Unicode & ZawGyi
𝑴𝒚 𝑨𝒏𝒈𝒆𝒍 𝑽𝒊𝒍𝒍𝒂𝒊𝒏 ! ♡︎☾︎☾︎
ကိုယ့်ရဲ့ ဗီလိန်နတ်သမီး 💖(၁၈)
ဒီနေ့ဟာ ဖြူစင်မြင့်မိုရ်အတွက် အတက်ကြွဆုံး
ဖြစ်သည်။ မနက်မိုးမလင်းကတည်းက လပြည့်ဝန်းမေကို သူမကိုယ်တိုင်သွားနှိုးပြီး
သူမအခန်းထဲသို့ ခေါ်ထားသည်။
ထိုသို့ ခေါ်ထားရသည့် အကြောင်းအရင်းမှာ....
"ဒီအဝတ်အစား ငါနဲ့လိုက်လား ရွေးပေး"
ရှိသမျှ အဝတ်အစားတွေကို ဗီဒိုထဲမှ
ထုတ်ရွေးပြီး ဝတ်ကြည့်နေတဲ့ ဖြူစင်မြင့်မိုရ်ကို
လဝန်းဟာ လှတယ်ဟု ပြောရသည်။
မနက် ၅ နာရီကြီး လာနှိုးပြီး အခုချိန်ထိ
အဝတ်ရွေးတာ မပြီးသေးတဲ့ ဖြူစင်မြင့်မိုရ်။
အချိန်အားဖြင့် မနက်၇ နာရီတောင် ရှိပင်ဖြစ်သည်။
"ဒီနေ့ ငါနဲ့ကိုကိုနဲ့ Time City သွားကြမှာ"
ဖြူစင်မြင့်မိုရ်ဟာ မှန်ရှေ့မှာ ဟိုလှည့်ဒီလှည့်နေရင်းမှ လဝန်းဘက်လှည့်ပြီး ပြောလာသည်။
"ငါ့ကို ကိုကိုက ညနေဘက်လောက်
သူ့ကားနဲ့ လာခေါ်ပြီး လိုက်ပို့မှာ.."
"....."
"ဪ...ဒါနဲ့နင့်လိုတောသူမက Time City
ရောက်ဖူးလား?"
လဝန်းကို ခနဲ့သလို ကြည့်ကာ ပခုံးတွန့်ပြီး
ပြောလာတဲ့ ဖြူစင်မြင့်မိုရ်။
"အေးပေါ့လေ....ဘာအဆင့်အတန်းမှ
မရှိဝောာ့ Time City လိုနေရာမျိုး
ဘယ်ရောက်ဖူးပါ့မလည်း?"
"နင့်ကိစ္စ မပြီးသေးဘူးလား?
ငါ့ပန်းပင်တွေ ရေလောင်းရဦးမှာမို့လို့"
"အဟွန်း...အိမ်မှာနေပြီး အပိုတွေလုပ်မနေစမ်း
ပါနဲ့၊ ဘာမှ အရည်ရအဖက်ရတာလည်း
မဟုတ်ဘဲနဲ့..."
ထိုသို့ ပြောပြီး မှန်ရှေ့ကို ပြန်လှည့်သွားတဲ့
ဖြူစင်မြင့်မိုရ်။
ထိုသို့ဆိုလာတဲ့အထိ လဝန်းဟာ သူ့ကို
ဘာတစ်ခွန်းမှ မဆိုသေးပါ။
"နင့်ကိုနောက်နေ့ကစပြီး တောသူမလို့
ခေါ်မယ်နော်...အဟွန်း"
"....."
"တောသူမပေါင်းတဲ့ သူငယ်ချင်းတွေကလည်း
လူသတ်သမားရဲ့သား၊ လောင်းကစားသမားရဲ့သား၊ ပြည့်တန်ဆာမရဲ့ သား...,ပြီးတော့
အထည်ကြီးပျက်ရဲ့ သမီး"
أنت تقرأ
𝑴𝒚 𝑨𝒏𝒈𝒆𝒍 𝑽𝒊𝒍𝒍𝒂𝒊𝒏 ! ♡︎ (ကိုယ့်ရဲ့ ဗီလိန် နတ်သမီး)
عاطفيةလူတိုင်းမှာ ပုံပြင်တစ်ပုဒ်ကိုယ်စီ ရှိကြတယ်... နတ်သမီးပုံပြင် ဒါမှမဟုတ် ဗီလိန်ပုံပြင်ပေါ့? ဒါပေမယ့်..... ကျနော်ချစ်ရတဲ့ နတ်သမီးလေးက ဗီလိန် အဖြစ်နဲ့ဟန်ဆောင်ထားခဲ့တဲ့ ကျနော့်ရဲ့" La Won"..... Nay Swan Mahar ( SUN☄️)
