أما فبيت بو عبدالله,,,,,
اسما: عمتي شفتي منى؟.
ام عبدالله: أحيدها رايحة صوب حجرة خليفة.
اسما: محد ملعوز بخليفة غيرها.
ام عبدالله: هاهاههااها خليها قاعدة عنده.
اسما: عمتي ماخذه الدخون ومادري وين حطته بسيراسألها.
ام عبدالله:موزة خلصتي ترتبين.
موزة: هييه امي خلصت.
ام عبدالله: دخنتو الميالس.
موزة: هييه لاتحاتين اماية كل شي مرتب.
ام عبدالله: وين سيف وأحمد؟.
موزة: سيف يلعب مع احمد ومحمد فحجرةالألعاب.
ام عبدالله: انا محد بينني غير سيف.
موزة: ليش؟.
ام عبدالله: ما تشوفينه ما تقول عمره 23 سنة يلعب مع اليهال ويتضارب وياهم.
موزة:اماية شو تبينه خليه يلعب وياهم.
ام عبدالله: وليش انا ما سكتنه عناللعب خليه يلعب شو وراه الريايل إللي كبره معرسين وعندهم عيال وهو يلعب مع اليهال.
موزة خيبة أماية تبين تيوزين سيف قبل خليفة؟.
سيف:اسمع اسمي شو تحشون فيني.
موزة: تعال اسمع امي تباك تعرس.
سيف قعد عدال امه: بسم الله علي من فالج ليش تدعون علي.
ام عبدالله بعتاب : يوم نباك تعرس نكون ندعي عليك؟.
سيف: هييه تدعين علي بويع الراس.
ام عبدالله: أنا أدعي عليك بويع الراس يا الظالم؟.
سيف: هييه انتي ما تبيني اعرس؟ والعرس ما ييب إلا ويع الراس.
موزة: هاهاههاهاهاها.
ام عبدالله: ما منك فايدة أنا ليش أعور راسي وياك أحسلي أيوز خليفة محد مريحني غيره يعلني أفداه يسمع كلامي وما يرفضلي طلب
الجزء 36 :
سيف: افاا وانا ما اطيعج؟.
ام عبدالله: مش دوم اطيعني وايد تناقرني.
سيف: حليلي.
اسما راحت عند خليفة ولقت باب حجرته مشرع على الآخر.
اسما: خليفة.
خليفة: نعم.
اسما: منى عندك.
خليفة: هييه هذي داخل تعالي.
دخلت اسما: حسبي الله عليج شو تسوين؟.
