سلامة: تراه ابوه كان الذكر الوحيد حتى شكله عجيب ويوم عيد الاضحى من يابو الضحايا وحده حطوها وياهن والثانية حطوها ورا المطبخ لا يضاربن بس شو الي استوى التيس قام يضارب الجبش ( كبش ) عاد لو تشوفين الجبش ما شاء الله مكبره والتيس عداله ولا شي بس التيس عادي كان يجتل الجبش لو ما طلعوه برع.
وياب شمس الوريث.
ام محمد: هذوه مسكيه ما بيقول شي.
مريم مسكت الوريث ومسحت ع راسه: ما شاء الله عليه محلاه ولا بعد ما يتروع ولا يقول شي ناعم عجيب والله سلامة تعالي مسحي عراسه.
سلامة: ماريد.
مريم: صح سلامي مب الضحية كانت ضحيج.
سلامة: هييه ليش.
مريم بخبث: ومب هي نفسها الي كسرت قرنها صباح العيدهاهاهاهاهاهاها.
ام محمد تضحك: هاهاهاهاها هييه نفسها وناس كانو شوي وبيصيحون وراح ابوها ياخذلها غيرها.
سلامة اونها معصبة: ضحكن شعليكن جيه انا صارلي عشر ايام مب مشطه شعري مثل الناس وآخر شي تقوم وتكسر قرنها ما عندها سالفه صدق قهر.
مريم: لا بعد ما سدها مسوتلي تلفون من صباح الله خيرتقولي ان ضحيتها انكسر قرنها كانت شوي وبتصيح.
سلامة تبتسم: ومنوقالكن اني ماصحت.
ام محمد: صحتي؟؟.
سلامة: هييه صحت عند ابوي عشان جيه حليله راح ياخذلي ضحيه غيرها ما هنت عليه فديته.
ام محمد: اقولهم يردونه داخل.
مريم: هييه.
ام محمد: تبين واحد غيره.
مريم: لا هذا بس عايبني.
ام محمد: ما تبين هاي العنزالسودا.
مريم: لا ماريدها اتروع منها.
ام محمد: حليلها هاي امه.
مريم: وين ابوه.
سلامة: ليش ما خبرتج؟؟مات.
مريم: حليله.
سلامة: كل من امي انا كنت اشوف شكله متغير اقولها مريض اتقولي ما فيه شي.
ام محمد: والله انا مالي خص هذا يومه يلا نروح داخل حر.
سلامة+مريم: يلا.
ومشن وياها وسلامة تبى اطفربامها.
سلامة: صح مريوم ماخبرتج.
مريم: عن شو؟؟.
سلامة: عن وحده الله يستر عليها يوم ولدت العنز وطلع ولدها ميت تمت تصيح وما طلعت من البيت وكل شوي تسير وتشوف العنز وترجع اتصيح متاثره وياها.
