موزة مبتسمة: مريوم شوي شوي على الكيكه.
مريم: أنا يوم من الايام يمكن اسوي جريمةفسيف.
سلامة: ليش؟.
مريم: لازم يغايظني وينرفزني.
سلامة+موزة: هاهاهاهاهاهاها.
موزة بخبث: في ناس اليوم كانو يحترقون وقامو يغايظون ميرة.
لفت سلامة عليها: تعرفين انتي لسانج طويل شرات بنت عمج.
موزة+مريم: هاهاهاهاهاهاها.
سلامة ما اهتمت وصبت الماي الحار فالدله وما سكرتها زين لان موزة تغلسبها.
موزة: يوم انتي غيرانه ليش ما قمتي تقعدين عداله مثلها وتتضاربن عليه جنكن عدايل هاهاهاهاها.
مريم: هاهاهاها.
سلامة: انتي سخيفة مادري من وين اطلعين هذي الرمسه اللي مالها معنى , أناآخر عمري اضارب على ريال؟!!! أصلا ماباه خلها تاخذه حلال عليها.
موزة بخبث: علينا علينا هذا الكلام.
وهن مب منتبهات لمنى اللي يابت كوب وحطت فيه السكر و النسكافيه و الحليب وما باقي الا الماي.
مريم بغلاسه: إن الغيرة تقتل صاحبها أحيانا.
سلامة: مالت عليكن.
لفت وشافت منى: منى لاااااااااااا.
شلت منى دله ومارامتها وايد ثجيلة وحاولت تمسكها , ومريم وموزة شهقن وسلامةاقرب وحده لمنى ومدت ايدها عشان تمسك الدله بس من ثجل الدله منى بطلتها وكانت بطيح على منى بس سلامة دزت منى وطاحت الدله وانجبت على ايد سلامة وتكسرن الاكواب ومنى تروعت و موزة ومريم صرخن واللي فالصاله سمعوهن وقامو خليفة وسيف وعبدالله يشوفون شوصاير والبنات وراهم ,, واما سلامة أول ما انجب الماي الحار على ايدها غمضت عيونهابقو وحست إنها فقدت حاسة السمع , ما تسمع ولا صوت مع إنها تشوف الكل فالمطبخ بس الألم مب مخلنها تسمع او تستوعب شي.
خليفة: شو صار؟؟.
وشاف سلامة ماسكه ايدها اليمين وسيف تقرب عدالها.
سيف يصارخ على مريم و موزة: شوفيها ليش ايدها.
موزة خبرتهم شو اللي صار وسيف خطف يربع يشغل السيارة وخليفة تروع على سلامة و منى تصيح وروضة راحت عند سلامة.
روضة بخوف: سلامي.
سلامة ترتجف من ألم: ما فيني شي ليش متروعين.
خليفة: موزة روحي لبسي عباتج بسرعة وييبي عباتها وياج بنروح نوديها العيادةبسرعة.
راحت موزة تيب عباتها وعباة سلامة.
