موزة: مب زعلانة.
محمد: افا الموز انا تزعلين علي.
موزة: انا مب زعلانة بس متضايقة شوي منك.
محمد: تتضايجين مني؟!؟! الله يسامحج والله السالفة ما تستاهل تتضايجين منها.
موزة: هيه لانك مب انت كنت تحاتي انا أعصابي احترقت.
محمد: هاهاهاهاهاها عشان خاطر عيونج الحلوات بخذلج شي انتي وايد تحبينه.
دخل محمد محل الورد وخذلها باقة وطلع.
موزة: مشكور وااايد.
محمد: العفوالحلوة.
موزة: أنت وين؟.
محمد: أنا أمشي.
موزة: وسيارتك وين؟.
محمد: موقفنها فالشارع الثاني.
موزة: ليش؟.
محمد: ما لقيت موقف و وقفتها فالشارع الثاني.
موزة: محمد.
محمد: عيونه.
موزة: تسلملي عيونك, اخطف بيتنا.
محمد: ليش؟.
موزة: أريد أشوفك.
محمد: اليوم شايفتني ما مليتي.
موزة: أمل من العالم كله ولا امل منك.
محمد: إن شاء الله باجر بيي بيتكم.
موزة: الحين أريد أشوفك.
محمد: ليش هذا الإصرار.
موزة: بس لأني أريد أشوفك.
محمد: أنا بخطف على سيف بعد المغرب عشان نروح العرس.
موزة: وأنا بترياك فالصالة لا توقف برع ادخل.
محمد: إن شاء الله.
موزة: شو هذي الحشرة أنت وين واقف فالجبرة.
محمد: هنيه بتان يتضاربون ما عرف على شو وأنا اتريا الاشارة تغدي حمرا عشان اخطف صدق إنهم صدعه.
موزة: اوكي مع السلامة اتصلبي من تركب السيارة.
محمد: إن شاء الله, بعدج زعلانة الغلا.
موزة: محمد أنا مب زعلانة بس انت ما تتصور شكثر تروعت عليك والافكار السودا كيف كانت ادور فراسي صدق صدق زغت عليك.
محمد: لهذي الدرجة تخافين علي.
موزة: أكثر من حياتي.
محمد: ليش تتروعين علي أنا مب ياهل؟.
موزة: اتروع عليك لأني أحبك.
سكت محمد فترة مب مستوعب انها قالتها.
محمد: شو قلتي؟.
موزةتضحك: قلت اتروع عليك لأني أحبك.
محمد: سمعت شي بالغلط ممكن تعيدين اللي قلتيه أخاف اني أتوهم.
موزة:أحبك.
محمدفرحان: أخيراً أخيراً يا الله صدق انج بردتي فوادي لا أحس ان قلبي بيوقف.
موزة: بسم الله على قلبك يعل يومي قبل يومك.
محمد: أنا هذا الطاري ما أحبه, قوليها مرة ثانية وإلا أقولج بهزب هذيلا عشان يسكتون شوي.
موزة: محمد لا تتدخل من بينهم هذيلا بتان ما بتروم عليهم.
محمد: ما عليج انا براويهم.
وتوه محمد بيلف عشان يهزبهم ما يحس إلا بحد يدعمه بقو واختل توازن محمد وحاول محمد إن مايطيح فالشارع بس غصبن عنه طاح فالشارع ودعمته سيارة والشي الوحيد اللي سمعه صرخة الحرمة اللي كانت واقفة عداله.....
يا ترى شو الي صار لمحمد ؟؟؟؟؟
ومنو بيشوفه ؟؟؟ ومنو هالحرمة الي صرخت ؟؟؟
شو بيكون رد فعل موزه يوم محمد ما يرد عليها كل هذا بنعرف انشاء الله في الجزء الياي
بليييييييييييز
اريد اشوف الردود والتوقعات
