أحببتك في الخفاء باللهجة الجزائرية 💌

30

سما :
كنت مع اريان ، غير سمعت صوت رصاص قلبي انخطف ، و لصقت في كرسي ، مراهيش ساهلة و خاصة و انا عارفة بلي ايتام راه تم
شويا و سمعنا صوت انفجار
: اريااان واش صرا
اريان : ماصرا والو ، راهي ضمن خطة
بلعت ريقي و قعدت نستنا غير وقت لي يرجع فيه ، سمعنا حس على طنوبيل ، أريان همسلي باه نبقى و نهبط تحت و هو رفد سلاحو  و بعدها صوت طلق و باب تع طنوبيل انفتح ، أريان وقف من جيهتي و حماني بجسمو ، ظهر بنادم مور باب بصح مقدرتش نشوفو ، أريان مغطيني
ملاك : ملاك ، ولا قول عزرين
أريان : عزرين ؟ ضحكتيني علابالك 
ملاك : راك خازنها موراك
طلعت راسي كانت ملاك وقفت ، بصح أريان مخلانيش نقرب
: واش راكي باغية مني
ملاك : راكي عارفة مليح واش باغية
: حاجة لي تحوسي عليها مستحيل توصليها
ملاك : كون نقتلك راح يكون كاين احتمال
: في أحلامك و مستحيل يتحقق
رفدت سلاح في وجهي ، دور أريان يدو عليا و خلاني موراه
أريان : اذا بغيتي توصليها لازم تتخطايني
ملاك : مرتك ، جيهان
شفت في وجهو ملامحو تبدلت و نظرتو ولات مظلامة يدو زيرت على سلاح ، قدرت تمسلو نقطة حساسة
: مرتي وين تعرفيها
ملاك : تعرفت عليها في سبيطار في الجزائر ، مسكينة كانت حامل بتوأم و جات راح تفوت عند طبيبة ، خبرتني بلي راهي هنا مؤقتا و تعاود تولي ل روسيا بصح كيما قالت هيا نحب الجزائر على جو روسيا بارد نخاف من برد ، مسكينة كانت حاسة بلي يماتها راح يكملو
أريان بدا يرجف و يفقد في اعصابو ، مكانش حاكم سلاح مليح و بدا يهتز و يديه يرجفو ، ملاك كانت تشوف فيا ،
أريان : شوفي روحي من لا نفرغ فيك سلاحي
ملاك : وبلاك انا لي نفرغ
مع كلماتها تالية ، انطلق صوت رصاص ، عيطت و حطيت يدي على وذني
معرفتش شعال من طلقة كانت تطلق ،
فتحت عيني لقيت أريان طايح و يدو و رجلو يعومو في دم و رصاصة في نص صدرو وكرشو  و ملاك طايحة تتوجع
: اريااااان نوووض
أريان : راني مليح ماصرا والو
: عيطي ل ايتام بسماعة لي راني دايرها
نحيت سماعة من وذنو و بلاصيتها في وذني ، درت ل ملاك لقيتها فاقدة الوعي و تأن من ألم ، شفت في أريان لقيتو تغاشى ، حطيت يدي على رقبتو بصح نبض مكاش ، بديت نعيط و نبكي بإسم أريان ، بسبابي مات ، صوت إيتام من سماعة فطني ، بعدما عيطت ل إيتام ، بقيت نشوف في نبض و نفس شي مكاش ، عروقو مكانوش يتحركو حتى ، في رقبتو يدو ، بديت نبكي و نشهق ، مات مات
أريان : مكانش علابالي راح تبكي عليا قع هك
طلعت راسي و نفيت راسي واش راني نسمع ،
أريان : مزال ما مت و قولي ل راجلك يخف روحه بسك يدي راح تولي مشلولة
ايتام : واش كاين هنا
أريان : والو مرتك برك دير في دراما
جا عندي إيتام حط يديه على خدودي ،
إيتام : كاش ما صرالك
طرطقت بالبكاء من جهة خوف لي كان حاكمني ومن جهة أريان كي حسبتو مات و من جهة ملاك
بديت نبكي و نتأتأ كي دراري صغار ، حضني و قعد يسكت فيا
: هو , مات ، دارها بلعاني ، مكانش نبض
إيتام : اششش راه حي ما صرا والو
مور ما هديت ،
حكم إيتام أريان  و نوضو
إيتام : حسابك معايا و وامبعد
أريان : علاه غير انت لي تبكي عليك انا تاني خصني شكون يبكي
نحالو إيتام درع مقاوم الرصاص و لي كانو لاسقين فيه زوج رصاصات تع صدر و كرش ، و إصابة كانت سطحية في يدو و رجلو
عيط إيتام ل رجالو طلب منهم يدو ملاك ل سبيطار و من تم يديرولها احالة للسجن ، و أريان داوه ل سبيطار بصح مافيا معلاباليش واش صرالهم ، حاجة لي نعرفها انهم قبضو عليهم
كنا في سبيطار علا جال أريان و زاك كان ديجا جهز طيارة و و اوراق خروج ، كي تفكرت أريان بلي راح يبقى وحدو هنا منقدرش نقول مازعفتش و خاصة أنو دا انتقام تع مرتو
إيتام : واشبيها برانساس
: أريان
قلب عينيه
إيتام : قط بسبع ارواح واشبيه تاني
: يقعد وحدو هنا بلا حتى واحد
إيتام : واش راح نديرلو ولدتو و نسيتو
: اووف إيتام أهدر معاه بلاك يجي ل ايطاليا
إيتام : معناها لازم يلحقني قاع حياتي
ضربتو ب مرفقي
إيتام : دوك نهدر معاه