لبس الرجالة
-ذا انا طلعت مزه بحق وحقيقي ... خسارة فعاصم
-يبقى يسمعك عشان يقطم رقبتك
ضحكت ملاك مرددة :
- على رايك .. ميرسي بجد يا مد لي لي شغلك يجنن
-انتِ حلوة من غير اي حاجة انا بس اظهرت جمالك بس
القت ملاك نظرة اخيرة على نفسها لتبتسم برضى خرجت من شرودها على طرقات الباب لتردد  سارة بأمر :
- ادخل
ليدخل حسام مبتسما ... اتسعت ابتسامته عند وقوع نظره على صغيرته .... لا يصدق انها كبرت واصبحت عروس ... بل اجمل عروس
ابتسمت له  وهي تلتف حول نفسها مرددة:
- ايه رايك .. حلوة
اقترب منها حسام مردد  بفرحة تنط من حدقتيه قائل :
-تجنني ... بجد مش مصدق ان النهاردة كتب كتابك ...و انك كبرتي وبقيتي عروسة
-شوفت ازاي الموضوع صعب ... انا من رأيي تنزل عند عاصم وتقوله ان معندكش بنات للجواز..... اسمع مني بس
-طب يلا امشي قدامي بدل مرزعك بوكس اجيب اخرك
تنفست ملاك بعمق تخفف من حدة ثوترها مرددة:
-يلا بينا
>>>>>>>
تعالات صوت الاغاني وتوجهت الاضواء ناحية الدرج التي تنزل عليه ملاك ببتسامة خطفت بها قلوب كل من يوجد بالحفل لينظرون بحسد الى عاصم الفائز بهذه الجوهرة قلبا وقالبا .... اما صاحبنا احس فاجئة انه يطير فوق سحاب في عالم خاص .... خاص جدا بيه هو وصغيرته ..... تقدم منها وعيونه تنطق بكل معاني الحب والغزل والعشق الكامن داخل قلبه ....عينيه تبتسم بسعادة واخيرا فاز بحبيبته ... تقدم حتى وصل امامها ليتفاجئ الجميع و اولهم ملاك وحسام من ان عاصم يجلس على الارض باحدى ركبتيه ويخرج من جيب بدلته خاتم زواج غاية في روعة
ليردد بحب يظهر في كل كلمة ينطق بها :
- بنتي صغيرة ..... صحبتي . الحضن الحنين ... مجنونة قلبي ... نور حياتي .... هدية من ربنا ليا .... ملاك دخل البهجة لحياتي انا اهوا قدامك وبكل قوايا العقلية وبقولك .... بعشقك يا ملاك قلبي ونور حياتي .... تقبلي تتجوزيني
نظرت له ملاك بعدم تصديق وفرح ودموع سعادة :
- ابقى مجنونة لو رفضت
نظر لها بأعين تسع عشقا مردد:
-كان نفسي اخدك ف حضني بس المأذون مستنينا
البسها خاتم الزواج في اصبع يديها الايسر وطبع قبلة رقيقة داخل باطن يديها وتوجع الى مكان جلوس الماذون ليلتحق بيه بعد جلوس ملاك
>>>>>>>>>>>>>
في مكان بعيد
....... : يعني النهاردة كتب كتابهم اممممممم
- اي اوامر سيادتك او عايزة نخرب عليهم... نخرب عليهم ونقلب الفرح جنازة
رددت  ببتسامة شيطانية قائلة:
-مش دلوقتي خليهم يفرحوا شوية والفرحة تدخل لقلبهم انا مجهزلهم مصايب حتحرقهم حرق
- اومرك يا ريسة
-ابعته خبر ل لوسيفر  وقوله الشحنة هتدخل في معادها
الراجل بقلق: بس ذا خطر
- مافيش حاجة اسمها خطر وانا موجودة .... اعتبرني اخت ابليس في الارض
الراجل ببتسامة :
-تحت امرك يا ريسة
>>>>>>>>>>
نطق بيها عاصم براحة واغلق عينيه يستمتع بحلاوة هذه الكلمة " قبلت زواجها " ليرفع الماذون المنديل الابيض مرددا
= بركا الله لكما وبركا عليكما مبروك
اقترب منه حسام بحب يحتضنه مردد  :
- مبروك يا صاحبي ... مبروك عليك اجمل هدية ممكن ربنا يديها لحد... لو زعلتها في يوم هقتلك يا عاصم
أجابه عاصم بفرح تنط من عينيه قائل :
- ربنا ما يجيب زعل
انطلق بسرعة الى صغيرته التي تنظر له ببتسامة قبل جبينها مرددا بعشق :
- مبروك عليا حبك ومبروك عليا انتِ فحياتي
ابتسمت دون تعقيب ليضمها عاصم الى قلبه ويلتف بيها تحت تصفير وهتاف الجميع ... وصوت الزغاريت من ماجدة واريج ..... انزلها عاصم ووضع جبينه على جبينها بحب ليفصل لحضتهم اقبال الجميع اليهم للمباركة ....
بعد مدة من المباركة اخدت البنات ملاك لتحدت معها
-وبقيتي مرات اخويا يابت
ضحكت ملاك مرددة:
-وسلفتك ..... مش راكبة صح
احتضنتها جهينة بفرح مرددة :
-مبروك يا كوكو دخول عش الزوجية
- كنت عقول عقبالك بس اياد هيعلق امي
-هي الحكاية مش ناقصة ابوس ايدك
اقتربت منها اسيل بفرح تضمها مرددة:
- الف مبروك يا حبيبتي عقبال الفرح ونشوفك ماما كذا
رددت شهد بتهكم قائلة:
- شوف مين بيتكلم عن البيبي
- بس بقى فارس لو عرف هينفخني
- البنت ذي عملت ايه ..
نظرت لها جهينة بغمزة مرددة:
-ولا حاجة ركزي انتِ ف ليلتك
احتضنت ماجدة  اريج بفرح مرددة:
- واخيرا شوفنا العيال عرسان يا اريج
- قلبي رتاح بعد قلق وتعب سنين الحمد لله هطمن على بنتي مع راجل من صلب راجل بيحبها وبيخاف عليها من الهوا
ضحكت سارة مرددة :
- باللغة ثانية يا ماجدة ماصدقت خلصت من دوشتها
-ذي احلى حاجة في ملاك دوشتها
كاذت سار ترد لكن تحركت مبتعدة عنهم بعدما لمحت احد لتردد سريعا:
-طب عن اذنكم هسلم على حد و رجع
وتوجهت الى مكان دخول ادم المصري استقبالته بابتسامة ومعالم وجهها مستغربة لتردد:
-ادم بيه اهلا بحضرتك
نظر لها ببتسامة رزينة مردد وهو يصافحا برقي:
- اهلا بيكي و الف مبروك على الفرح
-الله يبارك فيك.... متوقعتش اشوفك هنا صراحة
ادم بنفس الابتسامة:
بيجمعني بزنس مع شركة رياض وهو عزمني 
-اهلا وسهلا بيك حضورك يشرفنا اكيد
ووقفوا يتجاذبون اطراف الحديث تحت نظرات الفتيات المصطفات صف واحدا ينظرون اليهم ببلاهة ..... وكذلك الشباب يقفون نفس الصف من جهة ثانية ينظرون لهم بذهول
*عند الفتيات
وكزت شهد  ملاك بمرفقها متسائلة بفضول :
- من ذا الى مع سو يا بت
-انا بشبه عليه
اتسعت اعين جهينة بعدم تصديق لتردد بغباء:
- الحقوا ذي سارة بتتشقط وش
-يارب يسمعك اياد عشان يقص لسانك ويرحمنا
بينما استدارت اسيل ناحيتهم مرددة بهيام :
- بس ذا جنتيل مان خالص يا بنات
نظروا لها شهد وملاك بستنكار ليرددوا في ان واحد :
-جنتل ايه يا اختي
-اووي ..... هو في كذا
-يا جزمة منك ليها لنتوا ناسين نفسكم انكم متجوزين

هزت لينة راسها بتأيد لكلام شهد لتردد  :
-عندكا حق .... انا بقى نونوت في دماغي وهتجوز ام غمازات دا .... ذا جمال مصري على حق
-ااااااه افتكرت ذا ادم المصري شريك سارة في الشغل الجديد
نظروا الفتيات الى ملاك بهتمام لما قالت لتردد  شهد بحسن نية:
- شوفتوا اهو شريكها في شغل بطلوا سوء ظن
-وجوزها ان شاء الله
ضحك الجميع على جملة ملاك الأخيرة التي قالتها وهي تراقب الوضع بينهما
*عند الشباب
تساءل رياض وهو يرى الود الذي بين سارة وادم  مردد :
-ادم المصري بيعمل ايهمع امك يا دكتور
اجابه اياد بغيظ مرددد:
-ورحمة ابويا ما عرف
اتسعت اعين الجميع مما يجري ليردد حسام بذهول :
- الله الله الله ..ذي سارة بتدلع وبتتكسف الى بيحصل ذا
ردد اياد بغضب وفي نيته توجه اليهم :
-ذا بيعلق امي الحيوان ذا
لكن حسام ورياض امسكوه في اخر لحظة مرددين:
-هدي اعضائك يا وحش
لكن كيف يهدأ غضبه زاد عندما صفق عاصم بكلية مردد بتسلية :
-العب يا سو سا جامد
-حد يسكت الحيوان ذا بدل ما ايدي تسلم على خلقته
* عند سارة
-تعال يا ادم اعرفك على ملوكة
أشار ادم الى طريق امامه مردد بلباقة :
- من بعد البرنسينة سارة
وتقدم ادم مع سارة ليقفون امام الفتيات المذهولين من تواجده حمحمت سارة يحدة علهم ينتبهون لتردد بابتسامة:
- ذا يبنات يبقى..
قاطعتهت جهينة وهي تتدخل تصافحه مرددة:
- يبقى اجمل واحد في سن الاربعين .... انا جهينة اخت سارة الصغيرة
ابتسم لها مردد وهو يصافحها :
- تشرفنا يا جهينة هانم
- يالهوي على هانم ذي
* عند الشباب
نظر لهم اياد بغيض مردد بغضب:
- الحيوان بيشقط امي ومراتي وحياة امي لقتله
امسكه فارس وهو يكاد يموت ضحك:
- اهدا يا بني هتبوظ فرحة اختك....... الله الله .... يابنت الكلب يا اسيل
نطق بيها فارس بصدمة ما ان راى اندفاع زوجته عند هذا الدخيل
* عند البنات
دفعت اسيل جهينة على جنب للتقدم مرددة :
- انا بقى اسيل.... صحبت العروسة ... اتشرفت بيك يا ادم بيه
-تشرفت بحضرتك يا اسيل هانم
نظرت لهم سارة بستنكار لتردد بضحكة مهزوزة محاولة استدراك الموقف :
- جهينة يا ادم تبقى مرات ابني اياد .... و اسيل مرات فارس اخه ملاك
نظرت لها الفتيات بضيق بينما تقدمت لينة بغرور وهي ترجع خصلاتها الى الوراء معرفة بنفسها:
- انا بقا لينة اخت اسيل تشرفت بحضرتك يا ادم بيه
-قوليلي يا ادم بلاش بيه
- اشطاا يا دومي
سارة وهي تجزعلى اسنانها مما يجري هل الفتيات فقدت عقلهن ام ماذا لتردد بحدة:
- لينة مرت امجد واخت اسيل
نظرت اليها لينة بحنق لتردد بعتراض مصححة :
-لا انا خطيبته بس
- بس يا اوزعة .... وذي شهد مرات رياض
اومات له شهد راسها دون السلام باليد
* عند الشباب
- ليلتك سودة يا اسيل الكلب
عض امجد  على قبضة يديه مردد بحنق:
-يا نهار اسود ذا جاي يقلب علينا نظام الحكم ابن الورمة .... انتوا شايفين بتضحكله زاي
- الحمد لله على مراتي حبيبتي شهد وعلى ملاك
ليردد عاصم ببتسامة تهكم وهو يرى ادم يتقدم إلى ملاك:
-خالينا نشوف المدام هتعمل ايه دورها جا
*عند البنات
- والقمر ذي ملاك بنت اخويا بس تربية ايدي
ابتسم لها  وهو يقبل يديها برقي مردد:
- تشرفت بحضرتك يا ملاك هانم.. طبعا غنية عن تعريف انجزاتك سبقاكي
نظرت له بثقة تهز من امامها قائلة :
-الشرف ليا ادم بيه ... طبعا ادم المصري  غني عن تعريف ... وشغله في تصميم والازياء لا يعلى عليه ... ذا غير البرندات المشهورة
نظر لها  باعجاب فهي فجائته ليردد:
-ذا انتِ مذاكرة
رفعة ملاك احد حاجبها لتردد بثقة وبمعنى :
- الى هيدخل لعائلة الشافعي حتى لو كان شعل بس لازم اجيب السي في بتاعه من يوم ولادته لحد ما يوقف قدامي
هز راسه بستحسان راقت له هذه الفتاة قوية ولا تخاف من شيئ ليردد:
- ولقيتي ايه
-لقيت انك تستحق الفرصة ذي وهيكون شرف لنا اكيد
وقف الجميع ينظر لهم بعدم فهم من الغازها هي و ادم بينما ابتسم ليزداد جمالا مردد:
-الرسالة وصلت يا ملاك هانم .... شكلنا هنتفق كثير قدام
-وذا يشرفني
قطع وصلت تعارفهم قدوم الشباب لهم وكل واحد احتضن خصر زوجته بتملك وينظرون الى ادم بعدائية بينما حسام يحتضن كف صغيره وعلى محياه ابتسامة هادئة.. تخالف ابتسامة اياد الغاضبة الذي ردد قائل:
-مش تعارفونا..ولا تعارف للبنات بس
اهتزت ابتسامة سارة لتردد برتباك محاولة الخروج من الموقف بأقل الخسائر:
-ذا ادم المصري شريكي الجديد
ابتسم اه رياض ليردد بترحيب:
-بجد فرحنا انك قبلت دعوتنا وجيت
- فرجنا جدا
قالها فارس بابتسامة جامدة ليدعمه امجد قائل:
-جداااا
- شرف ليا طبعا 
هز حسام رأسه بقلة حيلة من تصرفاتهم الصبيانية ليردد  بلاباقة:
-اخيرا تعرفنا على شريك سارة اتمنى لكم النجاح
- بابداع وعقلية سارة هانم هنعمل احلى شغل
طب عن اذنك هنسلم على ناس تعال يا ادم
سحبته سارة  ورحلت بعدما احست بالشباب تكتد تنقض عليهم من فرط الغيرة ما ان ابتعدوا حتى نظروا الشباب بجدة الى الفتيات
قبلرياض  جبين زوجته بحب وهو يقول:
- حبيبتي مش ترتاح انتِ تعبتي يا شهد
- بالعكس انا فرحانة اووي
-ماشي ياستي افرحي بس انتِ حامل لازمك راحة
هزت راسها بموافقة بينما تتابع عتاب الشباب زج امج على أسنانه وهو ينظر الى تلك الصغيرة التي تنظر له ببراءة مردد:
-قاعدة بتضحكي وتعلي وصوتك مسامع يا هانم
-ذا قد بابا يا امجد عيب تفكر كذا انت كذا هتزعلني منك
نطقت جملتها بكل ذهاء وبراءة ليردد امجد بحنق:
-وحياة خالتك
-يسلملي قلب حبيبي الى بيغار
اطبق فارس على خصر اسيا بقوة وغضب ليردد:
- ايه يا هانم مش تعملي احترام ل جوزك هتموتي وتسلمي على الراجل
-انا ابدا.... انا كنت فاكرة انه مطلوب وبشبه عليه ... عشان كذا قربت اتاكد من ملامحه
- ونبي يا ابله .... ووصلتي ل ايه
-طلعت تهيئات هيهيهي
ضم اياد يديه بغضب وهو يردد:
-عجبك اوي ابوا شعر ابيض
-انا ابدا ذا كان عينيه على ماماسارة وكنت بوصله فكرة انه يبعد عنها احسن ما شرحه
- لا هو من ناحية البراءة بريئة بس من ناحية الكلام بتهرتلي باي كلام
- انت تقصد ايه اني كذابة ....طب انا مخصماك
ضرب اياد  وجهه بكفيه بقلة صبر من هذه الفتاة التي تفقده تعقله:
- الصبر يا رب
اقترب عاصم بهمس مردد لملاك:
- كنتي بتتكلمي معاه في ايه
- كنت بقوله ان سجلك كله عندي .... لو لعبت بديلك هقطعهولك
عاصم وهو يقبل كف يديها بأعجاب مردد:
- قطة شرسة على عيلتها
- اومال فاكر ايه
-رقصة السلو يالا بينا
واخد عاصم ملاك الى مكان الرقص ليبتدوا رقثتهم الاولى على اغنية نشيد العاشقين
والتحق بيهم اياد وجهينة ... فارس و اسيل... لسنة وامجد....وسارة و حسام ...... واصغر كابل عندنا سيف ولارا .... بينما رفض رياض خوفا على زوجته من تعب
ليغلق الليل ستاره على عشاق اجتمعوا اخيرا
>>>>>>>>>>>>>>>>>>
في قصر المحمدي
نجدها تقف بقلق على اعتاب غرفة والدها ومعها خطيبها الذي كتب كتابهم قريبا ينتظرون خروج الطبيب وما ان خرج ردد بأسف:
-اتاخرنا يا جود ..... البقاء لله
هزت جود  راسها بدموع وعدم تصديق:
- انت بتقول ايه مستحيل
احتضنها عدي بدعم مردد:
-ازاي حصل يا دكتور
- المرض انتشر في جسمه وحالته كانت متدهورة شكله ماقالش حاجة عن مرضه
-انا عايزة بابي
- بس يا حبيبتي .... ربنا يرحمه .... انا جنبك لحد اخر نفس ليكي