🌼 තහනම් නගරයේ සැඟවුනු කුසුම 🌼

ටේ හ්යොං කුමාරයාගේ අාදරය

තහනම් නගරයේ සැඟවුනු කුසුම 🏯

EPISODE 22

    
   හිරැ උදාවට අාසන්නව තිබුණු එ් මොහොතේ හ්වායොං ගැස්සී අවදි වූවාය .ගෙවුනු රාත්‍රිය පුරා සිදු වූ දේ සිහි කරමින් තත්පර කිහිපයක් සිතිවිල්ලේ උන් අැය අවසානයේ සුසුමක් හෙලමින් අාපසු පිටත් වීම සඳහා සූදානම් වූවාය.නමුත් තවමත් නින්දේ සිටි ටේ හ්යොං කුමරැ අැගේ ගමනට හරස් කැපුවේය.ඔහුගේ නිරැවත් පපුවේ  තැනින් තැන වූ තුවාල කැලැල් පුරා සැරිසැරෑ අැගේ නෙත් අවසානයේ වම් අතෙහි වූ රැධිර කැටි සමග අලුත් වූ තුවාලය අසල නතර විය .

"එහෙමනං එ් ඔබතුමා තමයි .සිතුවා එ් දෑස් එතරම් හුරැපුරැදු අැයි දැයි කියා."

      එම පාළු නිවසින් පිටතට පැමිණි අැය අසල ලිඳකින් ලබා ගත් පිරිසිඳු ජලයද ගමන් මල්ලෙන් ලබා ගත් ඔසු වර්ග කිහිපයක් ද සමග ටේ හ්යොං කුමරැගේ තුවාලයට ප්‍රතිකාර කිරීම අැරඹුවාය.අැගේ සිතේ කිසිඳු සතුටක් හෝ දුකක් තිබුනේ නැත.

"මම ඔබට අාදරෙයි "

    ටේ හ්යොං කුමරැ ගෙවුනු රාත්‍රියේ දිව්රා පැවසූ වදන් අැයට කොහෙත්ම විශ්වාස කල නොහැකි සේය.නිහඬවම සිය කාර්යය අවසන් කළ අැය පිටව යාමට සූදානම් වුවත් එ් වන විටත් අවදිව සිටි ටේ හ්යොං කුමරැ සහ මින් පෙර කිසිදා නොදුටු ඔහුගේ කඩවසම් සිනහව අැය නැවතත් නතර කරවූයේය.

     ඔසු ගල්වා වෙළුම් පටි යොදන ලද තුවාලය දෙස බැලූ ටේ හ්යොං කුමරැ මුහුණ හැඩ කල සිනහවක්ද සමගින් හ්වායොංගේ දෙතොල් මත මෘදු හාදුවක් තැබුවේය.නමුත් හ්වායොංගේ හැසිරීමෙහි නම් කිසිඳු වෙනසක් නොවීය.හිස් බවකින් මුළු ලොවම පිරී ගියා සේය.