موزة: لا.
محمد: أنا؟.
موزة: لا.
محمد: عيل منو مزعلنج خبريني وياويلهم مني.
موزة تمسح دموعها: محد مزعلني.
محمد: عيل ليش تصيحين؟.
موزة: خايفه.
محمد: من منو؟.
موزة: من أمي.
محمد: ليش شو سويتي؟.
موزة: الأبله اليوم عطتنا امتحان وانا ما حليت زين امي من بتعرف بتنازعني.
محمد: انتي مادرستي؟.
موزة: لا , أصلا ما كنا نعرف ان علينا امتحان هو امتحان مفاجىء
محمد: لاتصيحين, يعني انتي مب ذنبج اذا ما يبتي علامة زينه وبعدين بتعوضينهافالامتحان الثاني إن شاء الله.
موزة: بس أمي بتزعل مني
محمد: ما عليج أنا برمسها.
موزة: صدق؟.
محمد: هيه صدق , من بتعطيكم الابله الاوراق اعطيني اياهااوكي.
موزة: ليش؟.
محمد: انتي عطيني اياها وأنا بتصرف.
موزة: اوكي.
محمد:يلا الحين قومي غسلي ويهج و روحي قعدي مع سلامي ومريوم.
موزة: انزين.
وبالباجر محمد رايح ييبهن من المدرسة و ركبن بثلاثهن وهن يثرثرن وياه , وكل وحده تخبره عن المواقف اللي صارلتلها فالمدرسة وبعد ماخلصن.
محمد: موزان عطتكم الابله الاوراق؟.
موزة: هيه.
محمد: عطيني أشوفها.
طلعت موزة الورقة بتردد و أول ما شافها.
محمد: الحين هذا الامتحان اللي كنتي تصيحين عليه ياالمصريه.
البنات: هاهاهاهاهاهاهاهاها.
محمد: أنا قلت الحين أكيد علامتها بتكون خمسة والا عشرة مب 32 من 35 ياالمصرية.
موزة: أنا شدراني ماتوقعت بييب هذي العلامة قلت أكيدبرسب.
محمد: وتقولي مب دارسه عيل لو كنتي دارسه كم بتيبين 37 من 35 .
سلامة+مريم: هاهاهاهاهاهاها.
موزة: محمد عاد.
محمد: شو محمد , انا امس صارلي طول الوقت أفكر كيف أخلي خالوه ما تزعل منج واخر شي تطلع علامتج وايد زينه.