ချောက်ချားဖွယ်ရာဘော့စ်ကြီးကို ၃၆၃ရက် ပွတ်သီးပွတ်သပ် လုပ်ပြီးနောက်...

Part 23

23 01

အပိုင်း (၂၃) စိတ်အနှောက်အယှက်ဖြစ်ခြင်း

ခေါင်းဆောင် သူ့အား ဦးဆောင်စေသော ဤစွမ်းအားရှင် အယောက်နှစ်ဆယ်သည် အင်အားမမျှကြသော်လည်း အတော်လေး နာခံတတ်ကြသည်။ စည်းကမ်းရှိကြကာ ပင်ပန်းသည်ဟု တစ်ချက်မှ မငြီးဘဲ လုပ်ရမည့်အလုပ်ကို သေသပ်စွာ လုပ်ကြသည်။ မဟုတ်လျှင် ကျန်းကျိရင်၏ မြှုပ်နေသော စိတ်မရှည်မှုလေးကြောင့် သူတို့ကို ထိန်းချုပ်နိုင်မှာ မဟုတ်ပေ။

တိုက်ပွဲပြီးသွားပြီးနောက် အထောက်အပံ့အဖွဲ့သည် တိုက်ပွဲကွင်းပြင်ကို စတင်ရှင်းလင်းတော့သည်။ တိုက်ပွဲမှ အကြွင်းအကျန်များကို သေချာစံနစ်တကျ အမျိုးအစား ခွဲပြီးနောက် နေရာလွတ်စွမ်းရည်ပိုင်ရှင် အားခုန်းက သိမ်းလိုက်ပြီး စခန်းပြန်ကာမှ ခွဲဝေကြမည် ဖြစ်သည်။

ယွီလင်အခြေစိုက်စခန်းသို့ ကျန်းကျိရင် စရောက်သည့် နေ့တွင် ကျန်းကျိရင်သည် အခြေစိုက်စခန်း ပတ်ပတ်လည်မှ မွန်းစတားများအားလုံးကို ဖြေရှင်းခဲ့သည်။ သူ၏ အဆင့်လေး စွမ်းရည်နှင့်ဆိုလျှင် ထိုမွန်းစတားများက စကားထဲ ထည့်ပြောရန်ပင် မလိုပေ။ ထို့ကြောင့် ဤအချိန်သည် သူ၏ စွမ်းအားအစစ်အမှန်ကို ဖုံးကွယ်ထားရန် အသင့်တော်ဆုံးအချိန်ဟု စဉ်းစားမိသည်။

ထပ်ဖြည်ပြောရလျှင် "နောက်ဆုံးသောနေ့ရက်များမှ သစ္စာတရား" ဝတ်စုံသည်လည်း ပျက်ဆီးတတ်သည်ဖြစ်ရာ အချိန်အကြာကြီးဝတ်ထား၍ တစ်စုံတစ်ခု ပျက်စီးသွားမည်ဆိုလျှင် ပြင်ဆင်စားရိတ်က ကြီးလွန်းသည်။ ထို့ကြောင့် အစောတုန်းက သူ၏ ဝတ်စုံကို ချွတ်၍ သိမ်းထားလိုက်ပြီး သာမန် အဆင့်လေး ရေခဲစွမ်းအားရှင်များအတွက် ထုတ်ထားသော ရိုးရှင်းသည့် ဝတ်စုံကိုသာ ရွေးဝယ်ဝတ်ခဲ့သည်။ အပြင်ပန်းတွင်တော့ သူသည် သာမန် ရှပ်အဖြူနှင့် ဂျင်းဘောင်းဘီကိုသာ ဝတ်ထားခြင်းဖြစ်သည်။

ဤဝမ်းဆက်မှာ Item Store တွင် အလွန်ဈေးပေါပြီး ဆယ်ယွမ်သာ ပေးရကာ ကန့်သတ်ချိန်လည်း မရှိဘဲ ရာသက်ပန်ဖြစ်သည်။

ဤတိုက်ပွဲပြီးသွားပြီးနောက် ဂိမ်းထဲမှ လူများမှာ ကျန်းကျိရင်ကို ပို၍ လေးစားလာကြသည်။