ချောက်ချားဖွယ်ရာဘော့စ်ကြီးကို ၃၆၃ရက် ပွတ်သီးပွတ်သပ် လုပ်ပြီးနောက်...

Part 49

အပိုင်း (၄၉)

ကျန်းကျိရင် Item Storeမှ ကိုယ်ပျောက်အဆောင် ဆယ်ခုဝယ်ခဲ့ပြီး ချက်ချင်း အသုံးပြု၍ မုဝေါမြို့ရှိ လျှို့ဝှက်ဓာတ်ခွဲခန်းဖြစ်သော lab-E တည်ရှိရာနေရာသို့ ညနေပိုင်းတွင် သွားခဲ့သည်။

ဤသည်မှာ Item Store ရှိခြင်း၏ ကောင်းကျိုးဖြစ်သည်။ Item Store မှ ပစ္ဏည်းတော်တော်များများမှာ ဤကမ္ဘာတွင် မရှိသော ပစ္စည်းများသာ ဖြစ်လျှင်ဖြစ် ရှိလျှင်လည်း ရှားပါးလွန်းသော ပစ္စည်းများသာ ဖြစ်သည်။ ဤ Item Store ကို အသုံးချခြင်းသည် ဤကမ္ဘာ၏ စည်းမျဉ်းများကို ကျော်လွန်ဆန့်ကျင်နေသော်လည်း ဖုံးကွယ်ထားပြီး ပေါ်သွားလျှင်လည်း ပြဿနာမရှိပေ။

ကျန်းကျိရင် ကိုယ်ပျောက်အဆောင်များကို ဆက်တိုက် အသုံးပြုပြီး နှစ်ရက်တိုင်တိုင် ထိုဓာတ်ခွဲခန်းသို့ သွားခဲ့သည်။ ထိုမြေအောက်ဓာတ်ခွဲခန်းသည် သူတို့နှင့် အလွန်နီးပြီး လူလည်း သိပ်မရှိသည်ကို တွေ့ခဲ့သည်။ တဖြည်းဖြည်းနှင့် ထိုနေရာတွင် နေသူမှာ ခုနှစ်ယောက် ရှစ်ယောက်သာ ရှိတော့သည်။ သူတို့အားလုံး၏ အဆင့်များသည် သူတို့ အမှတ်ခုနှစ် စခန်းနှင့် အမှတ် သုံး စခန်းတို့ထက် များစွာ သာသည်။ သူတို့ထဲမှ အများစုသည် အဆင့် ငါး သို့မဟုတ် ခြောက်လောက်ရှိနေပြီဖြစ်သည်။

ခေါင်းဆောင်ဆိုလျှင် အဆင့်ခုနှစ်ပင် ရောက်နေပြီဖြစ်လောက်သည်။ သို့သော် စခန်း အမှတ် ခုနှစ်နှင့် အမှတ်သုံးတို့သည် လူအင်အားတွင်တော့ အားသာချက်ရှိသည်၊ သူတို့အားလုံးပေါင်း တစ်ရာကျော်သည်။

တစ်ဖက်အဖွဲ့၏ စွမ်းအား အသုံးပြုမှုသည် အလွန်ကို ပရမ်းပတာနိုင်ပြီး စနစ်မကျသော်လည်း သူတို့တွင် သူတို့၏ အိမ်ကွင်းဖြစ်သော ဓာတ်ခွဲခန်းတွင် တိုက်ခိုက်ရမည်ဖြစ်သောကြောင့် အပြတ်အသက် အားသာသည်ပြော၍ရသည်။

ကျန်းကျိရင် ပထမတစ်ခေါက် တိတ်တိတ်လေး ဆင်းသွားသော်လည်း အလွန်ကို အထိမခံသော ခန္ဓာကိုယ် အပူချိန်နှင့် ဦးနှောက်လှိုင်းများကို ဖတ်နိုင်ပြီး အချက်ပြနိုင်သည့် သတ္ထု တံခါး မည်းမည်းကြီးကို ဝေးဝေးကကြည့်ပြီး လှည့်ပြန်ခဲ့ရသည်။ ထိုတံခါးသည် မည်သည့်သက်ရှိလူကိုမဆို စကန်ဖတ်နိုင်ပြီး ကိုယ်ပျောက်အဆောင်နှင့်ပင်လျှင် မလွတ်နိုင်သေးပေ။