وبعدين اتصلت سلامه بموزة قالتلها موزة بأن خليفه وافق يخليهم يروحون واتفقوا الساعه خمس ونص يطلعون من البيت سكرت سلامه عن موزة و اتصلت بمريم و اتفقواعلى نفس الموعد وع الساعه خمس وربع
العمه: شموس انقفضي يلا بنتأخرينا .
شمسه : يلا انزين خلصت.
العمه: حشى شو تسوين ؟؟؟.
سلامه: عموه كنت أمشط شعرها .
العمه: انزين يلا بسرعه نروح .
أما فبيت أبو محمد ,روضة: خالد خويلد يلا تلبس والله إن سلامه بتحشرنا وبعدنا بنخطف على مريم و على بنات عمي سالم يلا.
خالد: انزين حشرتيني يلا نروح.
روضة: يعني انته ما يحلاالك اللعب إلا يوم بغينا نظهر .
خالد: انزين خلاص ترانا طلعنا حشى رايحين نضارب مش حديقة.
و خطفوا قوم روضة على بيت عمهم منصور و ركبت مريم و جاسم و ساره و بعدين خطفوا بيت عمهم سالم و ركبن ريم و ريما و اتوكلو على الله وراحوا الحديقه أما فيبيت أبو عبدالله بيت خالة سلامه.
خليفة: موزة موزة يلا بسرعه أنا ما بترياج اليوم بطوله خلصيني وإلا ترانيبروح و بخليكم.موزة : لا لا لا لا تروح خلصت ييت .
خليفة: وين أحمد .
أحمد: أنا هنيه يلا.
وفي السيارة خليفة .
خليفة: سمعي تراه مب أنا بردكم اتصلي بالدريول وهوبيبج.
موزة: إن شاء الله .
خليفه : ولا تتاخرين انزين.
اسما حرمة عبدالله: انزين يا خليفه حشرتنا تقول مسافرين إلا حديقه بس منالتعليمات. خليفه:هاهاهاهاهاهاها والله يا حرمة أخوي لو انتي مش وياهم ما خليتهميروحون.
اسما: مشكور على الثقه.
وصلوا الحديقة و تلااقوا كلهم وراحو يدورولهم مكان يقعدون فيه و فرشواالفراش وقعدوا بعد شوي قام خالد و جاسم و احمد راحوا يمشون و بعدين قامن روضه وساره و ريم و ريما يلعبن وشلن وياهن منى و تمت العمه و سلامه و اسما حرمة عبدالله وسلامه و مريم و موزة يسولفون لين ما آذن الغرب.
صلن المغرب و بعدين قامن سلامه و مريم و موزة .
اسما:على وين رايحات ؟.
.سلامه: بنمشي شوي و بنشوف البنات وينورادين.
اسما: زين عيل لا تتاخرون عشان بنروح مابنى نتاخر اكثر .