سلامة وهي فرحانة: أهلين محمد شحالك؟.
محمد: الحمدلله, شحالج انتي وشو اخبارج إن شاء الله مرتاحة.
سلامة:الحمدلله مرتاحة بس مشتاقتلكم.
محمد: ونحن اكثر ... شعليج ابتعدتي عن الحر مش نحن هنيه ها شو ماليزيا حلوه؟
سلامه: هيه حلوه وااااااااااااااااايد
محمد: اكيد حلوه عيل ما اطول عليج ....سلمي عليهم و ترى سيف يسلم عليج
سلامه: الله يسلمك وياه من الشر ......و انت سلم عليهم كلهم اهلي و سيف ومريم و غانم .
محمد: يبلغ ان شاء الله عااااد ما اوصيج على نفسج ولا تنسين سلمي وااايد على ....
سلامه:ههههههههههههههه من عيوني
محمد: و قوليلها اشتقتلها واااايد
سلامه بس اقول جيه؟؟؟
محمد وهو يضحك:بس
سلامه: متاكد؟؟؟؟
محمد: هيه متاكد.
سلامه: خلاص عيل مع السلامه
محمد: يلا مع السلامه
الجزء التاسع عشر :راحت سلامه عندهم.
سلامه: مشكور خليفه.
خليفه: العفووو ....... عرفتي اخوج ؟؟؟؟.
سلامه و هي قافطه: هيه عرفته.
ام عبدالله : هذا محمد الي رمستيه؟؟؟؟؟.
سلامه: هيه ويسلم عليكم كلكم.
الكل: الله يسلمج وياه من الشر.
قعدت سلامه عدال موزة و هي اطالعها بنظرة خبث بس موزة مسويه اكبر طاف وبعدين طلعوا من الحديقة رادين الفندق وصلوا الفندق الساعه 6ونص.
ابو عبدالله: تبون اطلعون ولاتعبانين؟؟؟؟؟؟.
خليفه: لا بنطلع.
ابو عبدالله : خلاص انا بقوله الساعه 8 ونص يكون هنيه يعني كلكم تكونونجاهزين.
الكل: ان شاء الله.
راحوا كلهم حجرهم عشان يرتاحون.
سلامه: موزان.
موزة وهي منسدحه على الشبريه: نعم.
سلامه بخبث: ما سالتيني عن محمد؟؟؟.
موزة ارتبكت بس خلت نفسها عاديه: اسالجشووو؟؟؟؟؟؟؟.
سلامه: عن خباره و شو قال.
موزة اونها مش مهتمه: تراج خبرتينا.