سلامة: مادامك تموت على اليهال ليش ماتعرس؟.
غانم لف يطالعهاوابتسم.
سلامة: ليش تبتسم؟.
غانم: ماشي بس انتي بتكونين أول وحده تعرف منوأريد.
سلامة:والله؟؟.
غانم:والله.
وابتسملها والافكار توديه وتييبه, وصلو عندهم وسألت سلامة عن موزة وخليفة وقالولها انهم راحو يشترون لمنى وسلامة راحت عندهم وشافت خليفة واقف جدام المحل وشكله سرحان.
وقفت سلامة وراها وبصوت واطي: شوتسوي؟؟.
لف خليفةيطالعها.
سلامة مبتسمة: على الاقل مثل انك متروع.
طالعها خليفة من فوق لتحت ولف عنها.
سلامة مستغربة: ليش اطالعني جيه؟.
خليفة:.....................
سلامة:شوفيك؟؟.
خليفة: سلامة مب متفيج لج روحي عني.
سلامة: بسم الله شفيك شاب ضو.
خليفة: أحسلج ابتعدي عني انتيب الذات.
سلامة: أنا شوسويت؟.
خليفة: ما سويت شي بس روحي عني مب طايقنج.
سلامة: خيبة وشو سويتبك عشان مب طايقني؟.
خليفة: قتلج ما سويتي شي.
سلامة: وانا متأكدة اني ما سويت شي.
ومشت بتدخل المحل بس ردت مرة ثانيةعنده.
سلامة: اسمع خليفة أنا ما أحب حد يزعل مني وخاصة اني مب عارفة شو سويت , قولي؟؟.
خليفة تنهد: ما سويتي شي.
سلامة: لا اكيد أنا سويت شي زعلك وانا مب عارفه شو هذا الشي قولي شو مضايقنك و ريحني.
خليفة: انتي تعرفين شومضايقني.
سلامة: ماعرف.
خليفة بعناد: لاتعرفين.
سلامة اطالعه وبتردد: لا تقولي غانم!!.
خليفة ابتسم باستهزاء: تعرفيني ما حب طريقةكلامج مع غانم واسلوبج وياه.
سلامة: خليفة انا اكثر من مرة قايلتلك اني طول عمري اتعامل مع غانم بهذي الطريقة ماقدر اغير من أسلوبي.
خليفة: وانا ما قتلج غيري اسلوبج وما قتلج سوي شي , روحي عني.
سلامة: خليفة افهمني صعب علي أقول لغانم غيرأسلوبك وياي والا انا اغير أسلوبي وياه بس عشام خاطرك, خليفة غانم أخوي أخوي.
