الجزء العاشر:
راحت سلامه تتصل بموزة و قالتلها فرحت موزة من الخاطر وحذرتها سلامي انها ما تخبر اهلها و خاصه خليفه لان سلامه تعرف محد بيخرب عليهم الا خليفه فاحسن سيف يقولهم و بعدين سكرت عنها و راحت تتصل بمريم.
مريم: الوووووووووووووووووووووو
سلامه:حشى صمختيني مب صوووت
مريم: شواسوي عاد يوم انا صوتي عالي
سلامه: لا تسوين شي.... بس اباااا اقولج بتروحين و يانا يوم الخميس الشارجه؟؟
مريم: هيه بسير
سلامه: يا العنز ما بتشاورين اهلج اول؟؟؟؟
مريم:بشاورهم بس انا اعرف انهم بوافقون ... منو بيروح وياكم؟؟
سلامه: محمد و انا و الموز و سيف ورويض و انتي و سويره.
مريم: اووهوو سيف بيروح ويانا انا مابروح عيل.
سلامه: ليش يعني ما بتروحين اذا سيف راح؟؟؟؟
مريم: انا الا امزح اصلا راح والا ماراح انا بكون قبلكم كلكم في السياره
سلامه:انزين ممكن تسالين رويض وسويره اذا بروحون ؟؟
مريم: ان شاء الله صبري شوي
راحت مريم تكلم روضه و ساره ودخل غانم و شاف سماعه التلفون مرفوعه و كان بيسكر قال يمكن حد يكون على الخط ويوم بغى يرد سمع
سلامه تقول: حشى هاي وين راحت راحت تطحن وعرست
غانم: منو هاي الي راحت تعرس؟؟؟؟؟؟؟
سلامه:بسم الله الرحمن الرحيم ...روعتني
غانم: هاهاهاهاهاهاهاها انتي دايما تتروعين؟
سلامه: شسوي ... شحالك غنوم؟؟؟
غانم: غنوم فعينج انا اسمي غانم
سلامه:اسفه شحالك غانم؟؟
غانم: الحمدالله بخير...عيل وين مريوم عنج؟؟
سلامه:راحت تشاور روضه وساره اذا بروحون ويانا؟؟
غانم : هذا الي ناقص والله تشاورون اليهال بعد.
سلامه: والله لو سمعتك رويض تقول عنها ياهل عادي تاكلك
غانم: عاد جني ما اعرفها رويض ام لسانين الا اقول وين تبون تروحون؟؟
سلامه: نبا نروح الشارجه
غانم: منو انتو؟؟؟ و منو بوديكم؟؟؟؟
سلامه: جواب السؤال الثاني محمد بودينا اما جواب السؤال الاول محمد و سيف و انا و موزة و مريوم و روضه و ساره و ريم و ريما.
غانم: خيبه هاي رحلة لكل بنات العايله
سلامه: شكلها
غانم: بعدين لحظه انا مابخلي خواتي يروحن مع سيف الغلس.
سلامه: ليش يعني؟؟؟؟.
غانم: على ما اعتقد سيف ما يقربلنا
سلامه: يالله عليك يا غانم الحين نحن متربين مع بعض تقول جيه والله ما توقعت منك انت بذات تقول جيه.
غانم: حشا كلتيني انا امزح
سلامه: اعرفك انك تمزح بس انت موافق يروحون؟؟؟؟
غانم: هيه عادي بس أي سياره تكفيكم كلكم؟؟؟
سلامه: ماعليك بنسير بسيارة محمد الاستيشن تكفي
غانم: بس ما بقول الا الله يعين محمد وسيف
سلامه : لا والله
غانم : هيه والله
سلامه: الا بسالك انت شو تسوي فالعين ليش مب في بوظبي؟؟؟؟
غانم:لا يكون العين بيتكم و انا ما ادري؟؟ عشان تروغيني؟؟
سلامه: ما اروغك بس اسال مستغربه
غانم: ماشي ماخذ اجازه يومين
سلامه: ليش شو المناسبه ؟؟؟
غانم: انتي شعليج؟؟؟؟
سلامه: افااااااا الحين انا تقولي جيه الله يسامحك
غانم: لا الغاليه لا تزعلين كله ولا زعلج و انا ماخذ اجازه لاني تعبان شوي
سلامه: سلامتك شوفيك؟؟
غانم : والله بطني يعورني وتوني راد من المستشفى و يقولون تسمم
سلامه: سلامتك ما تشوووف شر
غانم: الشر ما ييج
سلامه: انت شو ماكل؟؟؟؟؟؟
غانم: شدراني
مريم: ايه انت منو تكلم؟؟؟؟
غانم يطالع مريم بستهزاء: منو يعني اكلم؟؟؟ اكلم سلامه
مريم: على بالي سكرت.
غانم: لا ماسكرت خذي كلميها و من الحين اقووولج قبل ما تصدعين راسي موافق تروحين الشارجه
مريم: مشكور
راح غانم عنهن ...... مريم: اسفه سلامي تاخرت عليج
سلامه: كنت بعاقبج بس حمدي ربج لو مب غانم كنت عادي اجتلج.
مريم: الحمدالله بس بقولج لا ساروه و لا روضه يبن يروحن بس لازم نيبلهن شي
سلامه: انزين وريم و ريما كلمتيهن ؟؟؟
مريم: هيه بعد ما طاعن يروحن مادام روضه و ساره ما بيروحن.
سلامه:يعني الحين محد بيروح الا انا و انتي و موزة و محمد و سيف يلا عيل مع السلامه.
مريم: مع السلامه.
راحت سلامه عند امها و قالتها و امها رتاحت الانها ما فيها على حشرة سلامه.
يوم الخميس اليوم الموعود الي يترينه البنات بفارغ الصبر لان هاي اول مره يطلعون مع بعض بدون امهاتهن و الساعه 8 ونص راحت السلامه ادق على محمد الباب.
