"လုမော်.."
"အေးပြော မနက်အစောကြီးဘာလို့ဆက်တာလဲ"
"မင်းကို ကူညီပေးခိုင်းစရာရှိလို့"
သိုက်ဂုဏ်စိန်သည် လုမော်အား အကူအညီတောင်းစရာရှိသဖြင့် မနက်အစောကြီး ဖုန်းဆက်လိုက်ခြင်း ဖြစ်သည်..။ အကူအညီမတောင်းစဖူးသူသည် ရုတ်တရက် ကူညီပေးခိုင်းစရာရှိကြောင်း ပြောလာသဖြင့် လုမော်အနည်းငယ်အံ့သြသွားရ၏..။
"ဘာကိစ္စတုန်း ငါ့ကိုအကူအညီတွေတောင်းလို့"
"မင်းကူညီမှာလား မကူညီဘူးလား"
"နေဦးလေ မင်းတောင်းမယ့်အကူအညီကို ငါမှမသိသေးပဲ"
"အေး အခုပြောမယ် ၊ သေချာနားထောင်"
"ပြော.."
"ရွာတစ်ရွာကသူဌေးကြီးတစ်ယောက် သူတို့အိမ်ရဲ့စီးပွားရေးသိပ်မဟန်တော့လို့ ငါဆီရောင်းချင်တယ်လို့ပြောတယ် ၊ သူတို့စီးပွားရေးအခြေအနေကို ပိုသိရအောင် ငါရွာဘက်ဆင်းမလို့ ၊ အဲ့တာမင်းကိုအဖော်လိုက်ခိုင်းဖို့ ဖုန်းဆက်ပြောတာ"
"မင်းဘယ်နှစ်ရက်သွားမှာလဲ"
"၁ပတ်လောက်ပေါ့"
"၁ပတ်ပဲပေါ့ အဲ့ဆိုရတယ်.. ဘယ်အချိန်သွားမှာလဲ"
"ဆယ်နာရီလောက်ဆို သွားမယ် ၊ အထုပ်ပြင်ထား"
"အေး မင်းကားနဲ့လာခေါ်မှာမလား"
"အင်း.."
"အဲ့ဆို ဒါပဲ.."
**************
ငွေနှောင်းသည် အိပ်ရာထဲ သတိမေ့မျောနေဆဲ..၊ ဆေးသွင်းပြီးသော် ယခုညနေချိန်ထိ နိုးမလာသေးပေ..။ ဦးမြိုင်လည်း သမီးဖြစ်သူကို ကြည့်ရင်း ရင်ထဲတွင်ဝမ်းနည်းမှုများ စို့တက်လာသည်..။
"အနှောင်းလေးရေ"
"ဖေဖေချစ်တဲ့ အနှောင်းလေး နိုးပါတော့ကွယ်"
"ဖေဖေလေ သမီးစာကောင်းကောင်းမလုပ်နိုင်မှာစိုးရိမ်လို့ မပြောဖြစ်တာပါ သမီးလေးရဲ့ ၊ ဖေဖေတမင်ဖုံးကွယ်ထားတာ မဟုတ်ပါဘူး"
"အနှောင်းလေး ဖေဖေ့ကိုမမုန်းရဘူးနော် ၊ ဖေဖေ့မှာ အနှောင်းလေးတစ်ယောက်ပဲရှိတာ ၊ မေမေလည်း တမလွန်ဘဝမှာ အနှောင်းလေးကို စိတ်ပူနေမှာ"
YOU ARE READING
ငွေသွားရာ ကိုယ်လိုက်မယ် (Completed)
Tiểu Thuyết Chung[ started date: 12 september 2023 ] [ ended date: 12 april 2024 ]