سلامة اطالع موزة بستغراب : شو وين تقومين تعالي معايموزة: لا مافيني اريد ابدل ثيابي..ماريد اتاخر انتي مخلصه عادي عندج روحي بروحج والله مابياكلج و بعدين احمد وياه .
سلامه: بروح شسوي مجبوره .
راحت سلامه حجرة خليفة وقفت جدام الباب و قالت لنفسها اهدي سلامه وخذي نفس وتوكلي على الله توكلت على الله و لا اله الا الله محمدا رسول الله ودقت سلامه الباب بطل خليفه الباب وهو معصب.
خليفه: شو تبا؟؟؟؟؟؟؟.
انصدم خليفه يوم شاف سلامه و سلامه انصدمت نفس الشي و غدى ويهها اشارة مرور لان خليفه ما كان لابس قميص كانت سلامه بتشرد
خليفه: لحظه سلامه
دخل خليقه وتمت سلامه برع ما تعرف شو تسوي تصبر والا تشرد و تحس ان ريولها ما رايمات يشلنها لازم تقعد ولا تراها بطيح شو هالموقف البايخ الي حطيت نفسي فيه رد خليفه وهو لابس القميص
خليفه وهو منحرج: اسف سلامه على بالي احمد لان طفربي قبل لا يطلع
سلامه وهي منزله راسها و مارايمه اطالع فويهه خليفه: لا عادي ما صار شي.
خليفه فخاطرة كيف ماصار شي و انا احس انج شوي و بتموتين.
خليفه: شي في خاطرج سلامه؟؟؟.
سلامه: لا.
خليفه: عيل ليش يايه حجرتي؟؟؟ و وين موزة عنج؟.
سلامه حست عمرها غبيه انا ليش ييت لو رحت عند خالي او تريت اسما احسن بوايد
سلامه: خليفه انا اريد اكلم اهلي اذا ما عندك مانع ؟؟؟.
خليفه: لا ما عندي أي مانع تعالي كلميهم.
سلامه مارامت تدخل الحجرة كيف ادخل بتم بروحي وياه في الحجرة.
خليفه عرف ان سلامه ماتريد تدخل لانهم بروحهم.
خليفه: دخلي سلامه لا تخافين بخلي الباب مفتوح.
قفطت سلامه : مش خايفه بس...........
خليفه: اعرف مايحتاي تفسرين خذي التلفون.
خذت سلامه التلفون ودقت لاهلها سلامه مارايمه توقف فقعدة فوق الشبريه وخليفه يطالعها
روضه: الووووو
سلامه: اوووووو هلاااا رويض
روضه: اهلين سلامي شحالج؟؟ شخبااارج؟؟ والله اشتقتلج.
سلامه وهي فرحانه: انا الحمدالله بخير و حتى انا شتقتلكم وااايد ..رويض حبيبتي عطيني امايه.