ومن دخلو لعوزن بسيف اللي ندم ان خذهن وياه يعرف البنات والحريم ما ينعطن ويه فالسوق , طفربه اللي تقوله تبى تاخذ شموع واللي تقوله تبى محل اطفال واللي تقوله محل عطور ومكياج واللي جواتي وشنط واللي ملابس وتعب وياهن.سيف بتعب: منو تبى شموع؟.
سلامة:أنا.
سيف: هذوه تعالي دخلي , تعبتني التوبة اوديكن مكان – دخلن – سمعن دقايق بروح وبرجع.
موزة: وين بتروح؟.
سيف: الحين بيي مابتأخر.
البنات:اوكي.
طلع سيف من المحل وبعد خمس دقايق رجع وشاف سارة و روضة واقفات مع بعض وسلامة موزة مع بعض و مريم بعيد شوي عنهن وراح سيف عندها.
سيف: شي عيبج؟.
مريم:هيه.
سيف: عيل ما شوفج خذتي شي.
مريم : شباهن و شو بسويبهن ؟؟ البيت متروس شموع ليش اشتري بعد.
سيف:مريوم.
لفت مريم اطالعه: عيونها - و شافت الباقة –حقي؟.
سيف يبتسم: هيه حقج.
مريم ابتسمت بخجل: مشكور واااايد حلوه.
خذتها وسيف يبى يقولها شي .
سيف :مري............
البنات: ياسلااااااااااااام.
لفو سيف ومريم عليهم ومريم انحرجت من نظراتهن.
سيف منحرج بعد: من وين ييتن انتن؟.
روضة: ونحن بعد نبى ورد شمعنى مريم
سيف: لأنهاحرمتي.
روضة: ونحن خواتك.
سيف: خلاص ولا يهمج الحين بروح أخذلكن.
روضة: خلاص ما نبى ما خذتلنا من قبل.
موزة: رويض بس احرجتيه.
سيف:خلصتن.
سلامة: من زمان.
طلعو و دخلن البنات محل غيره وسيف وقف برع يرمس تلفون وبعد ما خلص دخل عندهم.
سيف: انتن بعدكن بتتشرن وأغراضكن اللي خذتنهن وايد بسير اوديهن السيارة وبرجع.
مريم: ما بتروم تشل الاكياس كلهن بروحك.
سيف: انتي هاتي خليني اجرب.
حاول سيف وماقدر.
روضة: أنا بروح وياك.
سيف: اوكي يلا رويض تعالي وياي وانتن لاتتحركن من هنيه دقايق وبرجع.
البنات:انزين.
سيف: ياويلكن اذا ما حصلتكن هنيه.
سلامة: لا تخاف مابنتحرك.