منى:الحين عموه موزة ما تقعد وياي وما تلعب وياي وماتكلمني.
سلامة: ما عليه حبيبي عموه كانت تعبانه بس الحين كل يوم بتلعب وياج وبتقعدوياج.
منى:صدق.
سلامة: صدق وشوفي هناك منو هذي؟.
نزلت موزة وكلهم مستغربين منها.
موزةبهدوء: السلام عليكم.
الكل: وعليكم السلام.
موزة: شحالكم؟.
الكل: الحمدلله بخير.
وراحت تسلم على امها وحبتها ع راسها: شحالج الغالية؟
ام عبدالله لوت عليها وصاحت.
عبدالله: امي شفيج تصيحين البنت تقولج شحالج تصيحين.
ام عبدالله تمسح دموعها: شسوي غصبن عني اشتقت لصوتها فديتج الغالية.
سلامة: خالد قم شوف وصل الدريول؟.
خالد: ان شاء الله.
خليفة: انا بوصلكم ما يحتاي تروحون مع الدريول.
سلامة: مشكور ما تقصر بس انا تصلت بالدريول.
خالد: سلامي يلا وصل الدريول.
عبدالله: سلامي ما قعدتي ويانا خلي الدريول يروح واناوالا خليفة بنوصلكم.
سلامة: مشكور عبدالله مرة ثانية ان شاء الله لازم الحين نروح وااايد تأخرنامع السلامة.
الكل: الله وياكم.
وفالسيارة , سلامة ما قدرت تتحمل اكثر صاحت وحاولت خالد مايسمعها.
خالد: سلامي شوفيج؟.
سلامة: ما فيني شي بس تعبانة اريد ارقد.
خالدعرف ان سلامة تصيح وصلو البيت وسلامة نزلت بسرعة قبل لا يشوفها خالد وحمدت ربها محد كان فالصالة قاعد راحت حجرتها وسكرت الباب..
أما مريم طول هالاسبوعين تحاول تكلم سيف وتعبت من كثر ما تتصل وترسل مسجات بس ما يردعليها وكانت الساعة 10 اتصلت بسيف ومارد عليها.
مريم: ليش مايرد علي.
ورسلت مسج مريم: { سيف والله العظيم ماريد شي منك بس طمني عليك لا تتصل ارسل مسج ولا تكتب شي عادي يكون فاضي المهم اطمني عليك }.
واندق باب حجرتها سارة تقولها تتصل بغانم.
مريم: وامي ليش ما تتصلبه بروحها.
سارة: تلفونها طاح واتكسر قبل شوي وعاد هي معصبة وابوي رايح ياخذلها غيره وهي تبى اتذكر غانم ياخذلها مداخن.
