وصلو محمد وسيف البيت ودخلو الصاله ومحد كان قاعد.
سيف: بسير اشوف خليفة وين والحين ياي.
محمد:لا تتاخر.
سيف: انزين.
قعد محمد فالصاله وتم يبدل فالتلفزيون ونزلت موزة مع منى.
موزة: خلاص منى تراج طفرتيبي الحين بوديج عنده.
منى: اريد امي.
موزة: الحين منوتبين امج والاخليفة؟؟.
منى: اريد امي.
موزة: اوكي يلا بنروح عند امج.
محمد: السلام عليكم.
موزة انصدمت بوجود محمد: وعليكم السلام.
محمد: شحالج موزة.
موزة: الحمدلله بخير شو حالك انت؟؟.
محمد: بخير من شفتج.
نزلت موزة راسها ,, محمد: منى حبيبي تعالي سلمي.
ربعت منى عند محمد وشلها: فديت الحلويت. وحبها عخدها.
منى: انا احبك.
محمد رفع عيونه على موزة: وانا احبج وايد وياليت ناسي تعلمون منج.
استحت موزة ولفت ويهها الصوب الثاني.
منى: محمد ليش ما تي بيتنا كل يوم.
محمد: ودي بس ما قدرحبيبي.
منى: ليش ما تقدر.
محمد: لان عندي شغل.
منى: انت تشتغل مع عمي خليفة.
محمد: لا مع عمج سيف.
منى: فبوظبي؟.
محمد: هييه بوظبي.
موزة: منى حبيبتي تبين تروحين عند امج.
منى هييه.
موزة: يلا عيل نروح.
محمد: بتخلوني بروحي.
موزة: وين سيف؟؟.
محمد: راح يشوف خليفة.
وتقربت موزة عداله عشان تشل منى: ما بيتاخر عليك الحين بيي.
محمد بحنان: واهون عليج تخليني بروحي.
موزة منزله عيونها وبصوت واطي: لا ماتهون.
وشلت منى وابتسم محمد بخبث وقرب راسه منها:احبج.
منى اطالع محمد: حتى انااحبك.
ضحك محمد بصوت عالي ومسك منى وحبها ع خدها موزة احترق ويهها من المستحى.
محمد: فديت الي يستحون.
موزة بخجل: محمدخلاص
محمد: شو الي خلاص انا ارمس منى.
منى: صح يكلمني انا ليش تتدخلين.
موزة: اسفة ما بدخل مرة ثانية بوديج عندامج.
محمد: اوصلج عيوني.
موزة اطالع محمد بنظرة عصبية: محمد شو هذا الكلام.
محمد يبتسم براءة: اقول لمنى.
راحت موزة عنه وضحك محمد عليها ودخل سيف مع خليفة.
خليفة: السلام عليكم
محمد: وعليكم السلام هلا خليفة شحالك.
خليفة: تمام شحالك انت؟.
محمد: الحمدلله بخير
خليفة: وين غانم عنكم.
سيف: غانم فالبيت
خليفة: ليش ما يبتوه وياكم.
محمد: ما طاع اوين يبى يرقد ناش الساعة 5,30 .
خليفة: شو يسوي.
محمد: يقول اتعود ع نشت الصبح.
وتمو يسولفون لين اذان العصر وراحو المسيد يصلون وهم طالعين من المسيد تلاقو مع ربعهم وراحو ميلس قوم خليفة وتمو يسولفون مع بعض.
ومرن عليهم ها الاسبوعين عادي ,, ومريم قررت اتقول لسيف وموزةاتصلت بسلامة ومريم وقالتلهن ايين عندها فالبيت...
سلامة ومريم وخالد وجاسم فالسيارة وكانت الساعة 6 يوم الثلاثاء.
مريم: الحمدلله طلعن النتايج ونجحنا.
سلامة: الحمدلله و علاماتنا حلوه
خالد بحقد: ياحظكن.
وصلو بيت خالتهم ونزلو ولقو خالتهم واسما ومنى و موزة قاعدين سلمو عليهم وقعدو يسولفون وياهم وبعد نص ساعة بدت مناحة منى.
اسما: اشفيج حبيبي.
منى تصيح: تعالي طالعي وياي الرسوم.
اسما: بعدين خلينا قاعدين.
منى: ماريد وين عمي؟؟.
ام عبدالله: طلع.
منى زادت صياحها: انا ما احبكم كل ما تحبون اطالعون وياي الرسوم.
سلامة: خلاص حبيبي لا تصيحين انا بشوف وياج.
منى بفرح: بتشوفين وياي شلبي.
سلامة تضحط: منوشلبي؟؟.
منى: وحش وايد حلو تعالي براويج.
ام عبدالله: ما عليج منها لاتروحين وياها.
سلامة: لا خالوه مب زين بروح اشوف وياها مابتاخر.
راحت سلامة مع منى وقعدن يطالعن الرسوم وبعد ساعة دخل خليفة.
خليفة: السلام عليكم.
الكل: وعليكم السلام.
خليفة: وانا اقول ليش البيت منور عثره مريم عدنا.
مريم: البيت منورباهله.
خليفة: شحالج مريم؟.
مريم: الحمدلله بخير شحالك انت؟.
خليفة: والله تمام , وين منى مااشوفها؟
موزة: فوق اطالع الرسوم.
خليفة: بروح عندها.
راح خليفة فوق وفتح الباب.
خليفة: وينج الغلا – اتفاجأ خليفة بسلامة وابتسملها.
سلامة اتقشلت لانها كانت منسدحه.
سلامة بحراج: هلا خليفة شحالك؟.
خليفة: الحمدلله بخير شحالج انتي.
سلامة: بخير.
خليفة: عيل وين منايه
سلامة: هذي منسدحه اطالع الرسوم ومندمجة على الاخر.
منى: سلامي شوفي الحين شلبي بيروح عند بو شوفي بسرعة قبل لا يخلص.
سلامة: اوكي.
قعدت سلامة اطالع وخليفة قعد عدال منى.
منى: حبيبي شوف.
خليفة: انا مليت من كثر ما اطالعه شورايج نروح نشتري افلام غيرهن.
نقزت منى: يلا يلا الحين نروح.
خليفة: اوكي الحين بنروح بس سلامة.
منى متعلقه على خليفة: بنشلها ويانا.
خليفة: يلا سلامة قومي ويانا
سلامة: لا وين اروح وياكم روحوانتو.
خليفة: تعالي بناخذلج حلاوا.
سلامة تفكر: ممممممممممم مب لازم اروح وياكم انت خذلي.
خليفة: شو اخذلج.
سلامة: حلاوا.
خليفة: الي يبى حلاوا يركب ويانا صح منى.
منى: صح.
سلامة: اوكي اذا وصلتكم عند السيارة بتاخذولي حلاوا.
خليفة: اوكي يلا بس لازم توصلينا عند السيارة.سلامة: اوكي يلا ننزل تحت.
وهم نازلين انصدمو خليفة وسلامة.
خليفة: السلام عليكم.
الكل: وعليكم السلام.
ميرة بدلع: هلا خليفة شحالك الغالي.
سلامة تحترق من الغيظ
خليفة: الحمدلله بخير شحالج انتي.
ميرة: الحمدلله بخيربشوفتك.
خليفة انحرج.
ميرة: شحالج سلامة
سلامة تسلم على ميرة: الحمدلله بخير
وسلمت سلامة على خوات ميرة.
ميرة: شو اخبارك خليفة,, اشوفك قاعد مع اليهال.
سلامة خاطرها نصفع ميرة.
خليفة يلوي على منى: حليلها وحده وتقولين عنها يهال.
وقفت سلامة, مريم: وين بتروحين سلامة.
سلامة: بروح...
خليفة قطع كلامها: بتوصلنا انا ومنى عند السيارة يلا منى قومي.
قامت منى,, ميرة بغيرة: وين بتروحون؟.
منى: عمي بيشتريلي افلام.
موزة: وسلامي ليش توصلكم. _
