ليتك كنت... ( صالحا )

💘الفصل ٣٤💘

دائما و ابدا ....اختيار الله لنا كله خير ....وقت المحنه نظن انها النهايه....و حينما تنتهي نجد ان الله بلطفه و رحمته كان يريد بنا خيرا
ليتنا نعلم ان الله ارحم بنا منا ...ليتنا نترك امرنا كله له ...وقتها فقط سنعيش جنته علي الارض
______________

وقف شريف بعد ان سمع ما قاله صالح لليلي و شعر ان الدنيا تدور به و حينما لاحظ صالح عدم توازنه امسكه من زراعه و قال بقلق : عمي ارجوك اتماسك عشان نتصرف صح
ابعده شريف بقوه و قال بنبره خرجت من الجحيم : يعني الي سمعته صح ....عرفت الكلام ده منين اااااانطق
ليلي : اهدي يا ش....
قاطعها بصراخ : باااااس مش عايز اسمع غير الحقيقه
نظر لصالح بانكسار و قال بنبره رجل طعن في شرفه : قولي يا بني عرفت منين يعني الي جوه ده مش ابني ....يعني انا عشت اكتر من تلاتين سنه مغفل
صالح بحكمه : عمي من فضلك تعالي معايه و انا هحكيلك كل حاجه بس مش هنا ممكن اي حد يسمعنا و تبقي فضيحه و احنا لازم نرتب نفسنا الاول الموضوع مش سهل

عاد الجميع الي القصر ووجدو كلا من رميساء و ملك و داليا اما ليله فقد كانت ترافق صديقتها بعدما ادخلها سعد احدي الغرف بالاعلي
رمزيه : انتي ازاي متجيش تطمني علي اخوكي هااااا صحيح زي امك جاحده
نظرت لها داليا بنظرات خاويه و لم ترد عليها
اما رميساء فمالت علي ملك و قالت بهمس : بلاش يعرفو ان مروه فوق دلوقت لحد ما صالح يجي
نظرت لها ملك و هزت راسها علامه الموافقه و هي مشغوله البال علي زوجها الذي ذهب منذ قليل وهو يشعر بالقهر بعد الذي عرفه

تجمع كلا من سعد...علي...حكيم..امام المشفي مع عدد لا باس به من الحرس اما شريف فقد جلس داخل احدي السيارات هو و ليلي يستمعون لما يقصه عليهما صالح من اول ما بدأ يتصنت علي هاتفها الي ان سمعها منذ قليل و قد انضم لهم حكيم و بعد ان انتهي صالح قال بخذي و هو لا يستطع النظر لخاله : و الي متعرفهوش ان جاسم عارف الحكايه كلها
انتفض صالح من مجلسه و قال بنبره خرجت من الجحيم : يعني ايه ...كان عارف انه ابن مااااااهر مين قالك انت كنت عااارف و مغفلنا
نظر له حكيم بعتاب و قال : مش هلومك يا صالح لاني في نظركم ابن راجل خاين و جبان ..دمعت عيناه و قال بحزن : بس انا مش زيه اقسم بالله انا مش زيه انت الي مربيني يا خالو متخدنيش بذنبه
نظر له شريف مطولا وهو يشعر كانه مثل الطير المذبوح ثم قال بتعقل : و من امتي و انا باخد ذنب حد بحد تاني يا حكيم انت ملكش دعوه بالموضوع ده خالص و عشان انا الي مربيك بقولك انت كل مشكلتك انك ابنه بس عايز اعرف عرفت منين الكلام ده
حكيم : داليا هي الي قالتلنا من شويه اصلها من كام يوم سمعت مامتها و هي بتكلم ماهر و.....قص لهم كل ما قالته داليا فقالت ليلي ببكاء : يعيني عليكي يا بنتي عشان كده كانت مقهوره و مش قادره تفضفض لحد
اخذ صالح يضرب علي تاره القياده حتي كسرت و جرحت يده وهو يصرخ قائلا : ابن الكلللللب و كان بيحضن مرااااتي و يبوسهاااا و كماااان يخرج معاها علي انه اخوهاااااا هقتلهم اقسم بالله هقتلهم
رد عليه شريف بكسره : ياااااااه انت زعلان عشان كده احمد ربنا انه منمش معاها و غفلك زي عمك و الا كان اغتصبها عشان يكسرك.....تحول الي وحشا كاسر بعد ان نفض نبره الانكسار و قال بشر : خلي حد مالحرس يوصل ليلي القصر و اطلع بينا علي فيلا ماااااهر اكيد راحتله بسرررعه قبل ما يهربو
نظرت ليلي له و قالت بخوف : بلاش يا شريف عشان خاطري ميستهلوش تضيع نفسك عشانهم
من غير ان ينظر لها هبط من السياره و قال : اساااااامه...وقف امامه منتظر اوامره دون ان يتفوه بحرف فقال له : وصل الهانم للقصر و خليك هناك محدش يدخل او يخرج ساااامع