سيف: كل ما تملين روحي سوي كيك بسبوبة يعني حلويات هذي سوالف البنات.مريم: أنت قلتها البنات.
سيف: وانتي شو تراج بنت.
مريم: أنا مب بنت أنا فتاة.
سيف: هاهاها بلا سخافة.
مريم: سيف أنا وحده ما تحب تطبخ ولا تعرف تطبخ زين يوم أعرف أسوي بيض.
سيف: بس هذا اللي تعرفينه
مريم: هيه ولا بعد أعرف أسوي جاي و قهوة.
سيف: يا حافظ عليج وليش ما تتعلمين.
مريم: وليش أتعلم؟.
سيف: بيفيدج فالمستقبل.
مريم: أي مستقبل؟.
سيف: يمكن يوم من الايام يكون فخاطري انتي اطبخيلي.
مريم: وليش أطبخلك؟؟ حبيبي نحن اطورنا الحين في شي اسمه طباخ والاطباخة.
سيف: حلفي انتي بس.
مريم: والله العظيم.
سيف: وإذا ما عيبني طباخ البشاكير.
مريم: لا تخاف ما بتموت من اليوع شي مطاعم
سيف: يا حافظ صدق حرمة.
مريم: شفت عاد وين بتلقى حرمة مثلي ادور على راحة ريلها من الحين.
سيف: لا حشى ما بلقى مثلج لو كل الحريم شراتج كل الرياييل بيعيشون بسعادةومابيكون شي مطلقات فالدولة.
مريم: يا خسارة لو كل الحريم شراتي حرام انهن مب شراتي ولو بتشوف ما بيكون شي عنوسة فالدولة.
سيف: أشهد إن العنوسة بتزيد فالبلاد.
مريم: هاهاهاهاهاهاهاها.
سيف: ويلومون الشباب إذا خذو غير بنت البلاد أول شوفو بنت البلاد شو تقول بطلبلك من المطعم هذي حرمة.
مريم: انزين مب كل الحريم جيه , وبعدين انتو ما تاخذون الحرمة إلا عشان بطنكم؟
سيف: عيل عشان شو؟؟ أنا واحد أول شي يهمني بطني.مريم: اوكي ما عليه ما بخليك يوعان بطلبلك من الكافتيريا والا من أي مطعم تباه.
سيف: أنا ماريد من المطاعم أنا أباج انتي اطبخيلي.
مريم: سيف أنت تعرف من البداية اني ما اعرف أطبخ وكم حاولت أتعلم بس كل اللي اسويه يحترق شسوي يعني.سيف: حاولي مرة مرتين لين ما تتعلمين.
مريم: انا من كان عمري 13 سنة لين 17 سنة ما ضبط وياي شي.