سلامة انصدمت ما توقعت يتجرأ ويقول جيه احترق ويهها من المستحى ودخلت داخل وهو وراها مبتسم ما توقعها تستحي هو كان يبى يقهرها عبالها بتعصب وإلا بتزعل مب تستحي وشاف موزة شاله كوب ماي وعطته سلامة ولفت اطالعه وخيبة الامل مبينه فعيونها ابتسملها خليفة وسلم على خالته وريلها و راح هو واخته البيت.
وعلى الساعة 9 غانم وسيف كانو قاعدين عند محمد فحجرته.
غانم: سيف وين الماي؟؟.
سيف: هذوه عدالك خذ.
غانم: يلا محمد خذ هذا خافض للحرارة
محمد بتعب و عصبية: انتو الأثنينه شفيكم حد قالكم اني ياهل ما عرف اخذ الدوا تراكم طفرتوبي طلعو برع واحد يعطيني الدوا و شويه بيحطه فثمي والثاني ماسكلي غرشة الماي و بيشربني لو بعدني ياهل والا متكسره ايدي.
غانم: انزين ليش معصب ارتاح ارتاح انت مريض مافينا ننهزب مرة ثانية من حد ثاني الدكتور غسل شراعنا فما بالك اهلك شو بيسوبنااحسلنا نهتم فيك وبعدين انت وين تروم تتحرك درجو حرارتك 40 وهذي حمى مب شويه لازم تنخفض اذا ما انخفضت بنردك المستشفى.
محمد: خلاص انزين لا تم تهذرب تراك صدعتلي راسي –وانسدح محمد – وانت شو يايب.
سيف: ماشي بس بحطلك كمادات.
محمد: سيف دخيلك شل كماداتك واطلع برع انا تعبان وخاطري ارقد
سيف+غانم: انزين ارقد.
محمد: كيف برقد وانتو بتحطون كمادات باردة عراس
غانم يغير الموضوع: ترا هذا الاسبوع ما بنروح العين.
محمد مغمض عيونه ويحس ببرد فظيع:ليش؟؟.
سيف: وين اتروم تضرب خط وانت بهذي الحاله.
محمد: على ما اعتقد انا بركب سيارة مابمشي.
غانم: حتى ولو ما فينا تتعب علينا.
محمد: انتو شو عبالكم ماروم اتحرك.
ورن تلفون غانم: البيت !!,,الو.
ساره: هلا غانم شحالك.
غانم: الحمدلله بخير شحالج انتي وشحال امي وابوي وخوانج.
ساره: الحمدلله كلنابخير
غانم: شو المناسبة الي تخلي سويره تتصلبي.
ساره: عشان نتفق شو ناخذهدية.
غانم: هدية لمنو؟؟. محمد بدأ يكح بقو.
ساره:لمريم
غانم: لمريم!! شوالمناسبة؟؟.
ساره: شفيك عشان خطوبتها.
غانم بصدمه: شووووو؟؟!!. وطلع برع عشان يسمع زين.
سيف: تبى ماي.
محمد: لا مشكور بس عطني الفيكس.
سيف يناول محمد الفيكس: تباني احطلك.
محمد طالع سيف بنظرةناريه.
سيف: ليش اطالعني بهذي النظرة انا شو قلت بس بساعدك اذا ما تروم.
محمد: مب ياهل.
سيف: اعرف انك مب ياهل ذبحتني تراك يلا ارقد اذاخلصت عشان احطلك الكماده.
محمد: ماريد كماداتك بس خلاص ذبحتني انا بروحي بردان وانت تحطلي هذا الثلج ع راسي تبى تجتلني.
سيف: ترى بيفدنك بيخفضن حرارتك وبعدين مب باردات وايد انت تحسهن باردات لان جسمك ضو.
محمد: سو الي تباه بس لا تتفلسف وايد.
سيف يحط الكمادات ع راس محمد: انا الحين اتفلسف.
ودخل غانم وهو معصب ومضايج وقعد مجابلنهم وتنهد.
محمد: شو فيك شوصار؟؟.
غانم: انا ما عرف ليش اي شي يصير فالبيت مايخبروني لو بعدني غريب عنهم والله يرفعولي الضغط و مستغرب من ابوي اول مره ما يتصل ولا يخبرني.
محمد: ليش؟؟ لا يكون شي صارلهم؟؟
غانم: لا ما صارلهم شي بس مريم؟؟.
محمد:شوفيها؟؟.
سيف قام ييب غرشة ماي من ثلاجة محمد وكل حواسه منتبه لغانم وشو بيقول.
غانم:انخطبت.
سيف ابتسم.
محمد: انزين هذا شي مب يديد دايما مريم تنخطب.
غانم: أدري ان شي مب يديد بس هذي المره مريم وافقت ويوم الخميس الخطوبه.
غانم مايدري ان بكلامه بيذبح سيف و محمد عيونه راحن على سيف المصدوم.
محمد: منو هذا الي خطبها؟؟.
غانم: سالم ولدخالي.
محمد بصدمه: ســـــــالــــــم !!.
غانم: هذا الي قاهربي من بين كل الي خطبوها وافقت ع سالم.
سيف فداخله يحترق: مستحيل مريم تاخذ سالم مستحيل ليش قلو الرياييل عشان تاخذ هذا الصايع ,, وهي كيف قدرت توافق على غيري كيف- وطلع برع وراح حجرته ويحس نفسه بينفجر من الغيظ - خاطري يا مريم لو اشوفج مادري شو بسوي عادي اضربج بس ما تهونين علي , ليش يا مريم ليش؟؟ وما لقيتي الا سالم وهذا الحيوان لو جدامي الحين مستحيل يعيش.
محمد: شوبتسوي.
غانم:لازم اروح باجر العين واشوف مريم ما صدق ان مريم بتاخذ سالم مستحيل.
محمد: اصلا عمي كيف وافق هذا بيلعوزمريم.
غانم: انا الحين ما عرف شي إن شاء الله باجر بعرف السالفه كلها يلا انت الحين ارقد وانا بسير اتسبح وبرد ارقدعندك.
محمد: والله ما يحتاي حد يرقدعندي.
غانم: لا لازم يمكن تحتاج شي وانا بكون موجود.
وطلع غانم عن محمد وراح يتسبح وقبل لا يروح عند محمد خطف على سيف وشافه راقد وعقب راح عند الي كان راقد والحمى بعدها ما انخفصت وفرش غانم الفراش تحت ورقد وكانت الساعة 11,30 وتقريبا الكل كان نايم الا اثنينه سيف ومريم.
سيف حس بغانم بيدخل غانم عنده بس سوى عمره راقدومن طلع غانم وتم يفكر بمريم وهو بيموت من القهر والغيظ ,, اما مريم ما رامت ترقد بسبب حزنها وخوفها من يوم الخميس واكثر شي مزعلنها انها متأكدة ان سيف درى عن خطوبتها وتفكر بردة فعله من الموضوع.
وبالباجر الساعة 3 بغد مارد غانم من ادوام اتغدى بروحه لان محمد راقد وسيف قال للبشكار ان مايبى غدى وبعد ما خلص غانم يتغدى راح عند سيف.
غانم: ليش ما ييت تتغدى؟؟.
سيف: ما اشتهي راسي يعورني.
غانم: لا يكون انت بعدمحموم
سيف: لا مب محموم امس مارقدت زين.
غانم: خذت بندول.
سيف:هييه.
غانم: انزين سير ارقد عندمحمد.
سيف: انت ليش ما ترقدعنده.
غانم: انا بروح العين.
سيف:ليش؟؟.
غانم: انا مب مرتاح احس ان مريم فيها شي وانها مغصوبه ع سالم.
سيف: واذا كانت مغصوبه شوبتسوي.
غانم: ما بخليها تاخذه انا بقنعهم ,, انت الحين روح اقعد عند محمد.
راحو عند محمد وكان واعي.
غانم: يلا محمد انا مروح تامرني على شي قبل لااروح؟؟.
محمد: سلامتك والله يحفظك بس لاتنسى تتصل اطمناعلى مريم.
غانم: ان شاءالله.
روح غانم وسيف فخاطره يدعي ان مريم تكون مغصوبه وغانم يخلص الموضوع ويريح سيف.
محمد: سيف لا تحاتي ان شاء الله كل شي بيمر ع خيرومريم بتكون من نصيبك.
سيف: الله يسمع منك إن شاء الله ,, انزين ما تبى غدى.
محمد: لا ماريد ابى ارقد لين ما ياذن العصر.
سيف: حتى انا.
على الساعة 6 وصل غانم البيت وسلم على اهله وبعدين راح مع ابوه المسيد يصلي المغرب وبعد الصلاه راح عندمريم.
غانم: مريم فتحي الباب.
مريم فتحت الباب لغانم وهو انصدم من شكلهاالتعبان جنها مب راقده من اسبوع وعيونها منفخات جنها تصيح.
غانم: شحالج مريوم؟؟.
مريم منزله عيونها: الحمدلله بخير شحالك انت؟؟.
غانم: الحمدلله يسرج حالي ,, بتخليني واقف جدام الباب ما بدخليني؟؟.
مرمي: آسفه ادخل.
دخل غانم وسكر الباب وراه.
غانم: قعدي ليش واقفه.
مريم: وانت بعد اقعد.
قعد غانم على الكرسي وجابل مريم الي قاعدة عالشبريه.
غانم: صدق يا مريم الي سمعته.
مريم: شو الي سمعته.
غانم: ان سالم ولد خالي خطبج وانتي وافقتي.
مريم نزلت راسها: هييه صدق.
غانم: مريم انتي اختي واتمنالج كل الخير ,, كيف وافقتي على سالم وانتي ما اطيقينه وتعرفينه زين وتعرفين طبابعه وان هو ما يناسبج ومب قد المسؤوليه كيف وافقتي ؟؟ والا حدغصبج؟.
مريم: محدغصبني.
غانم: مريم قولي اذا اني غاصبتنج قولي انا برمس امي وابوي وبقولهم اني مب موافق على سالم ,, وانا صدق مب موافق ولا مرتاح لسالم ماريدج تاخذينه.
رفعت مريم راسها اطالع غانم: مشكور غانم انا اعرف انك تخاف علي وتبى سعادتي وانا سعادتي مع ولد خالي ومستحيل حد يغصبني عليه اناوافقت عليه برضاي.
غانم انصدم ومب مصدق: مريم الي تبى واحد برضاها مب جيه يكون شكلها تعبان.
مريم: انا شكلي تعبان لاني مارقد اتم سهرانه طول الليل وما ارقد الا الساعة 6 الصبح.
غانم:ليش؟؟.
مريم: اسهر على التلفزيون اطالع افلام.
غانم: يعني الي افهمه انج تبينه سالم.
مريم:هييه.
تنهد غانم بتعب: مبروك والله يوفقج فحياتج لو اني مب موافق بس شسوي وترى حتى محمد وسيف مب موافقين الله يوفقج ويسعدج فحياتج إن شاءالله.
وطلع عنها اما مريم فمن غانم طرى سيف انترسن عيونها دموع واول ما طلع صاحت.
وعلى الساعة 7 المغرب كان سيف قاعد فالصاله ومحمد يتسبح وسيف حاط تلفونه وتلفون محمد جدامه يتريا اتصال غانم ورن تلفون محمد وخذ سيف التلفون بسرعة وشاف الرقم وانصدم لان مب رقم غانم مكتوب على الشاشةالبيت.
ورد سيف بخيبة أمل:الو.
سلامة: الو هلامحمد
سيف: أهلين سلامي شحالج؟؟.
سكتت سلامة ماردت عليه.
سيف: شفيج سكتي انا سيف
سلامة: سيف ما عرفتك شحالك؟؟.
سيف: الحمدلله بخير شحالج انتي؟؟.
سلامة: والله الحمدلله بخير انتووين؟؟.
سيف: فالشقة وين بنكون بعد.
سلامة: متى بتون العين؟؟.
سيف: ما بني العين هذاالاسبوع؟؟.
سلامة:ليش؟؟.
سيف:حد عدالج؟؟.
سلامة: لا محد.
سيف: ولاخالوه؟؟.
سلامة: ولا امي ليش شو مستوي روعتني؟؟
سيف: ما شي ما مستوي شي.
سلامة: عيل ليش ما بتون؟؟.
