ليتك كنت... ( صالحا )

💘الفصل ٤٤💘

بجد شكرا علي اهتمامككم بالسؤال عليا انا بجد بحبكم جدا و الله و بامر الله هرجع ارد عليكم تاني لاني افتقدتكم جدا اليومين دول
_____________

العشق هو....ان تذوب فيمن تحب ...تشعر باتحادكما معا ...لا يكون قطعه منك ....لاااااا....هو كلك و انت بعض منه......هو روحك و انت الجسد ...تسير علي خطاه حتي في غيابه....عينك لا تري غيره .....و لا تحيا الا .....باستنشاق انفاسه......التي تتغلغل داخلك فتعيد لك الحياه بعد ان مت في بعده
_____________

جلس الجميع علي اعصابه في انتظار افاقه صالح و برغم طمأنه مازن لهم الا انهم لن يجدو الطمأنينه و راحه القلب الاا بعد ان يفيق و يحادثهم
اما صغيرتنا التي كانت تتلظي فوق نار الخوف علي حبيبها جلست مستكينه الهيئه ثائره القلب و الروح في انتظار سماع صوته ليروي عطش شوقها له بعد ان وعدها علي انه بمجرد ان يستعيد وعيه سيجعله يحادثها.... و قد رفضت ان يقوم الطبيب الذي ارسله والدها لها بفحصها نظرا لكونه رجلا فهي لن تخالف تعليمات نصفها الثاني ابدااا مهما حدث حتي في غيابه ستحترم رغبته و غيرته عليها و ستفعل ما اعتادت عليه معه حتي يعود لها سالما
و ها هو قد رأف بحالها حينما فاق من أثر المخدر و اول ما نطق كان اسمها
التف حوله الجميع بلهفه ملأت وجوههم فقالت ملك و التي كانت الاقرب له : صالح حمد الله علي سلامتك يا حبيبي
جاهد لفتح جفونه حتي استطاع ان يري الجميع فقال بصوت مجهد : ليله فين
ابتسم له علي و قال : فالقصر مستنيه اتصل بيها اطمنها عليك عشان رفضت تخرج زي مانت موصيها
حاول الاعتدال و قد دبت في جسده القوه بعد ان شعر بالفرحه تغذو كيانه فصغيرته صانت وعدها و عهدها له و هو لن يتركها تتالم في بعده عنها و هو في تلك الحاله و حينما المه جرحه امسكه شريف برفق وهو يقول بقلق : متتحركش يابني عشان جرحك قولي عايز ايه و انا اعمله
رد عليه بصوت مجهد : عايز تليفون اتصلي بليله
اخرج شريف هاتفه و طلبها و ما ان ردت عليه بصوت يملأه الالم و الخوف حتي انتفضت من مجلسها حينما سمعت صوت حبيبها ينطق باسمها و كأنه يسمعها احلي كلمات الحب : ليييله
ردت عليه من بين دموعها : قلب ليله و روحها و عمرها
ابتسم بحلاوه و قال : انا لسه. فايق و قولت اطمنك ...سمع صوت تنفسها وهي تحاول ان تكتم بكائها فقال بحزن : اهدي حبيبي متعيطيش عشان خاطري انا كويس و الله
ردت عليه من بين دموعها المنهمره و قالت : انا نفذت وعدي ليك بس مش هقدر استحمل اقعد بعيد عنك اكتر من كده ارجوووووك خلي الحرس ياخدوني ليك
صمت للحظات ثم قال بحسم : طب اقفلي و انا شويه و هكلمك و هقولك مين هيجيبك
برقت عيناها بعدم تصديق و قالت : اوعي تكون بتضحك عليا...هزعل و الله
ابتسم علي طفولتها و قال : انا عمري قولت كلمه و رجعت فيها انتي عايزه تشوفيني و تكوني جنبي و انا هعملك الي انتي عيزاه يلا اقفلي بقي
نظر له جده بغيظ ممزوج بفرحته بعد ان راه يتحدث امامه : انت سايبنا كلنا هنموت مالقلق عليك و مدتش فرصه لحد انه يكلمك و قاعد تحب فالتليفون
رميساء : عادي يا جدو متزعلش اصل احنا كلنا في كفه و ليلته في كفه لوحدها
نظر لاخته بحب و قال : انتي حبيبتك اخوكي يا ريمو و محدش ياخد مكانك ابدا...نظر لجده و قال : انتو كلكم معايا هنا و هي نفذت كلامي و مطلعتش مالقصر يا جدي و اكيد هتتجنن مالقلق
ملك : الصراحه انا مش قادره استوعب هي ازاي قدرت تمسك نفسها و متجيش معانا
الجده : ربنا يهديكم لبعض يابني و حمد الله علي سلامتك
صالح : الله يسلمك يا تيتا ...نظر لعلي و قال : مازن فين
علي : تقريبا في مكتبه
صالح : اندهولي بسرعه
شريف : ليه يابني في حاجه وجعاك
زفر صالح بتعب و قال : حد يندهو بقي
خرج علي مسرعا ليحضره له