طلع غانم من بيتهم ودخل بيت عمه وشاف سلامة قاعده على الدرفانه كالمعتاد ,فهذا الوقت دايما تقعد هنيه بروحها والا حد يكون وياها.
غانم مبتسم: السلام عليكم.
سلامة: وعليكم السلام.
غانم: شحالج سليم.
سلامة: والله الحمدلله , انت شو حالك؟.
غانم: والله تمام.
سلامة: اقعد.
غانم: زين يايبتلي كرسي , الحين أشوف خبريني ليش تصيحين؟.
سلامة بحراج: قتلك سخافة.
غانم بجديه: من شو خايفه.
سلامة: والله غانم مادري من شو بس جيه أحس اني خايفة حتى خاطري أسير عند أبوي وأقوله خلاص ماريد أعرس بس أعرف ما بيسمعني خلاص فات الفوت...
غانم: انتي الحين ما تبين تعرسين؟؟.
سلامة: مادري اللي اعرفه اني ماريد أطلع من البيت واخلي أهلي.
غانم: بس أهلج مب بروحهم.
سلامة: أدري بس غصبن عني هذا شعوري.
غانم: فاهمنج , سمعي سلامي انتي اللي مخوفنج احساسج انج بروحج ومحد وياج ,بس طالعي زين وبتلقين الكل واقف وياج والكل فرحانلج من خاطرهم والكل يفكر فيج وانااول واحد فيهم أفكر فيج وأحاتيج ,, بس اللي مريحني إن خليفة اللي بياخذج أنا احترم خليفة واثق فيه ثقة عميا ومتأكد إن بيسعدج و بيحطج فعيونه ,وصدقيني طول عمرج مابتندمين على موافقتج عليه أبد ما بتندمين.
سلامة: حتى محمد الله يرحمه ويغفرله كان يحترم خليفة ويثق فيه وايد,, -ابتسمت – تعرف قبل لا تتصل كنت حاسه بحاجتي لوجود محمد و وقفته وياي وسبحان الله بعد خمس دقايق انت اتصلت والله العظيم ارتحت والحين ارتحت اكثرمشكور.
غانم: تعتبريني أخوج وتشكريني؟.
سلامة ابتسمت: خلاص اسحبها مشكورهاهاهاهاها.
ابتسم غانم بحنان: الحمدلله ضحكتي والحين بفرحج أكثر.
طلع من مخباه حلاوا.
سلامة تضحك: مشكور هاهاهاهاهاها.
غانم مبتسم: العفو يلا كلي وخليني أشوف عيونج كيف اطلع قلوب.
سلامة: هاهاهاهاهاهاهاهاها.
غانم: مب انتي تقولين من تاكلين حلاوا عيونج يطلعن قلوب؟.
سلامة: هيه.
غانم: خلاص أنا أريد أشوف القلوب فعيونج.
سلامة: هاهاهاهاهاهاهاهاهاها.
وبعد ساعة من الضحك و المزاح.
