سيف: محمد مريض.
شهقت سلامة.
سيف: شفيج شهقتي؟؟.
سلامة: بسم الله على اخوي ليش اتفاول عليه.
سيف: الحين انا افاول على اخوج محمد صدق مريض.
سلامة: فديته شوفيه؟.
سيف: محموم و مزجم وامس رحنابه المستشفى.
سلامة: والحين شو حاله وهووين؟؟.
سيف: الحين والله الحمدلله خفت شوي الحمى وهوالحين يتسبح.
سلامة: فديت اخوي مايستاهل.
سيف: بدت العيوز الحين تتفدى اخوها.
سلامة: اسمع سيف حط بالك على محمد زين واهتم فيه ولا تخليه بروحه فاهم.
سيف: لو بعده اخوج ياهل عشان توصيني عليه.
سلامة: والله لو رديتو اليوم كان احسن عشان اشوف اخوي واداريه الحين منو بيشوفه اذا كان تعبان؟؟.
سيف: ولا يكون انا مب تارس عينج ياالغبية؟؟.
سلامة: مب قصدي.
سيف: خلاص انزين لا تحشريني يلا سكري عرفتي ان محمد مريض وان ما بني العين واذا تبين ترمسي اخوج يوم بخلص يتسبح بقوله يتصلبج باي.
سلامة: انزين باي بس ما وصيك على محمد اقعد وياه واذا زادت عليه الحمى حطله كمادات بارده واذا ما انخفضت سيربه المستشفى.
سيف: اوامر ثانيةاختي؟؟.
سلامة: لا بس سلم عليه وقوله سلامات ما تشوف شرالغالي وحبلي اياه.
سيف: هذا الي ناقص بعد ابوسه ما عندج سالفه باي.
سلامة: سيف دير بالك عليه.
سيف بغياظ: تراج حشرتينا محد عنده غيرج عادوالاخو مادري منو الامير تشارلز.
سلامة بعتاب: سيف مااسمحلك.
سيف يبتسم: خلاص انزين أوامرج ع راسي كل شي بسويه الا اني ابوسه.
سلامة: مشكور ما تقصر و مع السلامة.
سيف: الله يحفظج وسلمي عليهم.
سلامة: يبلغ إن شاءالله.
سكر عنها وبعد ربع ساعة دخل محمد الصاله وقعدعدال سيف.
محمد: انايوعان.
سيف: حتى انا ميت يوع كنت بروح اييب شي ناكله بساول قلت بسالك شو تبى.
محمد: انا بروح وياك.
سيف: وين تروح وياي وانت تعبان – وحط ايده ع راس محمد – وبعد الحمى ردتلك خذت الدوا.
محمد: سيف والله العظيم مب ياهل اعرف اخذ دواي بدون محد يقولي وقم خلنا ناخذلنا شي ناكله.
سيف: يلانروح.
محمد: ما اتصل غانم.
سيف: لا ما اتصل بس سلامة اتصلت وتسلم عليك وتقولك سلامات ما تشوف شر الغالي.
محمد: فديت سلامي شواخبارها؟؟.
سيف: الحمدلله وبعد قالتلي ابوسك.
محمد: منك ماريدها.
سيف: انت تتمنى بس انا ماتنزل. (( هههههههههااااااااااااااااي ))
محمد: هييه صح ما تتنزل غيرك يتمنون؟؟.
سيف: غيري مب انا.
وعلى الساعة 11 محمد وسيف فالشقة قلعدين يطالعون فلم ومحمد خلاص واصل حده من التعب.
سيف: محمد قم خلنا نروح المستشفى.
محمد: يعني شو بيسوون بيعطوني نفس الدوا خافص للحراره وانا عندي ما يحتاي واحسن لو تسكت لاني اريد اشوف الفلم.
سيف: ما بسكت وبعدين انت مب رايم اطالع الفلم عيونك يدمعن ومب رايم تفتحن من التعب.
محمد: سواف اسكت تراك صدعةراسي.
سيف: انت لو خليتهم يضربونك ابره مب احسن عنبوك ريال طول وعرض تتروع من ابره.
محمد بعصبية: وانت شعليك.
سيف: انزين قم ارقد.
محمد: اوووووووووووف استغفر الله انت ما بتسكت عني الحين بيخلص الفلم وبروح ارقد.
سيف: انزين باجربنكمله.
محمد: لا إله إلا الله محمدا رسول الله تراك كرهتني حياتي تزن شرات النحله فذني انا مادري ليش الله بلاني فيك لو انت روحت وتم غانم قاعد عندي كان احسن.
سيف بصوت واطي: ياليتني بدال غانم الحين.
محمد اونه ما سمع: شوقلت؟؟.
سيف: ما قلت شي.
وسكتو يطالعون الفلم وكل حد باله بيعيد عن الفلم سيف يفكر بغانم وليش ما اتصل ومحمد زعلان على حال سيف ويفكر بعد بغانم ويقطع حبل افكارهم تلفون سيف.
سيف: هذا خليفة ,,الو.
خليفة: السلام عليكم.
سيف: وعليكم السلام مرحبا خليفة شحالك؟؟.
خليفة: والله تمام شحالكم انتو؟؟.
سيف: الحمدلله بحير.
خليفة: وينكم انتو؟؟.
سيف: نحن فبوظبي.
خليفة: متى بطلعون إن شاءالله؟؟.
سيف:ما بني هذاالاسبوع.
خليفة:ليش؟؟.
سيف: والله محمد شوي تعبان.
خليفة: محمد!! ليش شوبلاه؟؟.
سيف:مزجم وحرارته مرتفعه.
خليفة: سلامته ما يشوف شر رحتبه المستشفى.
سيف: هييه بس هذي الحمى مب طايعه تنخفض كل شوي ردتله.
خليفة: حط بالك عليه لا يتعب زيادة واذا زادت عليه الحمى وده المستشفى يضربونه ابره.
سيف: هو طايع يتروع من الإبره.
خليفة ضحك: يتروع من الإبره هاهاهاهاهاهاها,, ماعليك منه روح وياه العيادة وخلهم يضربونه ابره غصب وبيصبح بخير ان شاءالله.
سيف: يبالي اسويبه جيه هذي احسن طريقه.
خليفة:اقولك سيف انا الحين بسكر عندي هنيه ناس بينون باي.
سيف ابتسم: خليفة عطني اياهابرمسها.
خليفة يرمس موزة: خذي سيف يباج.
موزة خذت التلفون وخليفة روح عنها:الو.
سيف: هلا والله بهاا الصوت شحالج الموز؟؟.
موزة: الحمدلله بخير شحالكم انتو.
سيف: والله نحن الحمدلله بخير.
موزة بجرأة: وشو حال محمد؟؟.
سيف استغرب اول مرة تتجرأ وتسأل عن محمد:الحمدلله بس تعبان شوي.
موزة: سلامته شوفيه؟؟.
سيف:محموم.
موزة: ما يشوف شر سيف سلم عليه و...
قطع سيف كلامها: ما فيني عليج تقوليلي شرات سلامة سلم عليه ومادري شو كلميه انتي بروحج.
موزة بحراج: انزين عطني اياه بس شوبقوله.
سيف: شرات شو كنتي بتقولين.
موزة:انزين.
سيف:محمد.
محمد مغمض عيونه:نعم.
سيف يبتسم بخبث: ناس يبون يرمسونك.
خذ محمد التلفون وهو مب حاس على باله يحلم:الو.
موزة مستحيه: هلامحمد.
محمد: أهلين شحالج موزان.
موزة: الحمدلله بخير انت شوحالك؟.
محمد: من سمعت صوتج انابخير.
موزة بحراج: سلامات ما تشوف شر.
محمد: الشر ما ييج عيوني.
موزة سكتت انحرجت ومحمد مب حاس بالي يقوله وسيف يطالع محمد ويبتسم يعرف محمد مدوخ الحين ولابحاس.
